AtuartigukKujataani aalisartut sikorsuarnik akornusersorneqartut tapiiffigineqartut
Nassiussisuuvoq: Aalisarnermut Piniarnermullu Naalakkersuisoqarfik
Aalisartut 13-it Qassimiuneersut aamma Aappilattumeersut apriilimit aggustimut sikorsuaqarnera pissutigalugu aalisarsinnaasimanngitsut Naalakkersuisunit tapiiffigineqarput, tapiissutit katillutik 592.457 koruuniullutik.
Aalisartut arfineq-marluk Qassimiuneersut aamma Aappilattumeersut silap pissusiata allanngorneranik pissuteqartumik aallartiteqqinnissamut 10.000 koruuninit 25.000 koruuninut tapiiffigineqarnissaminnut qinnuteqarsimasut Nalaakkersuisunit akuerineqarlutik tamakkiisumik tapiiffigineqarput.
Aamma aalisartut arfinillit Qassimiunneersut aamma Aappilattormeersut aallartiteqqinnissamut tapiissutinik 44.000 koruuninit 198.000 koruuninut amerlassusilinnik qinnuteqarsimasut akuerineqarput.
Qinnutigisaasa 75 procentiinik tapiiffigineqarlutik.
Tapiissutigineqartut tamakkiisumik tapiissutigineqarsinnaasut qaangeqqavai. Taamaattoq tapiissutigineqartut amerlanerusinnaapput, aallarteqqinnissamut tapiissutit pillugit inatsimmi § 4, immikkoortoq 2-mi ilaatigut ima allassimasoqarmat: “ Pissutsini immikkut ittuni Naalakkersuisut amerlanerusunik tunniussisinnaapput”.
Aappilattumi aalisartunut tapiisoqarpoq aalisartut 2024-p qaammataani arfinilinni siullerni tunisaasa nalingi ukiunut kingullernut tallimanut sanilliullugit ilaatigut ikinnerummata. Sikorsuaqarnera pissutigalugu Aappilattumi tunitsivik sivisuumik matoqqasimasariaqarluni. Qassimiuni ukioq manna januaarimit juulimut tunineqartut ukiup siulianut sanilliullugit aamma ikinnerupput, sikorsuit aalisarnissamut akornusersuimmata – puulukertitsimmata.
Paasissutissanik amerlanerusunik uani pisoqarsinnaavoq: APN@nanoq.gl