AtuartigukIkiorsiissutinut inatsisip nutaap suliffissarsiortut nalunaarsorneqartut amerlanerulersikkai
Naalakkersuisut maluginiarpaat, oktober 2024-mut suliffissarsiortut nalunaarsorneqartut oktober 2023-mut sanilliullugit amerlanerulersut. Suliffissarsiortutut nalunaarsortittut 288-inik amerleriarsimapput. Suliffissarsiortunut ikiorsiissutit pillugit Inatsisartut inatsisaat nutaaq pissutaasunut ilaavoq.
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Naalakkersuisut Naatsorsueqqissaartarfiup qaammatit tamaasa suliffissarsiortunik nalunaarsorneqartunik saqqummiuttagaannik malinnaapput, aamma saqqummiunneqartumi kingullermi takuneqarsinnaavoq kisitsisit qaffassimasut. Taamaattoq qaffanneq pillugu Naalakkersuisut ernumassuteqanngillat, tamatumunngami tunngaviusoq tassaammat suliffissarsiortunut ikiorsiissutit pillugit Inatsisartut inatsisaat kisitsisitigut sunniuteqarnerata aallartinnera.
”Naalakkersuisut pisortanit ikiorsiissutit aamma suliffissarsiortunut ikiorsiissutit pillugit aaqqissuusseqqinnerat ukioq manna 1. januar aallarnerfigalugu atuutilerput. Maannakkut aaqqissuusseqqinnerup sunniutai takuneqarsinnaanngorput, suliffissarsiortunut kisitsisit allanngoriartulermata. Allanngoriartorneq nutaajuvoq, ingerlaannarnissaalu pillugu Naalakkersuisut malinnaaffigeqqissaarniarlugu naatsorsuutigalugu. Taamaattoq Naalakkersuisut allannguuteqarnissaq naatsorsuutigaat, suliffissarsiortunut ikiorsiissutit ikiorsiissutaasunut pisoqqatulli, suliffeerunnermi ikiorsiissutitut, piffissamik killiligaanngitsutut ikiorsiissutaanngimmata”, Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisuugallartoq, Jess Svane oqaaseqarpoq nangillunilu: Immikkoortuni pingaaruteqartuni arlalinni sulisussaaleqiffiusumi, suliffissaqartitsinermut annertunerusumut imminullu pilersornerunermut sinaakkutissat pitsaanerusut pilersinnissaannut qanoq iliussanerluta, Naalakkersuisut borgmesterinik oqaloqateqarnissamut ammapput.”
Piviusut:
Suliffissarsiortunut ikiorsiissutit pillugit Inatsisartut inatsisaat nutaaq aapparisap isertitaanik apeqqutaatitsinngilaq, qulakkeerinermik ikiorsiissutaammata. Taamaattumik suliffissarsiortunut ikiorsiissutinik tigusisartut nutaat siornatigut assersuutigalugu pisortanit ikiorsiissutinik tigusisartuupput.
Innuttaasut suliffeqanngitsutut nalunaarsornikut iliuusissatut pilersaaruteqarnissaat, inatsisip nutaap atuutilernerani qulakkeerinnittut ilagivaat. Innuttaasoq iliuusissatut pilersaaruteqanngippat suliffissarsiornermut ikiorsiissutinik pisinnaatitaaffeerussinnaammat. Taamaalilluni innuttaasunik ataavartumik malinnaaneq innuttaasullu inissisimanerannut malinnaaneq ataavartunngorpoq, minnerpaamillu qaammatit pingasukkaarlugit malitseqartitsinermik piumasaqaatitaqarluni.
Innuttaasut nappaammik eqqugaasunut, atugassarititaasut pitsanngorput. Siornatigut suliffeerunnermik ikiorsiissutinik innuttaasut napparsimasut, qaammatit pingasut tikillugit taamaallaat ikiorserneqarsinnaanerat periarfissaavoq. Inatsimmi nutaami innuttaasut ukiup affaa tikillugu napparsimanerup nalaani suliffissarsiortunut ikiorsiissutinik pisinnaatitaaffeqalerput.
Innuttaasullu peqqissinissaa qulakkeerneqarsinnaanngippat, innuttaasorlu siusinaartumik pensionisiaqarnissamik qinnuteqarpat, ikaarsaariarnermut suliffissarsiortunut ikiorsiissutiniit pisortanut ikiorsiissutinut tapimik qaammatit arfinillit tikillugit ikiorserneqarnissamut periarfissaqarlerpoq. Taamaalillluni innuttaasoq napparsimanermik eqqugaasoq, ukiup ataatsip iluani sulisinnaassutsikkut naliliiffigineqareerluni siunissami siusinaartumik pensionisiaqassanersoq aamma pitsaanerusumik atugassaqarluni pisortanit ikiorserneqarsinnaalerpoq.
Inatsimmi nutaami pineqarput imminut pilersorneruneq aamma suliffissarsiortumut isumaqarpoq kommunimit siumut isigisumik suliassanik suliarinninneq innuttaasup ineriartornissaanik siuarsaasussaq innuttaasullu inuunermi atugaanik pitsanngorsaasussaq. Taamaalillutik suliffissarsiortut suliffeqarnermut qaninnerulersinneqassapput.
Annertunerusumik paasisaqarniaruit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl oqarasuaatikkulluunniit + 299 34 56 11
”Naalakkersuisut pisortanit ikiorsiissutit aamma suliffissarsiortunut ikiorsiissutit pillugit aaqqissuusseqqinnerat ukioq manna 1. januar aallarnerfigalugu atuutilerput. Maannakkut aaqqissuusseqqinnerup sunniutai takuneqarsinnaanngorput, suliffissarsiortunut kisitsisit allanngoriartulermata. Allanngoriartorneq nutaajuvoq, ingerlaannarnissaalu pillugu Naalakkersuisut malinnaaffigeqqissaarniarlugu naatsorsuutigalugu. Taamaattoq Naalakkersuisut allannguuteqarnissaq naatsorsuutigaat, suliffissarsiortunut ikiorsiissutit ikiorsiissutaasunut pisoqqatulli, suliffeerunnermi ikiorsiissutitut, piffissamik killiligaanngitsutut ikiorsiissutaanngimmata”, Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisuugallartoq, Jess Svane oqaaseqarpoq nangillunilu: Immikkoortuni pingaaruteqartuni arlalinni sulisussaaleqiffiusumi, suliffissaqartitsinermut annertunerusumut imminullu pilersornerunermut sinaakkutissat pitsaanerusut pilersinnissaannut qanoq iliussanerluta, Naalakkersuisut borgmesterinik oqaloqateqarnissamut ammapput.”
Piviusut:
Suliffissarsiortunut ikiorsiissutit pillugit Inatsisartut inatsisaat nutaaq aapparisap isertitaanik apeqqutaatitsinngilaq, qulakkeerinermik ikiorsiissutaammata. Taamaattumik suliffissarsiortunut ikiorsiissutinik tigusisartut nutaat siornatigut assersuutigalugu pisortanit ikiorsiissutinik tigusisartuupput.
Innuttaasut suliffeqanngitsutut nalunaarsornikut iliuusissatut pilersaaruteqarnissaat, inatsisip nutaap atuutilernerani qulakkeerinnittut ilagivaat. Innuttaasoq iliuusissatut pilersaaruteqanngippat suliffissarsiornermut ikiorsiissutinik pisinnaatitaaffeerussinnaammat. Taamaalilluni innuttaasunik ataavartumik malinnaaneq innuttaasullu inissisimanerannut malinnaaneq ataavartunngorpoq, minnerpaamillu qaammatit pingasukkaarlugit malitseqartitsinermik piumasaqaatitaqarluni.
Innuttaasut nappaammik eqqugaasunut, atugassarititaasut pitsanngorput. Siornatigut suliffeerunnermik ikiorsiissutinik innuttaasut napparsimasut, qaammatit pingasut tikillugit taamaallaat ikiorserneqarsinnaanerat periarfissaavoq. Inatsimmi nutaami innuttaasut ukiup affaa tikillugu napparsimanerup nalaani suliffissarsiortunut ikiorsiissutinik pisinnaatitaaffeqalerput.
Innuttaasullu peqqissinissaa qulakkeerneqarsinnaanngippat, innuttaasorlu siusinaartumik pensionisiaqarnissamik qinnuteqarpat, ikaarsaariarnermut suliffissarsiortunut ikiorsiissutiniit pisortanut ikiorsiissutinut tapimik qaammatit arfinillit tikillugit ikiorserneqarnissamut periarfissaqarlerpoq. Taamaalillluni innuttaasoq napparsimanermik eqqugaasoq, ukiup ataatsip iluani sulisinnaassutsikkut naliliiffigineqareerluni siunissami siusinaartumik pensionisiaqassanersoq aamma pitsaanerusumik atugassaqarluni pisortanit ikiorserneqarsinnaalerpoq.
Inatsimmi nutaami pineqarput imminut pilersorneruneq aamma suliffissarsiortumut isumaqarpoq kommunimit siumut isigisumik suliassanik suliarinninneq innuttaasup ineriartornissaanik siuarsaasussaq innuttaasullu inuunermi atugaanik pitsanngorsaasussaq. Taamaalillutik suliffissarsiortut suliffeqarnermut qaninnerulersinneqassapput.
Annertunerusumik paasisaqarniaruit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl oqarasuaatikkulluunniit + 299 34 56 11