AtuartigukNaalakkersuisut angerlarsimaffeqanngitsunut iliuuserineqartut tapiissuteqarfigaat
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Naalakkersuisut angerlarsimaffeqanngitsut pillugit periusissiaata ilaatut, kommunini suliniutit arlallit Naalakkersuisut tapiissuteqarfigaat. Naalakkersuisut suliniutinut immikkut ittunut aningaasaqarnikkut tapiissuteqartarnerat, suliniutinut tamakkiinerusumik sammititat pitsaaliuisullu periusissiap siunertaanut piviusunngortitseqataapput.
Naalakkersuisut ukiut tamaasa isumaginninnikkut suliniutinut aamma angerlarsimaffeqannigtsunut suliassaqarfimmi suliniutinut allanngortitsisunut aningaasanik tunniussisarput. Suliniutit siunertaqarput kommunit angerlarsimaffeqanngitsunut suliassaqarfimmi sulinerannit nukittorsaanissamut, kiisalu angerlarsimaffeqanngitsut pillugit periusissiami ujartuilluni pitsaaliuisitsillunilu suliniuteqarnerit piviusunngortinneqarnerannik ukkaqartartunik pingaarnertut ikorfartuinissamut.
Tigussaasumik Kommune Qeqertalimmi, Kommune Kujallermi, Avannaata Kommuniani Kommuneqarfik Sermersuumilu suliniutinik Naalakkersuisut tapiissuteqarput.
Kommune Qeqertalik ersingitsumik angerlarsimaffeqanngitsunik ujartuilluni sulineq nukittorsarniarlugu tapiissuteqarfigineqarpoq. Ersinngitsumik angerlarsimaffeqanngitsut tassaasinnaapput innuttaasut atugarliortut, assersuutigalugu angerlarsimaffimminni nakuusernermik eqqugaasut, kisianni najugaqarfissanik allanik ujarlernissamut periarfissaqanngitsut, taamaattumillu inooqatiminni nakuusertartumi pinngitsaaliissummik najugaqartariaqartut.
Kommune Kujalleq Qaqortumi kialaarfimmik pilersitsinermut ingerlatsinermullu tapiissuteqarfigineqarpoq. Kialaarfik 2025-mi pilersinneqarnissaa naatsorsuutigineqarpoq. Kialaarfimmi neqeroorutigineqassapput tunngaviusumik pisariaqartitat soorlu nerisassat, uffarneq, qasuersaarneq, isumassorneqarneq aamma sulisunik atuisunillu allanik oqaloqateqarnissamut periarfissaqassalluni. Tamatuma saniatigut kialaarfik ulluinnarni pisartunut siunnersuisassaaq ilitsersuillunilu. Kialaarfik tassaassaaq pisortat aaqqissuussaaneranni attaviliisoq.
Avannaata Kommunia ujartuillluni akiitsoqarnermut siunnersuisunik suleqatigiinnik pilersitsinissamut tapiissuteqarfigineqassaaq, innuttaasut aningaasaqarnermik aqutsisinnaalernissaannut ikiuisussat. Aningaasaqarneq pitsaasoq amerlanertigut najugaqarnermik aalaakkaasumik tunngaviliisarpoq, tamannalu angerlarsimaffeqannginnermik akiueqataalluni.
Kommuneqarfik Sermersooq Naalakkersuisut suleqatigalugit Nuummi housing first aallaavigalugu neqeroorummik pilersitsivoq. Neqeroorut asseqanngitsoq Kalaallit Nunaanni siullersaavoq. Neqeroorut immikkut ittumik angerlarsimaffeqanngitsut angerlarsimaffissaannik tuniniarlugit ukkataqarpoq, kingornalu najugaqartut ikiorlugit ulluinnarni aalaakkaasumik inuuneqalernissaannut qulakkeerinninnissamut akiitsoqartinnagit, atornerluisinnagit aamma aalajangersimasumik suliffissaqartillugit.
”Angerlarsimaffeqanngitsunut periusissiaq saqqummiukkatsigu, angerlarsimaffeqanngitsunut suliassaqarfimmi sulineq sukkatsinneqarnissaanut pisariaqartitsisoqartoq Naalakkersuisut eqqumaffigaat. Periusissiap saqqummiunneqarnerata kingorna, kommunit angerlarsimaffeqanngitsuuneq pitsaaliorniarlugu eqeersimaarlutik innuttaasullu angerlarsimaffeqanngitsut ikiorniarlugit sulipput. Kommunit annertunipilussuarmik pitsaaliuinermik ukkataqarnerat pillugu annertuumik nersortariaqarput. Naalakkersuisut kommunit suleqatigalugit angerlarsimaffeqannginneq pitsaaliuinermik ukkataqartunik suliniutinik arlalinnik tapiissuteqarfigineqarput. Maannakkut sisamanik assigiinngeqisunik suliniuteqartoqareerpoq. Naalakkersuisut eqqumaffigaat, angerlarsimaffeqanngitsunut suliassaqarfimmi sulineq isumassarsianik suliniutinillu nutaanik pisariaqartitsisoq. Isumassarsiat nutaat tassaasut ajunngitsumik allannguinissamik pilersitsisut tapiissuteqarfigineqassapput”, Jess Svane oqaaseqarpoq, Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq.
