2025-mi avaleraasartuunut ammassassuarnullu pisassiissutinik qinnuteqarnissaq ammavoq
Nassiussisuuvoq: Aalisarnermut Piniarnermullu NaalakkersuisoqarfikNaalakkersuisut ullormi 04. oktober 2024-mi aalajangerput, Tunumi avaleraasartuunik ujaasisarnissamik piumasaqaat 2025-imit siunissaq ilanngullugu atorunnaarsinneqassasoq. Ujaasisarnissamik piumasaqaammik atorunnaarsitsineq ukiut pingasut qaangiunneranni nalilersuiffigineqassasoq. Nunat tamalaat imartaanni avaleraasartuunit pisassiissutit, ingerlatseqatigiiffinnut 2024-mi aalisarnermik ingerlatsisimasunuinnaq agguarneqassasut. 2024-mi Tunup imartaani ujaaseqataasut aalisariutit amerlassusiisa amerlaqatai, Nunat tamalaat imartaanni pisassiissutinik agguataarinerup amerlaqatigissagai
Qinnuteqarnissamut immersuiffissaq qinnuteqarnermilu killigitinneqartoq
Ulloq qinnuteqarfissaq kingulleq tassaavoq novembarip aallaqqaataat. Sullissivik aqqutigalugu qinnuteqaat nassiunneqarsinnaavoq imaluunniit maili atorlugu uunga nassiunneqarsinnaavoq apn@nanoq.gl
Avaleraasartoorniarnissamut ammassassuarniarnissamullu Sullissivik aqqutigalugu immersuinikkut qinnuteqartoqassaaq. Qinnuteqarnermut immersuiffissaq uani aasinnaavat. Avaleraasartuunik ammassassuarnillu aalisarsinnaanermut akuersissutinik qinnuteqarneq (sullissivik.gl)
Pisassiissutit 2025-mi aatsaat aalajangerneqassapput, aalajangiinermilu agguarneqassallutik.
Attaveqaataasoq: Iben Funch Døj, Aalisarnermut Piniarnermullu Naalakkersuisoqarfimmi immikkut siunnersorti. E-mail: iben@nanoq.gl
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl