AtuartigukKapisilinniarnermut aqutsiveqarfinni ukuusuni, Kapisillit, Avannaata kitaani aammalu Kangiani sungiffimmi aalisartut kapisilinniarnerat Novemberip 16-iani 2024-mi unitsinneqassaaq
Nassiussisuuvoq: Aalisarnermut Piniarnermullu Naalakkersuisoqarfik
Kalaallit Nunaanni Aalisarnermut Piniarnermullu Nakkutilliisoqarfik tamatumuuna nalunaaruteqarpoq kapisilinniarnermi aqutsiveqarfinni ukuusuni, Kapisillit, Avannaata kitaani aammalu Kangiani sungiffimmi aalisartunut kapisilinniarneq Novemberip 16-iani 2024-mi unitsinneqassasoq, piffissaq kapisilinnik aalisarfiusussaq naammat.
Kapisilinnut qassutit tamarmik aqutsiveqarfinni pineqartuni kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.
KANUAPNA aammaarluni kaammattuivoq aalisartut pisatik piaarnerpaamik nalunaarutigisassagaat. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat. Novembarip 30-ianni 2024-mi kingusinnerpaamik nalunaaruteqartoqassaaq. Novembarip 30-ianni 2024-mi kingusinnerpaamik nalunaaruteqartoqanngippat, 2025-mi kapisilinniarsinnaanermut akuersissummik tunineqarsinnaangilaq.
Kapisilittat pillugit paasissutissat amerlanerusut nittartakkami Sullissivik.gl-imi atuarneqarsinnaapput.
Annerusumik paasisaqarusukkuit attavigiuk Kalaallit Nunaanni Aalisarnermut Piniarnermullu Nakkutilliisoqarfik oqarasuaat 34 50 00 imaluunniit e-mail gfjk@nanoq.gl
