AtuartigukQernertartassat Etah-miit Qaanaap eqqaanut nuunneqarput
Nassiussisuuvoq: Aalisarnermut Piniarnermullu Naalakkersuisoqarfik
Ulloq 1. november 2024 Naalakkersuisut aalajangiipput KNAPK-mit aamma Avannaata Kommuneanit qinnuteqaatit kiisalu Inatsisartut Aalisarnermut Piniarnermut Nunalerinermullu Ataatsimiititaliaata kajumissaarutaa Etah-mi qernertartassat 15-init Qaanaap eqqaanut nuunneqarnissaat akuerineqassasoq.
Avannaata Kommuneata Qaanaap eqqaani piniartut isumasiorlugit qernertartassat nuunneqartut 15-it agguaatissavaat aammalu Naalakkersuisoqarfimmut taakku pillugit nalunaaruteqassalluni. Piniarneq qanimut nakkutigineqassaaq aammalu pisarineqartut ulloq taanna pisanut nalunaarutinut immersorneqariarlutik Aalisarnermut Piniarnermullu Naalakkersuisoqarfimmut nassiunneqartassapput.
Tunualiaqutitut paasissutissat:
”Tunngavilersuutigineqarpoq Qaanaami qernertartassat nungunneri. Aamma tunngavilersuutigineqarpoq maanna piffimmi isertitsissutaasutuaammata.
Uumassusilerisut 2024-mut siunnersuinerat tunngavigalugu aammalu attuumassuteqartut tusarniaaffigereerlugit qernertanik qilalugartassiissutit ulloq 14. december 2023 Naalakkersuisunit aalajangersarneqarput. Etah-mi uumasoqatigiinnit ukiumut 38-nik pisaqartoqarsinnaassasoq uumassusilerisunit siunnersuutigineqarpoq. Etah-mi 2024-mut pisassiissutit 15-iussasut Naalakkersuisunit aalajangiunneqarpoq, Etahmi pisassat tamaasa Qaanaamut nuunniarneqanngimmata. 2024-mi 15-nik nuusseqqinniartoqarpoq Qaanaap pisassaanut qaffaassutitut atorneqarniarlutik.
Qilalukkat qernertat 52-it ukiumut Qaanaami pisarineqarsinnaassasut uumassusilerisunit siunnersuutigineqarpoq. Naalakkersuisut aalajangerpaat 14. december 2023-mi, 2024-mi Qaanaamut pisassiissutit 88-iussasut, tassanngalu 2023-mi pisassat qaangerlugit sisamanik pisaqartoqarnera pissutigalugu sisamat ilanngarneqarput. 2023-mi pisassiissutit amerlaqatigalugit.
Uumassusilerisut ilisimatitsissutigaat, Etah-mi uumasoqatigiit 1 %-iisa missaat Qaanaamut pisartut, taamaammallu Etah-mi Qaanaamilu uumasoqatigiit akornanni paarlaasseqatigiinneq annikitsuaqqatut nalilerneqarsinnaalluni. Procenti taaneqartoq DNA-mik misissuinernik tunngaveqarpoq.
Maannakkut Etah-miit Qaanaamut qernertartassanik 15-inik nuussinerup kingunerissavaa Qaanaami qernertartassat tamakkiisumik 103-ussasut.
Pisanut nalunaarutigineqartut tigusat aallaavigalugit Qaanaami tamakkerlugu 88-it qernertat pisarineqarsimapput, sisamanik pisaqarpallaartoqarluni. Etah-p qernertaaniit pisaqartoqarsimanngilaq.
Tamatuma saniatigut 2024-mut qilalukkat qaqortat 29-t pisassiissutigineqarput, 2023-milu pisarineqanngitsut 21-t nuunneqarlutik, tassa qilalukkanut qaqortanut katillugit pisassiissutit 50-iupput. Pisaqarnermut nalunaartoqarsimavoq uppernarsarneqarlunilu maannamut qilalukkat qaqortat marluk pisarineqarsimasut, taamaammallu Qaanaami 2024-mut qaqortanik qilalugartassat suli 48-ullutik.
Qilalukkanik qaqortanik pisaqarpiannginnermut piniartut takornariartaatinik umiarsuarnit akornusiinermik nassuiaateqarput. Qilalukkat qernertat pillugit taamatut akornusiisoqarneranut nalunaartoqanngilaq, pisassalli tamakkerneqarput.
Kingullertut 2024-mut aaffattassiissutit 79-iupput tassungalu 2023-mi pisarineqanngitsut 79-it aamma nuunneqarsimallutik, taakkunanngalu maannamut taamaallaat 17-it pisarineqarsimallutik. Tassa imaappoq, pisat nalunaarsukkat naapertorlugit aarrit 141-t suli pisarineqarsinnaapput.”
Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen, amalie@nanoq.gl, tlf. 299 34 53 04 Aalisarnermut Piniarnermullu Naalakkersuisoqarfimmut saaffiginnittoqarsinnaavoq.
Avannaata Kommuneata Qaanaap eqqaani piniartut isumasiorlugit qernertartassat nuunneqartut 15-it agguaatissavaat aammalu Naalakkersuisoqarfimmut taakku pillugit nalunaaruteqassalluni. Piniarneq qanimut nakkutigineqassaaq aammalu pisarineqartut ulloq taanna pisanut nalunaarutinut immersorneqariarlutik Aalisarnermut Piniarnermullu Naalakkersuisoqarfimmut nassiunneqartassapput.
Tunualiaqutitut paasissutissat:
”Tunngavilersuutigineqarpoq Qaanaami qernertartassat nungunneri. Aamma tunngavilersuutigineqarpoq maanna piffimmi isertitsissutaasutuaammata.
Uumassusilerisut 2024-mut siunnersuinerat tunngavigalugu aammalu attuumassuteqartut tusarniaaffigereerlugit qernertanik qilalugartassiissutit ulloq 14. december 2023 Naalakkersuisunit aalajangersarneqarput. Etah-mi uumasoqatigiinnit ukiumut 38-nik pisaqartoqarsinnaassasoq uumassusilerisunit siunnersuutigineqarpoq. Etah-mi 2024-mut pisassiissutit 15-iussasut Naalakkersuisunit aalajangiunneqarpoq, Etahmi pisassat tamaasa Qaanaamut nuunniarneqanngimmata. 2024-mi 15-nik nuusseqqinniartoqarpoq Qaanaap pisassaanut qaffaassutitut atorneqarniarlutik.
Qilalukkat qernertat 52-it ukiumut Qaanaami pisarineqarsinnaassasut uumassusilerisunit siunnersuutigineqarpoq. Naalakkersuisut aalajangerpaat 14. december 2023-mi, 2024-mi Qaanaamut pisassiissutit 88-iussasut, tassanngalu 2023-mi pisassat qaangerlugit sisamanik pisaqartoqarnera pissutigalugu sisamat ilanngarneqarput. 2023-mi pisassiissutit amerlaqatigalugit.
Uumassusilerisut ilisimatitsissutigaat, Etah-mi uumasoqatigiit 1 %-iisa missaat Qaanaamut pisartut, taamaammallu Etah-mi Qaanaamilu uumasoqatigiit akornanni paarlaasseqatigiinneq annikitsuaqqatut nalilerneqarsinnaalluni. Procenti taaneqartoq DNA-mik misissuinernik tunngaveqarpoq.
Maannakkut Etah-miit Qaanaamut qernertartassanik 15-inik nuussinerup kingunerissavaa Qaanaami qernertartassat tamakkiisumik 103-ussasut.
Pisanut nalunaarutigineqartut tigusat aallaavigalugit Qaanaami tamakkerlugu 88-it qernertat pisarineqarsimapput, sisamanik pisaqarpallaartoqarluni. Etah-p qernertaaniit pisaqartoqarsimanngilaq.
Tamatuma saniatigut 2024-mut qilalukkat qaqortat 29-t pisassiissutigineqarput, 2023-milu pisarineqanngitsut 21-t nuunneqarlutik, tassa qilalukkanut qaqortanut katillugit pisassiissutit 50-iupput. Pisaqarnermut nalunaartoqarsimavoq uppernarsarneqarlunilu maannamut qilalukkat qaqortat marluk pisarineqarsimasut, taamaammallu Qaanaami 2024-mut qaqortanik qilalugartassat suli 48-ullutik.
Qilalukkanik qaqortanik pisaqarpiannginnermut piniartut takornariartaatinik umiarsuarnit akornusiinermik nassuiaateqarput. Qilalukkat qernertat pillugit taamatut akornusiisoqarneranut nalunaartoqanngilaq, pisassalli tamakkerneqarput.
Kingullertut 2024-mut aaffattassiissutit 79-iupput tassungalu 2023-mi pisarineqanngitsut 79-it aamma nuunneqarsimallutik, taakkunanngalu maannamut taamaallaat 17-it pisarineqarsimallutik. Tassa imaappoq, pisat nalunaarsukkat naapertorlugit aarrit 141-t suli pisarineqarsinnaapput.”
Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen, amalie@nanoq.gl, tlf. 299 34 53 04 Aalisarnermut Piniarnermullu Naalakkersuisoqarfimmut saaffiginnittoqarsinnaavoq.