AtuartigukJoint Committeep ukiuni 20-ni piusimanera Washington D.C.-mi ataatsimiinermi malunnartinneqarpoq
Nassiussisuuvoq: Naalagaaffinngornissamut Nunanullu allanut Naalakkersuisoqarfik
Naalakkersuisunit, amerikkamilu naalakkersuisunit aallartitat akornanni Joint Committemi ukiumoortumik ataatsimiittarneq, Danmarkimi naalakkersuisunit peqataatitaqarluni 2024-mi oktobarip 21-ani ingerlanneqarpoq. Nunatta USA-llu akornanni Joint Committeemi suleqatigiinnermik pilersitsiviulluni Igalikumi isumaqatigiissutip, taassumunngalu nalunaarutip atsiorneranit ukiunik 20-nngortorsiorneq, ukioq manna ataatsimiinnermi malunnartinneqarpoq. Ukioq kingulleq ataatsimiinneq Kujataani Qaqortumi ingerlanneqartoq, ukioq manna ataatsimiinneq Washington D.C-mi ingerlanneqarpoq.
Niuerneq aningaasaliinerillu, ilisimatusarneq, kulturi, ilinniartitaaneq, aatsitassat, nukissiuutit, avatangiisillu pillugit Nunatta USA-llu akornanni suleqatigiinnerup killiffissiorneqarnissaanik, Joint Committeemi ukiumoortumik ataatsimiittarnerit siunertaqarput.
Naalagaaffinngornissamut Nunanullu allanut Naalakkersuisoqarfiup aallartitat atorfilittat nunatsinneersut siuttuuffigai, Nunarput sinnerlugu ataatsimiinnermi peqataavoq, Joint Committeemilu suleqatigiinneq aqqutigalugu USA-p, nunattalu suleqatigiinnerisa suli nukittorsarneqarnissaa, ataatsimiinnermi illugiimmik kissaatigineqarluni.
Nunatsinni, USA-milu inuiaat marluusut akornanni attaveqaatit, aningaasaqarnerit, naalakkersuisullu qanoq ineriartortinneqarsinnaanersut ataatsimiinnermi eqqartorneqarput. Ukioq manna ataatsimiinnermi “Connectivity Through Tourism” (Takornariartitsineq aqqutigalugu attaveqaateqarneq) qulequtarineqarpoq. Nunatsinnut, USA-mullu illugiimmik naleqartitsinissaq qulakkiissallugu aappaagu suleqatigiinnissami pingaarnersiuinissaq siunertaralugu takornarialerinermik ineriartortitsineq, peqqinnissaqarfik, ilisimatusarneq, ilinniartitaaneq, kulturi, aningaasaliinerillu atasinnaasut eqqartorneqarput.
Nunatta aningaasaqarneranut, inuussutissarsiutinullu ilimanaateqarluartumik United Airlinep Nuup, New Yorkillu akornanni 2025-p aasaani nutaamik angallavimmik ammaaneratigut pingaartumik takornarialerinikkut suleqatigiinnerup nukittorsarneqarnissaanut pitsaasumik tunngavissaqarpoq. Taamaattumik takornarialerinerup piujuartussamik ineriartortinneqarnissaani nunanit allanit, nunatsinniillu aningaasaliissutit sunniutigisinnaasaasa ineriartortinneqarnissaannut suleqatigiinneq qanoq periarfissiisinnaassanersoq ataatsimiinnermi eqqartorneqarpoq. Najukkami suliffeqarfinnut, najukkamilu inuiaqatigiinnut iluaqutissat suleqatigiinnikkut annertusarniarneqassapput, ilutigisaanillu avatangiisinut sunniutissat annikillisarniarneqassallutik.
Ukioq manna Joint Committeemi ataatsimiinnermut atatillugu, USAID-isumaqatigiissummut 2021-mi isumaqatigiissutigineqartumut ilassutitut isumaqatigiissut atsiorneqarpoq, tassuunakkut aappaagumut USAID-imut aningaasaliissutitnik immikkoortitsoqarluni, suleqatigiinnerup siuarsarnissaa siunertaralugu atugassanngortinneqartunik. Nunatsinni innuttaasunut iluaqutissanngorlugu piujuartussamik siuariartorneq, ineriartornerlu iluaquserniarlugit USAID-isumaqatigiissummut ilassutip atsiorneqarneratigut Nunatta, USA-llu akornanni suleqatigiinnerup ingerlaannarnissaa qulakkeerneqarpoq. Naalakkersuisoqarfimmi pisortaq Mininnguaq Kleist Nunarput sinnerlugu atsiorpoq, USA-lu sinnerlugu USAID-mut Senior Deputy Assistant Administrator James Hope atsiorluni.
