Tuttunniarnissamut umimmanniarnissamullu piffissaliussat pillugit eqqaa-sitsissut.

Aalisarnermut Piniarnermullu Naalakkersuisoqarfimmiit aasaanerani ukiaaneranilu tuttunniarnissamut umimmanniarnissamullu piffissaliussat matumuuna inussiarnersu-mik eqqaasitsissutigineqarput.

Tuttunniarneq
Piniarfik 1-mi (Naternaq), Piniarfik 5-mi (Qeqertarsuatsiaat), Piniarfik 6-mi (Qassit), Piniarfik 7 -mi (Neria), Piniarfik 8-mi (Nuussuaq) kiisalu Piniarfik 11-mi (Ivittuut) sunngiffimmi tuttunniarneq 30. septembari ilanngullugu ingerlavoq maannakkullu unitsinneqareerluni. Piniarfinni pineqartuni inuussutissarsiutigalugu tuttunniarneq 15. oktobari ilanngullugu ingerlassaaq. 

Piniarfik 2-mi (Sisimiut-Kangerlussuaq), Piniarfik 3-mi (Akia-Maniitsoq) aamma Piniarfik 4-mi (Ameralik) sunngiffimmi tuttunniarneq 31. oktobari ilanngullugu ingerlassaaq. Piniarfinni pineqartuni inuussutissarsiutigalugu tuttunniarneq 31. decembari ilann-gullugu ingerlassaaq. 

Umimmanniarneq
Siggummi, Naternami, Sisimiut aqutsiveqarfiani, Maniitsup aqutsiveqarfiani, Ivittuuni, Nanortalimmi kiisalu Ittoqqortoormiini inuussutissarsiutigalugu sunngiffimmilu umim-manniarneq 15. oktobari ilanngullugu ingerlassaaq.

APN-mit aamma eqqaasitsissutigineqarpoq inatsisit naapertorlugit piumasaqaa-taammat tuttunniarsimanermut umimmanniarsimanermullu akuersissutit tuttunniarnis-samut umimmanniarnissamullu piffissaliussap naareerneranit ullut 14-it qaangiutsin-nagit utertinneqartussaammata, kommunit sullissiviinut pisanik nalunaaruteqaatigal-uni utertinneqassallutik, pisaqarsimanngikkaluaraanniluunniit aamma utertinneqas-sallutik.

Kommuunit pisanik nalunaarutit ingerlateqqissavaat pisat@nanoq.gl-imut.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl