AtuartigukIssittumut Atlantikullu Avannaanut tunngatillugu isumaqatigiissuteqarnissamut isumaqatiginninniarnerit aallartinnginnerini Vivian Motzfeldtip Troels Lund Poulsenillu Issittumut tunngatillugu illersornissamut politiki pitsanngorsarniarpaat.
Nassiussisuuvoq: Naalagaaffinngornissamut Nunanullu allanut Naalakkersuisoqarfik
Illersornissamut isumaqatigiissuteqarnissamut Naalakkersuisut isumaqariginninniarnissaannut atatillugu Vivian Motzfeldtip illersornissamut ministeri Troels Lund Poulsen naapippaa. Illersornissamut isumaqatigiissutissap nangillugu suliarinissaa ministerit marluusut eqqartorpaat, tassungalu tunngatillugu aningaasaliissutissat suliniutissallu inuiaqatigiinnut kalaallinut iluaqutaanerpaasinnaasussanngorlugit aaqqissorneqarsinnaaneri ilanngullugit eqqartorneqarlutik.
Sillimaniarnermut illersornissamullu tunngassutilinnik Danmarkip Nunattalu suleqatigiinnissaat aatsaat taamak pingaaruteqartigaaq. Tamanna Naalagaaffinngornissamut Nunanullu Allanut Naalakkersuisup Vivian Motzfeldtip Illersornissamullu ministerip Troels Lund Poulsenip Københavnimi naapinnerminni eqqartueqatigiiffigaat.
Illersornissamut isumaqatigiissutissamut, Issittumut Atlantikullu Avannaanut tunngatillugu naalakkersuinikkut suliniutissat aallartinneqarnissaanut atatillugu Naalakkersuisut akuutinneqarnissaat ilanngullugu eqqartorneqarpoq. Salliutitassatut pingaartitanut periarfissanullu tunngatillugu assigiimmik paasinninnissaq anguniarlugu taamatut iliortoqarpoq.
” Issittup sakkulersuuffiunnginnissaanik pingaarnertut anguniagaqaatigalutik Naalakkersuisut illersornissamut isumaqatigiissutissap isumaqatiginninniutiginerani suliassanik suliarinninnerit illersornissaqarfiullu nunatsinniinnermini najugaqartunut iluaqusiisinnaanerata oqimaaqatigiissumik ingerlanneqarnissaa Naalakkersuisut pingaartippaat. Nutaatut aningaasaliissutit nunatsinni suliffeqarfinnut nunatsinnilu inuusunut iluaqutaallutillu ineriartortitsinermi iluaqusiinissaat illersornissamut ministerilu kissaatigaarput. Illersornissamut isumaqatigiissutissap isumaqatigiinniutiginerani naalakkersuinikkut isumaqatigiissutigineqartut najugaqartunit aallaaveqarnissaat danskit naalakkersuisui suleqatigalugit Naalakkersuisunit sulissutiginiarparput”, Naalakkersuisoq Vivian Motzfeldt oqarpoq.
” Illersornissamut isumaqatigiissutissami Issittoq Atlantikullu Avannaa pineqartillugit Kalaallit Nunaata akuutinneqartarnissaa danskit naalakkersuisuinit pingaartinneqarpoq. Naalakkersuisoq Vivian Motzfeldt angusaqarfiulluartumik ataatsimeeqatigaara Issittumut Atlantikullu Avannaanut tunngatillugu illersornissamut isumaqatigiissutissamut kissaatigut saqqummiussorlugillu oqallisigalugit. Tassunga tunngatillugu taavani alapernaarsuisarnerit nunallu killeqarfiinik illersuinerit sinaakkutitut isumaqatigiissutinngorlugit aalajangiunneqarsimasut naammassineqarnissaanut periarfissanik eqqartuinissanut qilanaarpunga.” Illersornissamut ministeri Troels Lund Poulsen oqarpoq.
Illersornissamut isumaqatigiissutissap Illersornissaqarfiup nunatsinni suliarisartagai eqqarsaatigalugit pitsaanerpaamik isumagineqartarnissaanut periarfissat kiisalu nunarsuup immikkoortuani illersornissakkut iligisat NATO-lu suleqatigalugit inuiaqatigiit kalaallit pitsaanerpaamik illersorneqarsinnaanissaanut periarfissat ministerit marluk akornanni eqqartorneqarput. Taakkulu Issittup sakkulersorfiunnginnissaanik tamakkiisumik anguniakkat pilliutiginagit anguniarneqarput.
