AtuartigukAningaasaqarnermut ministeri Nicolai Wammen aamma Erik Jensen, Aningaasaqarnermut Akileraartarnermullu Naalakkersuisoq, Utoqqarmiut Kangerluarsunnguani erngup nukinganik innaallagissiorfiliornissamut taarsigassarsinissamik qularnaveeqqusiinissaq pillugu ataatsimeeqatigiipput
Nassiussisuuvoq: Aningaasaqarnermut Akileraartarnermullu Naalakkersuisoqarfik
2021-mi Nuup kiisalu Qasigiannguit Aasiaallu pilersorneqarnerannut erngup nukinganik nukissiorfinnik taakkununngalu atatillugu atortunik sanaartornermut, aningaasalersuinermut ingerlatsinermullu sinaakkutissatut atugassarititaasut pillugit Inatsisartut inatsisaat akuersissutigineqarpoq.
Kingorna Naalakkersuisut aalajangerneq taanna malitseqartinniarlugu suliniutinik arlalinnik aallartitsipput, tassani NunaGreen A/S-mik pilersitsineq kiisalu erngup nukinganik innaallagissiorfiliornissamik pilersaarutit siuariartornerannik qulakkeerinninnerit ilanngullugit. Suliami tamatumani erngup nukinganik innaallagissiorfiliornissamik pilersaarutini aningaasalersuinerit pitsaanerpaamik sinaakkuserneqarnissaasa qularnaarnerat pingaarutilimmik ilaavoq.
Taamaammat Aningaasaqarnermut Akileraartarnermullu Naalakkersuisup Erik Jensenip aningaasaqarnermut ministeri Nicolai Wammen peqatigalugu qallunaat naalagaaffiata Utoqqarmiut kangerluarsunnguanni erngup nukinganik innaallagissiorfiliornissamut suliniummut aningaasalersuinermut peqataaneranut tunngaviusumik isumaqatigiissuteqarnerup iluatsinnerata nalunaarutigisinnaanerat nuannaarutigaa.
Tunngaviusumik isumaqatigiissut qallunaat naalagaaffiata erngup nukinganik innaallagissiorfissamik suliniutip 95 procentianik qularnaveeqqusiineranut tunngavoq.
Isumaqatigiissuteqarneq Nuummi Qeqertarsuullu tunuani erngup nukinganik innaallagissiorfiliornissamik Inatsisartut aalajangiinerannik piviusunngortitsinissami alloriarneruvoq siulleq pingaartoq. Alloriarneq tullermi Aasianni Qasigiannguanilu suliaqarnissamik aalajangiinermik piviusunngortitsinissaq ukkatarineqassaaq.
Aningaasaqarnermut Akileraartarnermullu Naalakkersuisoq ima oqaaseqarpoq:
- ”Aningaasaqarnermut Akileraartarnermullu Naalakkersuisoqarfiup aamma Finansministeriap akornanni qanimut suleqatigiilluni misissueqqissaarneq Utoqqarmiut Kangerluarsunnguani erngup nukinganik nukissiorfimmik allisaanissamut qularnaveeqqusiineq pillugu tunngaviusumik isumaqatigiissuteqarnermik nassataqartoq nuannaarutigaara. Naalagaaffimmit qularnaveeqqut, suliap aningaasaqarnikkut patajaatsumik taarsigassarsilluni piviusunngortinnissaanut pingaaruteqarpoq. Tamanna nunatta minguinnerulernissaanut alloriarneruvoq pingaarutilik, Naalakkersuisullu mingutsitsinngitsumik nukissiornerulernissamut anguniagaannut ikorfartuissalluni.
Tamatuma saniatigut Qasigiannguani aamma Aasianni erngup nukinganik nukissiorfiliornissamut suliap piviusunngortinnissaa aamma ingerlanneqalereerpoq, tamannalu ataavartumik nukissiornissamut sulinitsinnut pingaaruteqarpoq. Suliaq aamma mingutsitsinngitsumik, illoqarfinnilu taakkunani patajaatsumik attanneqarsinnaasumillu nukissiornissamut annertuumik kinguneqassaaq.
Suliat taakku aningaasaqarnikkut qajannaatsumik ineriartortitsiinnaratik, aammali Inatsisartut aalajangiineri naapertorlugit nunatta ikummatissanik atuineranik annikillisitsillutillu mingutsitsinnginnerussapput.”
Kingorna Naalakkersuisut aalajangerneq taanna malitseqartinniarlugu suliniutinik arlalinnik aallartitsipput, tassani NunaGreen A/S-mik pilersitsineq kiisalu erngup nukinganik innaallagissiorfiliornissamik pilersaarutit siuariartornerannik qulakkeerinninnerit ilanngullugit. Suliami tamatumani erngup nukinganik innaallagissiorfiliornissamik pilersaarutini aningaasalersuinerit pitsaanerpaamik sinaakkuserneqarnissaasa qularnaarnerat pingaarutilimmik ilaavoq.
Taamaammat Aningaasaqarnermut Akileraartarnermullu Naalakkersuisup Erik Jensenip aningaasaqarnermut ministeri Nicolai Wammen peqatigalugu qallunaat naalagaaffiata Utoqqarmiut kangerluarsunnguanni erngup nukinganik innaallagissiorfiliornissamut suliniummut aningaasalersuinermut peqataaneranut tunngaviusumik isumaqatigiissuteqarnerup iluatsinnerata nalunaarutigisinnaanerat nuannaarutigaa.
Tunngaviusumik isumaqatigiissut qallunaat naalagaaffiata erngup nukinganik innaallagissiorfissamik suliniutip 95 procentianik qularnaveeqqusiineranut tunngavoq.
Isumaqatigiissuteqarneq Nuummi Qeqertarsuullu tunuani erngup nukinganik innaallagissiorfiliornissamik Inatsisartut aalajangiinerannik piviusunngortitsinissami alloriarneruvoq siulleq pingaartoq. Alloriarneq tullermi Aasianni Qasigiannguanilu suliaqarnissamik aalajangiinermik piviusunngortitsinissaq ukkatarineqassaaq.
Aningaasaqarnermut Akileraartarnermullu Naalakkersuisoq ima oqaaseqarpoq:
- ”Aningaasaqarnermut Akileraartarnermullu Naalakkersuisoqarfiup aamma Finansministeriap akornanni qanimut suleqatigiilluni misissueqqissaarneq Utoqqarmiut Kangerluarsunnguani erngup nukinganik nukissiorfimmik allisaanissamut qularnaveeqqusiineq pillugu tunngaviusumik isumaqatigiissuteqarnermik nassataqartoq nuannaarutigaara. Naalagaaffimmit qularnaveeqqut, suliap aningaasaqarnikkut patajaatsumik taarsigassarsilluni piviusunngortinnissaanut pingaaruteqarpoq. Tamanna nunatta minguinnerulernissaanut alloriarneruvoq pingaarutilik, Naalakkersuisullu mingutsitsinngitsumik nukissiornerulernissamut anguniagaannut ikorfartuissalluni.
Tamatuma saniatigut Qasigiannguani aamma Aasianni erngup nukinganik nukissiorfiliornissamut suliap piviusunngortinnissaa aamma ingerlanneqalereerpoq, tamannalu ataavartumik nukissiornissamut sulinitsinnut pingaaruteqarpoq. Suliaq aamma mingutsitsinngitsumik, illoqarfinnilu taakkunani patajaatsumik attanneqarsinnaasumillu nukissiornissamut annertuumik kinguneqassaaq.
Suliat taakku aningaasaqarnikkut qajannaatsumik ineriartortitsiinnaratik, aammali Inatsisartut aalajangiineri naapertorlugit nunatta ikummatissanik atuineranik annikillisitsillutillu mingutsitsinnginnerussapput.”