AtuartigukDigitaliseriinermut Aqutsisoqarfimmi pisortaq nutaaq
Nassiussisuuvoq: Naalakkersuisut Siulittaasuata Naalakkersuisoqarfia
39-nik ukiulik René Kvist Digitaliseriinermut Aqutsisoqarfimmi pisortassatut atorfinitsinneqaqqammerpoq. Katrine H. Nathanielsen ukiuni tallimani pisortaasimasoq, allamik misilittagassarsiussalluni aalajangersimasoq, taarsissavaa.
René Kvist aqutsisoqarfimmi pisortatut Kalaallit Nunaanni digitaliseeriinermi siuttuusaaq. Inatsisilerituutut ilinniarsimavoq Kommuneqarfik Sermersuumilu Isumaginninnermut Kiffartuussivimmi allaffimmi aqutsisuusimalluni. Nukissiorfimmilu Atuisunut Sullissivimmi Inatsisilerinermilu immikkoortortaqarfimmi pisortaasimalluni, nunalu tamakkerlugu digitaliseriinermi suliniutinut nutaaliornermi pilersuinermilu isumannaallisaanermi misilittagaqarluarluni.
Aqutsisoqarfimmi pisortassaq suliassaminnik aallartitsinissaminik qilanaarpoq:
- Atorfinni aallartinnissannut digitaliseriinermilu suliniutinik ingerlatsitseqqinnissannut qilanaarpunga. Suleqatissakka Namminersorlutik Oqartussallu immikkoortortaqarfinni digitaliseriinermi aaqqiissutissanik ujartuinissara pissanganarluinnartoq qilanaaraara. Misilittakkakka aallaavigalugit Namminersorlutik Oqartussani immikkoortortaqarfinni avataanilu suleqateqarnikkut tigussaasumik pitsanngorsaanissara isumalluarfigaara René Kvist.
René Kvist ulloq 1. december 2024 atorfittaamini aallartissaaq.
Erseqqinnerusumik paasisaqarusuttut naalakkersuisoqarfimmi pisortaq Hans-Peder Barlach Christensen, hape@nanoq.gl, oqarasuaat 345000 aqqutigalugit attavigisinnaavaat.