Annertunerusumik paasissutissanik pissarsiumagaanni Naalakkersuisumut allatsi Naasunnguaq B Kristensen +299 345682, imaluunniit e-mail: nabk@nanoq.gl atorlugit attavigineqarsinnaavoq.
Sillimaniarnermut illersornissamullu tunngassutilinnik Danmarkip Nunattalu suleqatigiinnissaat aatsaat taamak pingaaruteqartigaaq. Tamanna Naalagaaffinngornissamut Nunanullu Allanut Naalakkersuisup Vivian Motzfeldtip Illersornissamullu ministerip Troels Lund Poulsenip Københavnimi naapinnerminni eqqartueqatigiiffigaat.
Illersornissamut isumaqatigiissutissamut, Issittumut Atlantikullu Avannaanut tunngatillugu naalakkersuinikkut suliniutissat aallartinneqarnissaanut atatillugu Naalakkersuisut akuutinneqarnissaat ilanngullugu eqqartorneqarpoq. Salliutitassatut pingaartitanut periarfissanullu tunngatillugu assigiimmik paasinninnissaq anguniarlugu taamatut iliortoqarpoq.
” Issittup sakkulersuuffiunnginnissaanik pingaarnertut anguniagaqaatigalutik Naalakkersuisut illersornissamut isumaqatigiissutissap isumaqatiginninniutiginerani suliassanik suliarinninnerit illersornissaqarfiullu nunatsinniinnermini najugaqartunut iluaqusiisinnaanerata oqimaaqatigiissumik ingerlanneqarnissaa Naalakkersuisut pingaartippaat. Nutaatut aningaasaliissutit nunatsinni suliffeqarfinnut nunatsinnilu inuusunut iluaqutaallutillu ineriartortitsinermi iluaqusiinissaat illersornissamut ministerilu kissaatigaarput. Illersornissamut isumaqatigiissutissap isumaqatigiinniutiginerani naalakkersuinikkut isumaqatigiissutigineqartut najugaqartunit aallaaveqarnissaat danskit naalakkersuisui suleqatigalugit Naalakkersuisunit sulissutiginiarparput”, Naalakkersuisoq Vivian Motzfeldt oqarpoq.
” Illersornissamut isumaqatigiissutissami Issittoq Atlantikullu Avannaa pineqartillugit Kalaallit Nunaata akuutinneqartarnissaa danskit naalakkersuisuinit pingaartinneqarpoq. Naalakkersuisoq Vivian Motzfeldt angusaqarfiulluartumik ataatsimeeqatigaara Issittumut Atlantikullu Avannaanut tunngatillugu illersornissamut isumaqatigiissutissamut kissaatigut saqqummiussorlugillu oqallisigalugit. Tassunga tunngatillugu taavani alapernaarsuisarnerit nunallu killeqarfiinik illersuinerit sinaakkutitut isumaqatigiissutinngorlugit aalajangiunneqarsimasut naammassineqarnissaanut periarfissanik eqqartuinissanut qilanaarpunga.” Illersornissamut ministeri Troels Lund Poulsen oqarpoq.
Illersornissamut isumaqatigiissutissap Illersornissaqarfiup nunatsinni suliarisartagai eqqarsaatigalugit pitsaanerpaamik isumagineqartarnissaanut periarfissat kiisalu nunarsuup immikkoortuani illersornissakkut iligisat NATO-lu suleqatigalugit inuiaqatigiit kalaallit pitsaanerpaamik illersorneqarsinnaanissaanut periarfissat ministerit marluk akornanni eqqartorneqarput. Taakkulu Issittup sakkulersorfiunnginnissaanik tamakkiisumik anguniakkat pilliutiginagit anguniarneqarput.
Annertunerusumik paasissutissanik pissarsiumagaanni Naalakkersuisumut allatsi Naasunnguaq B Kristensen +299 345682, imaluunniit e-mail: nabk@nanoq.gl atorlugit attavigineqarsinnaavoq.