AtuartigukKANUAANA taaguutaajunnaartoq
Nassiussisuuvoq: Aalisarnermut Piniarnermullu Naalakkersuisoqarfik
Kalaallit Nunaanni Aalisarsinnaanermut Akuersissutinik Nakkutilliisoqarfiup taaguutaa allanngorpoq. Taanna Kalaallit Nunaanni Aalisarnermut Piniarnermullu Nakkutilliisoqarfimmik aamma KANUAPNA-mik naalisarneqartartutut maanna taaguuteqalerpoq.
Taaguutitoqaani piniarnermik nakkutilliineq ilanngunneqanngilaq. Kisianni KANUAPNA piniarnermik 1998-mit nakkutilliivoq. Aalisarnermut piniarnermullu naalakkersuisoqarfik akuersissutinik tunniussisartuuvoq.
- Taaguutitaaq, Kalaallit Nunaanni Aalisarnermut Piniarnermullu Nakkutilliisoqarfik, KANUAPNA, suliarisartakkatsinnut tulluarpoq paasinarnerullunilu. Akuersissutinik tunniussisarnermut tunngasortaa siornatigut paatsuunganartinneqartarpoq, Nakkutilliinermut pisortaq, Claus Nielsen oqarpoq.
Ilisarnaammi naqinnerit atorneqartut taaguutip allanngorneranut atatillugu naleqqussarneqarput.
Suliffeqarfimmi atorfiit taaguutaat suliffeqarfiup taaguutaata allanngornerani aamma allanngorput, tamannali aningaasatigut kinguneqassanngilaq.
Suliffeqarfimmi aamma allamik allanngortoqarpoq. Suliffeqarfik nukittorsarlugu sulisoqarnermut immikkoortortaqarfeqalerpoq.
KANUAPNA naatsumik:
Nakkutilliisoqarfik 1985-imi pilersinneqarpoq. Nakkutilliisoqarfiup Kalaallit Nunaata imartaani aalisarnermik piniarnermillu ingerlatallit nakkutiginissaat pisussaaffigaa. Aalisartunik nakkutilliisut maannakkut aqqaneq-marluupput, aalisarnernik piniarnernillu nakkutilliisut 23-upput allaffeqarfimmilu atorfillit 16-it.
Annertunerusumik paasisaqarusuttunut attavissaq: Kalaallit Nunaanni Aalisarnermut Piniarnermullu Nakkutilliisoqarfimmi, Nakkutilliinermut pisortaq, Claus Nielsen, cnie@nanoq.gl imaluunniit oqarasuaataa: 34 53 77.