Washington D.C.-mut tikeraarnermut atatillugu USA-p aningaasaqarnermut naalakkersuisoqarfia, USA-p nunanut allanut naalakkersuisoqarfia, National Science Foundation, USA-p Issittumi Ambassadørertaava, USAID, Johns Hopkins Center for Indigenous Health ataatsimeeqatigineqarput kiisalu Wilson Centerimi pisortatigoortumik Nunatta USA-llu Joint Committeemi suleqatigiinnerat pillugu pisortatigoortumik pisoqartisoqarluni.
Ukioq manna Joint Committeemi ataatsimiinneq pillugu ataatsimoorussamik oqaaseqaat uani atuarneqarsinnaavoq.
Niuerneq aningaasaliinerillu, ilisimatusarneq, kulturi, ilinniartitaaneq, aatsitassat, nukissiuutit, avatangiisillu pillugit Nunatta USA-llu akornanni suleqatigiinnerup killiffissiorneqarnissaanik, Joint Committeemi ukiumoortumik ataatsimiittarnerit siunertaqarput.
Naalagaaffinngornissamut Nunanullu allanut Naalakkersuisoqarfiup aallartitat atorfilittat nunatsinneersut siuttuuffigai, Nunarput sinnerlugu ataatsimiinnermi peqataavoq, Joint Committeemilu suleqatigiinneq aqqutigalugu USA-p, nunattalu suleqatigiinnerisa suli nukittorsarneqarnissaa, ataatsimiinnermi illugiimmik kissaatigineqarluni.
Nunatsinni, USA-milu inuiaat marluusut akornanni attaveqaatit, aningaasaqarnerit, naalakkersuisullu qanoq ineriartortinneqarsinnaanersut ataatsimiinnermi eqqartorneqarput. Ukioq manna ataatsimiinnermi “Connectivity Through Tourism” (Takornariartitsineq aqqutigalugu attaveqaateqarneq) qulequtarineqarpoq. Nunatsinnut, USA-mullu illugiimmik naleqartitsinissaq qulakkiissallugu aappaagu suleqatigiinnissami pingaarnersiuinissaq siunertaralugu takornarialerinermik ineriartortitsineq, peqqinnissaqarfik, ilisimatusarneq, ilinniartitaaneq, kulturi, aningaasaliinerillu atasinnaasut eqqartorneqarput.
Nunatta aningaasaqarneranut, inuussutissarsiutinullu ilimanaateqarluartumik United Airlinep Nuup, New Yorkillu akornanni 2025-p aasaani nutaamik angallavimmik ammaaneratigut pingaartumik takornarialerinikkut suleqatigiinnerup nukittorsarneqarnissaanut pitsaasumik tunngavissaqarpoq. Taamaattumik takornarialerinerup piujuartussamik ineriartortinneqarnissaani nunanit allanit, nunatsinniillu aningaasaliissutit sunniutigisinnaasaasa ineriartortinneqarnissaannut suleqatigiinneq qanoq periarfissiisinnaassanersoq ataatsimiinnermi eqqartorneqarpoq. Najukkami suliffeqarfinnut, najukkamilu inuiaqatigiinnut iluaqutissat suleqatigiinnikkut annertusarniarneqassapput, ilutigisaanillu avatangiisinut sunniutissat annikillisarniarneqassallutik.
Ukioq manna Joint Committeemi ataatsimiinnermut atatillugu, USAID-isumaqatigiissummut 2021-mi isumaqatigiissutigineqartumut ilassutitut isumaqatigiissut atsiorneqarpoq, tassuunakkut aappaagumut USAID-imut aningaasaliissutitnik immikkoortitsoqarluni, suleqatigiinnerup siuarsarnissaa siunertaralugu atugassanngortinneqartunik. Nunatsinni innuttaasunut iluaqutissanngorlugu piujuartussamik siuariartorneq, ineriartornerlu iluaquserniarlugit USAID-isumaqatigiissummut ilassutip atsiorneqarneratigut Nunatta, USA-llu akornanni suleqatigiinnerup ingerlaannarnissaa qulakkeerneqarpoq. Naalakkersuisoqarfimmi pisortaq Mininnguaq Kleist Nunarput sinnerlugu atsiorpoq, USA-lu sinnerlugu USAID-mut Senior Deputy Assistant Administrator James Hope atsiorluni.
Washington D.C.-mut tikeraarnermut atatillugu USA-p aningaasaqarnermut naalakkersuisoqarfia, USA-p nunanut allanut naalakkersuisoqarfia, National Science Foundation, USA-p Issittumi Ambassadørertaava, USAID, Johns Hopkins Center for Indigenous Health ataatsimeeqatigineqarput kiisalu Wilson Centerimi pisortatigoortumik Nunatta USA-llu Joint Committeemi suleqatigiinnerat pillugu pisortatigoortumik pisoqartisoqarluni.
Ukioq manna Joint Committeemi ataatsimiinneq pillugu ataatsimoorussamik oqaaseqaat uani atuarneqarsinnaavoq.
