AtuartigukNaalagaaffinngornissamut Nunanullu Allanut Naalakkersuisoq 2024-mi Nunat Avannarliit Siunnersuisoqatigiivisa ataatsimiinnissaannut Reykjavikimi ingerlanneqartussamut peqataassanngilaq
Nassiussisuuvoq: Naalagaaffinngornissamut Nunanullu allanut Naalakkersuisoqarfik
Naalagaaffinngornissamut Nunanullu Allanut Naalakkersuisoq Vivian Motzfeldt 2024-mi Nunat Avannarliit Siunnersuisoqatigiivisa ataatsimiinnissaannut Reykjavikimi oktoberip 29-ani aallartittussamut peqataassanngilaq.
Nunat avannarliit akunnerminni suleqatigiinnerini, Nunarput Savalimmiut Ålandilu peqatigalugu nunat avannarliit ministeriisa ataatsimiinnerini oqallinnerni oqaloqatigiinnernilu naligiinngisitsineq suli annertunerujartuinnartumik ajornartorsiutaavoq. Ministerit ataatsimiinnerisa ilaat Nunat Avannarliit Siunnersuisoqatigiivisa ataatsimiinneranni ingerlanneqartarpoq.
Naalakkersuisut Siulittaasuata Múte B. Egedep Nunarput sinnerlugu 2024-mi Reykjavikimi Nunat Avannarliit Siunnersuisoqatigiivisa ataatsimiinneranni politikikkut naalakkersuisutut qaffasissusilimmik ataatsimiinnissamini peqataassanani nalunaaruteqareerneratigut nunatsinnit peqataatitsinissaq unitsikkallarneqarpoq. Naalakkersuisut Siulittaasuata taama nalunaaruteqarneranut tunngaviuvoq ukioq 2024 aasaagaa nunat avannarliit siuttuisa Tysklandimik ataatsimeeqateqarneranni Nunarput, Savalimmiut Ålandilu qaaqquneqarsimanngimmata.
Naalakkersuisut ilisimavaat nunat avannarliit akunnerminni siuttuisa nunanullu allanut ministeriisa Nunat Avannarliit Siunnersuisooqatigiiffianni 2024-mi Reykjavikimi ataatsimiinnissaat N5-tut ingerlanneqaqqinniartoq – tassa imaappoq nunat avannarliit tallimaasut akunnerminni ataatsimiinnerissagaat, tassanilu nunat immikkoortui namminersortut Nunarput, Savalimmiut Ålandilu aggersarneqanngillat. Ataatsimiinnerit taakku najoqqutaqarluni najoqqutaqaranilu ingerlanneqartussaapput.
Suleqatigiinnermi naligiinngisitsineq Nunatsinnit akueriinnarneqarsinnaajunnaarpoq, pingaartumik ukioq manna ataatsimiinnissami Issittumi sakkuaatinnginnissaq upalungaarsimanerlu pingaarnertut qulequtarineqartillugit. Taamaattumillu Nunatta nunat avannarliit suleqatigiinnerannut naalakkersuisoq, Naalagaaffinngornissamut Nunanullu Allanut Naalakkersuisoq Vivian Motzfeldt ukioq manna Nunat Avannarliit Siunnersuisooqatigiivisa ataatsimiinnissannut peqataannginnissani aalajangiuppaa.
”Uggornanngitsuunngilaq Nunat Avannarliit Siunnersuisooqatigiiffiata Ataatsimiinnissaanni Naalakkersuisut peqataanissaat taamaatiinnarneqartariaqarmat. Nunat avannarliit suleqatigiinnerat naligiissumik, tamat oqartussaaqataanerannik akuutitsinermillu ersersitsisussaagaluaq taama ingerlatsiviunngilaq. Pingaartumik Issittoq sakkuaatinnginnissarlu qulequttatut oqallisigineqarniartillugit minitaqanngitsumik issittumi innuttaasut nunanit avannarlerni naalagaaffinnit peqataatinneqarlutillu tusarnaarneqartariaqarput. Nunat Avannarliit Siunnersuisooqatigiiffiat aammalu Nunat Avannarliit Ministeriisa Siunnersuisooqatigiiffiat ullutsinnut malinnaanerunissaannut akuutsitsinerulernissaanullu piffissanngorpoq.” Naalagaaffinngornissamut Nunanullu Allanut Naalakkersuisoq Vivian Motzfeldt aamma Nunat Avannarlerni suleqatigiinnermut naalakkersuisuusoq taama oqaaseqarpoq.
Nunat avannarliit suleqatigiinnerannut Naalakkersuisut nalilersuillutik aallartipput, tassani nunat avannarliit suleqatigiinneranni suut pingaarnersiorneqassanersut nutaamik naliliiffiusussanngorlugu.
Annertunerusumik paasissutissanik pissarsiumagaanni Naalakkersuisumut allatsi Naasunnguaq B Kristensen +299 345682, imaluunniit e-mail: nabk@nanoq.gl atorlugit attavigineqarsinnaavoq.
Nunat avannarliit akunnerminni suleqatigiinnerini, Nunarput Savalimmiut Ålandilu peqatigalugu nunat avannarliit ministeriisa ataatsimiinnerini oqallinnerni oqaloqatigiinnernilu naligiinngisitsineq suli annertunerujartuinnartumik ajornartorsiutaavoq. Ministerit ataatsimiinnerisa ilaat Nunat Avannarliit Siunnersuisoqatigiivisa ataatsimiinneranni ingerlanneqartarpoq.
Naalakkersuisut Siulittaasuata Múte B. Egedep Nunarput sinnerlugu 2024-mi Reykjavikimi Nunat Avannarliit Siunnersuisoqatigiivisa ataatsimiinneranni politikikkut naalakkersuisutut qaffasissusilimmik ataatsimiinnissamini peqataassanani nalunaaruteqareerneratigut nunatsinnit peqataatitsinissaq unitsikkallarneqarpoq. Naalakkersuisut Siulittaasuata taama nalunaaruteqarneranut tunngaviuvoq ukioq 2024 aasaagaa nunat avannarliit siuttuisa Tysklandimik ataatsimeeqateqarneranni Nunarput, Savalimmiut Ålandilu qaaqquneqarsimanngimmata.
Naalakkersuisut ilisimavaat nunat avannarliit akunnerminni siuttuisa nunanullu allanut ministeriisa Nunat Avannarliit Siunnersuisooqatigiiffianni 2024-mi Reykjavikimi ataatsimiinnissaat N5-tut ingerlanneqaqqinniartoq – tassa imaappoq nunat avannarliit tallimaasut akunnerminni ataatsimiinnerissagaat, tassanilu nunat immikkoortui namminersortut Nunarput, Savalimmiut Ålandilu aggersarneqanngillat. Ataatsimiinnerit taakku najoqqutaqarluni najoqqutaqaranilu ingerlanneqartussaapput.
Suleqatigiinnermi naligiinngisitsineq Nunatsinnit akueriinnarneqarsinnaajunnaarpoq, pingaartumik ukioq manna ataatsimiinnissami Issittumi sakkuaatinnginnissaq upalungaarsimanerlu pingaarnertut qulequtarineqartillugit. Taamaattumillu Nunatta nunat avannarliit suleqatigiinnerannut naalakkersuisoq, Naalagaaffinngornissamut Nunanullu Allanut Naalakkersuisoq Vivian Motzfeldt ukioq manna Nunat Avannarliit Siunnersuisooqatigiivisa ataatsimiinnissannut peqataannginnissani aalajangiuppaa.
”Uggornanngitsuunngilaq Nunat Avannarliit Siunnersuisooqatigiiffiata Ataatsimiinnissaanni Naalakkersuisut peqataanissaat taamaatiinnarneqartariaqarmat. Nunat avannarliit suleqatigiinnerat naligiissumik, tamat oqartussaaqataanerannik akuutitsinermillu ersersitsisussaagaluaq taama ingerlatsiviunngilaq. Pingaartumik Issittoq sakkuaatinnginnissarlu qulequttatut oqallisigineqarniartillugit minitaqanngitsumik issittumi innuttaasut nunanit avannarlerni naalagaaffinnit peqataatinneqarlutillu tusarnaarneqartariaqarput. Nunat Avannarliit Siunnersuisooqatigiiffiat aammalu Nunat Avannarliit Ministeriisa Siunnersuisooqatigiiffiat ullutsinnut malinnaanerunissaannut akuutsitsinerulernissaanullu piffissanngorpoq.” Naalagaaffinngornissamut Nunanullu Allanut Naalakkersuisoq Vivian Motzfeldt aamma Nunat Avannarlerni suleqatigiinnermut naalakkersuisuusoq taama oqaaseqarpoq.
Nunat avannarliit suleqatigiinnerannut Naalakkersuisut nalilersuillutik aallartipput, tassani nunat avannarliit suleqatigiinneranni suut pingaarnersiorneqassanersut nutaamik naliliiffiusussanngorlugu.
Annertunerusumik paasissutissanik pissarsiumagaanni Naalakkersuisumut allatsi Naasunnguaq B Kristensen +299 345682, imaluunniit e-mail: nabk@nanoq.gl atorlugit attavigineqarsinnaavoq.