Naalakkersuisut suliniutinut innuttaasunut atugarliortunut angerlarsimaffeqanngitsunullu sammitinneqartunut ukiut tamaasa 2,1 mio. kr-inik tunniussisinnaapput.
Annertunerusumik paasisaqarniaruit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl imaluunniit oqarasuaatikkut + 299 34 56 11
Naalakkersuisut ukiut tamaasa isumaginninnikkut suliniutinut aamma angerlarsimaffeqannigtsunut suliassaqarfimmi suliniutinut allanngortitsisunut aningaasanik tunniussisarput. Suliniutit siunertaqarput kommunit angerlarsimaffeqanngitsunut suliassaqarfimmi sulinerannit nukittorsaanissamut, kiisalu angerlarsimaffeqanngitsut pillugit periusissiami ujartuilluni pitsaaliuisitsillunilu suliniuteqarnerit piviusunngortinneqarnerannik ukkaqartartunik pingaarnertut ikorfartuinissamut.
Tigussaasumik Kommune Qeqertalimmi, Kommune Kujallermi, Avannaata Kommuniani Kommuneqarfik Sermersuumilu suliniutinik Naalakkersuisut tapiissuteqarput.
Kommune Qeqertalik ersingitsumik angerlarsimaffeqanngitsunik ujartuilluni sulineq nukittorsarniarlugu tapiissuteqarfigineqarpoq. Ersinngitsumik angerlarsimaffeqanngitsut tassaasinnaapput innuttaasut atugarliortut, assersuutigalugu angerlarsimaffimminni nakuusernermik eqqugaasut, kisianni najugaqarfissanik allanik ujarlernissamut periarfissaqanngitsut, taamaattumillu inooqatiminni nakuusertartumi pinngitsaaliissummik najugaqartariaqartut.
Kommune Kujalleq Qaqortumi kialaarfimmik pilersitsinermut ingerlatsinermullu tapiissuteqarfigineqarpoq. Kialaarfik 2025-mi pilersinneqarnissaa naatsorsuutigineqarpoq. Kialaarfimmi neqeroorutigineqassapput tunngaviusumik pisariaqartitat soorlu nerisassat, uffarneq, qasuersaarneq, isumassorneqarneq aamma sulisunik atuisunillu allanik oqaloqateqarnissamut periarfissaqassalluni. Tamatuma saniatigut kialaarfik ulluinnarni pisartunut siunnersuisassaaq ilitsersuillunilu. Kialaarfik tassaassaaq pisortat aaqqissuussaaneranni attaviliisoq.
Avannaata Kommunia ujartuillluni akiitsoqarnermut siunnersuisunik suleqatigiinnik pilersitsinissamut tapiissuteqarfigineqassaaq, innuttaasut aningaasaqarnermik aqutsisinnaalernissaannut ikiuisussat. Aningaasaqarneq pitsaasoq amerlanertigut najugaqarnermik aalaakkaasumik tunngaviliisarpoq, tamannalu angerlarsimaffeqannginnermik akiueqataalluni.
Kommuneqarfik Sermersooq Naalakkersuisut suleqatigalugit Nuummi housing first aallaavigalugu neqeroorummik pilersitsivoq. Neqeroorut asseqanngitsoq Kalaallit Nunaanni siullersaavoq. Neqeroorut immikkut ittumik angerlarsimaffeqanngitsut angerlarsimaffissaannik tuniniarlugit ukkataqarpoq, kingornalu najugaqartut ikiorlugit ulluinnarni aalaakkaasumik inuuneqalernissaannut qulakkeerinninnissamut akiitsoqartinnagit, atornerluisinnagit aamma aalajangersimasumik suliffissaqartillugit.
”Angerlarsimaffeqanngitsunut periusissiaq saqqummiukkatsigu, angerlarsimaffeqanngitsunut suliassaqarfimmi sulineq sukkatsinneqarnissaanut pisariaqartitsisoqartoq Naalakkersuisut eqqumaffigaat. Periusissiap saqqummiunneqarnerata kingorna, kommunit angerlarsimaffeqanngitsuuneq pitsaaliorniarlugu eqeersimaarlutik innuttaasullu angerlarsimaffeqanngitsut ikiorniarlugit sulipput. Kommunit annertunipilussuarmik pitsaaliuinermik ukkataqarnerat pillugu annertuumik nersortariaqarput. Naalakkersuisut kommunit suleqatigalugit angerlarsimaffeqannginneq pitsaaliuinermik ukkataqartunik suliniutinik arlalinnik tapiissuteqarfigineqarput. Maannakkut sisamanik assigiinngeqisunik suliniuteqartoqareerpoq. Naalakkersuisut eqqumaffigaat, angerlarsimaffeqanngitsunut suliassaqarfimmi sulineq isumassarsianik suliniutinillu nutaanik pisariaqartitsisoq. Isumassarsiat nutaat tassaasut ajunngitsumik allannguinissamik pilersitsisut tapiissuteqarfigineqassapput”, Jess Svane oqaaseqarpoq, Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq.
Naalakkersuisut suliniutinut innuttaasunut atugarliortunut angerlarsimaffeqanngitsunullu sammitinneqartunut ukiut tamaasa 2,1 mio. kr-inik tunniussisinnaapput.
Annertunerusumik paasisaqarniaruit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl imaluunniit oqarasuaatikkut + 299 34 56 11