Appat mitillu piniagaaffii ullormullu pisassat pillugit maleruagassat pillugit eqqaasitsissut

Ukiarnialerpugut, appanniarnermut piffissaliussat ullormullu pisassat, Aalisarnermut Piniarnermullu Naalakkersuisoqarfimmit  matumuuna eqqaasitsissutigineqassapput, takuuk Timmissanik illersuineq piniarnerlu pillugit Namminersorlutik Oqartussat nalunaarutaat nr. 22, 30. maj 2023-meersoq.

Appanniarnermi piffissat piniagaaffiusut:
Zone 1: 15. oktobarimiit 28./29. februaarimut
Zone 2:   1. septembarimiit 15. novembarimut
Zone 3:   1. novembarimiit 15. decembarimut
Zone 4:   1. novembarimiit 31. decembarimut
Zone 5:   1. novembarimiit 31. decembarimut

Appanniarnermi ullormut pisassat
Inuussutissarsiutigalugu piniarnermut allagartallit piffissami piniarfiusumi ullormut piniarfiusumut appanik aamma appanik sigguttuunik ataatsimut katillugit amerlanerpaamik 20-nik pisaqaqqusaapput.
Sunngiffimmi piniarnermut allagartallit piffissami piniarfiusumi ullormut aallaaniarfiusumut appanik aamma appanik sigguttuunik katillugit amerlanerpaanik 3-nik pisaqaqqusaapput, taamaallaat nammineq atugassatut.

Miterniarneq
Miteq siorartooq aamma miteq siorakitsoq piffissami piniarfiusumi, pisarineqaqqusaapput, taamaallaallu aqutsiveqarfinni ilanngussaq 2-mi sukumiisumik nassuiarneqartuni.

Immikkoortuni (matuma kingorna zone) tulliuttuni piffissat piniarfiusussat makku atuupput:
1)  Zone 1: 15. septemberimiit 15. junimut
2)  Zone 2: 1. oktobarimiit 15. majimut
3)  Zone 3: 1. oktobarimiit 15. majimut
4)  Zone 4: 15. septembarimiit 31. majimut
5)  Zone 5: 15. septembarimiit 31. Majimut.

Inuussutissarsiutigalugu piniarnermut allagartallit Zone 1, 4 aamma 5-imi piffissami piniarfiusuni taaneqartuni miternik siorartuunik aamma miternik siorakitsunik pisaqaqqusaapput.
Inuussutissarsiutigalugu piniarnermut allagartallit Zone 2-mi aamma 3-mi piffissami piniarfiusumi 1. oktoberimiit 15. majimut, ullormut piniarfiusumi miternik siorartuunik aamma miternik siorakitsunik ataatsimut katillugit amerlanerpaamik 40-nik pisaqaqqusaapput.
Inuit sunngiffimmi aallaaniarnermut allagartallit Zone 1, 4 aamma 5-imi piffissani  taaneqartuni miternik siorartuunik aamma miternik siorakitsunik nammineq atugassanik pisaqaqqusaapput.
Sunngiffimmi aallaaniarsinnaanermut allagartallit piffissami piniarfiusumi 1. oktobarimiit 15. majimut ullormut aallaaniarfiusumut miternik siorartuunik aamma miternik siorakitsunik zone 2-mi aamma 3-mi ataatsimut katillugit amerlanerpaamik 10-nik pisaqaqqusaapput.

Taateraarniarneq
Taateraat piffissani piniarfiusussani aamma nunap immikkoortuini taaneqartuni pisarineqaqqusaapput:
1)  Zone 1: 1. septembarimiit 31. oktobarimut
2)  Zone 2: 1. septembarimiit 31. oktobarimut
3)  Zone 3: 1. septembarimiit 31. martsimut
4)  Zone 4: 1. septembarimiit 31. martsimut
5)  Zone 5: 1. septembarimiit 31. martsimut

Inuussutissarsiutigalugu piniarnermut allagartallit piffissani taaneqartuni ullormut piniarfiusumut taateraanik amerlanerpaamik qulinik pisaqaqqusaapput.
Sunngiffimmi aallaaniarnermut allagartallit piffissami taaneqartuni taateraanik amerlanerpaamik qulinik nammineq atugassatut piniaqqusaapput.

Appanik, miternik taateraanillu tuniniaaneq
Inuussutissarsiutigalugu piniarnermut allagartallit taamaallaat appanik, miternik taateraanillu tuniniaaqqusaapput taamaallaallu aqutsiveqarfimminni – zonet siuliani taaneqartut takukkit. Taassuma saniatigut appanik aamma appanik sigguttuunik, miternik taateraanillu piffissami piniarfiusumi aqutsiveqarfiit iluanni taamaallaat tuniniaaqqusaavoq taamaallaallu tuniniaavinni uumasut nakorsaqarfiannit akuerineqartuni, kalaalimineerniarfiit ilanngullugit.

Timmissat piniagaaffii eqqissisimatitaaffii ilanngussamiittut takukkit.

Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen, Aalisarnermut Piniarnermullu Naalakkersuisoqarfik saaffiginnittoqarsinnaavoq, e-mail: amalie@nanoq.gl, tlf. + 34 53 04