AtuartigukIlisimatusarnerup iluani inatsisitigut malittarisassiuussinissamut periarfissat pillugit oqaloqatigiinnerup immikkoortup aappaani siullermeertumik oqaloqatigiinneq
Nassiussisuuvoq: Naalagaaffinngornissamut Nunanullu allanut Naalakkersuisoqarfik
Kalaallit Nunaanni ilisimatusarnerup iluani inatsisitigut malittarisassiuussinissamut periarfissat pillugit oqaloqatigiinnermi immikkoortup aappaata ullumikkut 2024-mi novembarip 5-iani, aqagulu 6-iani ingerlanneqarnissaanut Kalaallit Nunaanni ilisimatusarnermik ingerlatsisut Naalagaaffinngornissamut Nunanullu allanut Naalakkersuisup Vivian Motzfeldtip aggersarpai.
Kalaallit Nunaanni ilisimatusarnerup iluani ileqqorissaarnissamut nunami tamarmi najoqqutassat ullormi siullermeertumik oqaloqatigiinnermi eqqartorneqarput. Ilaatigut peqqinnissamut suliassaqarfimmi Kalaallit Nunaanni pitsaasumik ilisimatusariaaseqarnissamut najoqqutassiortoqarnikuuvoq, Ilisimatusarfimmilu Ilisimatusarnermi ileqqorissaarnissamut najoqqutassiortoqarnikuulluni. Kalaallit Nunaata iluani ilisimatusarnermi ileqqorissaarnissamut nunami tamarmi najoqqutassiornissaq, Kalaallit Nunaanni ilisimatusarnermut 2022-2030-mut periusissiami (”Ilisimatusarneq – ineriartornermut aqqutissaavoq”) anguniagaavoq.
Pinngortitaleriffik pisortaq Josephine Nymand ima oqarpoq: “Ilisimatusarnerup iluani ileqqorissaarnissamut malittarisassat pillugit oqallittoqarnissaa qilanaarisimavarput. Ileqqorissaarnissamut malittarisassat amigaataapput, piffissanngorpallu piviusunngortinnissaat qilanaaraarput. Pingaaruteqarporli ataatsimoorfeqarluta piffissaq periarfissaasorlu atorluarnissaat. Ilisimatusarnermik suliaqartut assigiinngitsut, ataatsimoorluta oqallinnermi suut sammineqassanersut aamma qanoq taakku piviusunngortinnissaat isumaqatigiissutiginiartussaavarput, assersuutigalugu ilisimatusarnermi ileqqorissaarnissamut malittarisassat. Eqqaamassavarpummi ilisimatusarneq kisimi pineqanngimmat, kisianni aamma inuit akuutinneqartut. Uagut nammineerluta ilisimatusartugut kisimik pinnagit, kisianni aamma inuinnaat ilisimatusarnermik suliaqarnermik toqqaannartumik imaluunniit toqqaannanngitsumik sunnerneqartut. Oqallinneq aqqutigalugu ingerlariaqqippugut, kisianni naammassinissatta tungaanut aqqut suli takeqaaq. Aqagu oqalliseqqinnissarput qilanaaraara”.
Aappassaanik oqaloqatigiinneq aqagu ingerlanneqassaaq, nunallu assigiinngitsut akornanni ilisimatusartut Kalaallit Nunaanni ilisimatusarnerinut tunngassuteqassalluni. Ilisimatusarnermik ingerlatsisut aggersarneqarsimasut isumaasa, misilittagaasalu tusarnissaannut Naalakkersuisoq Vivian Motzfeldt qilanaarpoq.
Naalakkersuisoq Vivian Motzfeldt ima oqarpoq: ”Peqataasut takoqqillugit nuanneqaaq. Ilisimatusarnerup iluani ileqqorissaarnissamut najoqqutassiornissaq nunatsinnut tulluarsagaq qanoq ineriartortinneqassanersoq ammasumik assigiinngitsunillu periarfissanik ujartuisumik ullumi sammivarput.”
Kalaallit Nunaanni ilisimatusarnerup iluani ileqqorissaarnissamut nunami tamarmi najoqqutassat ullormi siullermeertumik oqaloqatigiinnermi eqqartorneqarput. Ilaatigut peqqinnissamut suliassaqarfimmi Kalaallit Nunaanni pitsaasumik ilisimatusariaaseqarnissamut najoqqutassiortoqarnikuuvoq, Ilisimatusarfimmilu Ilisimatusarnermi ileqqorissaarnissamut najoqqutassiortoqarnikuulluni. Kalaallit Nunaata iluani ilisimatusarnermi ileqqorissaarnissamut nunami tamarmi najoqqutassiornissaq, Kalaallit Nunaanni ilisimatusarnermut 2022-2030-mut periusissiami (”Ilisimatusarneq – ineriartornermut aqqutissaavoq”) anguniagaavoq.
Pinngortitaleriffik pisortaq Josephine Nymand ima oqarpoq: “Ilisimatusarnerup iluani ileqqorissaarnissamut malittarisassat pillugit oqallittoqarnissaa qilanaarisimavarput. Ileqqorissaarnissamut malittarisassat amigaataapput, piffissanngorpallu piviusunngortinnissaat qilanaaraarput. Pingaaruteqarporli ataatsimoorfeqarluta piffissaq periarfissaasorlu atorluarnissaat. Ilisimatusarnermik suliaqartut assigiinngitsut, ataatsimoorluta oqallinnermi suut sammineqassanersut aamma qanoq taakku piviusunngortinnissaat isumaqatigiissutiginiartussaavarput, assersuutigalugu ilisimatusarnermi ileqqorissaarnissamut malittarisassat. Eqqaamassavarpummi ilisimatusarneq kisimi pineqanngimmat, kisianni aamma inuit akuutinneqartut. Uagut nammineerluta ilisimatusartugut kisimik pinnagit, kisianni aamma inuinnaat ilisimatusarnermik suliaqarnermik toqqaannartumik imaluunniit toqqaannanngitsumik sunnerneqartut. Oqallinneq aqqutigalugu ingerlariaqqippugut, kisianni naammassinissatta tungaanut aqqut suli takeqaaq. Aqagu oqalliseqqinnissarput qilanaaraara”.
Aappassaanik oqaloqatigiinneq aqagu ingerlanneqassaaq, nunallu assigiinngitsut akornanni ilisimatusartut Kalaallit Nunaanni ilisimatusarnerinut tunngassuteqassalluni. Ilisimatusarnermik ingerlatsisut aggersarneqarsimasut isumaasa, misilittagaasalu tusarnissaannut Naalakkersuisoq Vivian Motzfeldt qilanaarpoq.
Naalakkersuisoq Vivian Motzfeldt ima oqarpoq: ”Peqataasut takoqqillugit nuanneqaaq. Ilisimatusarnerup iluani ileqqorissaarnissamut najoqqutassiornissaq nunatsinnut tulluarsagaq qanoq ineriartortinneqassanersoq ammasumik assigiinngitsunillu periarfissanik ujartuisumik ullumi sammivarput.”