AtuartigukIlinniagaqalernissamik imaluunniit suliffeqalernissamik toqqaanermi angajoqqaat qitornamminnut tapersersuinerat pingaaruteqarpoq.
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Naalakkersuisut Suliffissaqartitsinermut Periusissiaat 2022-2024-mi suliniutinut ilaasumik, Naalakkersuisut angajoqqaanut Majoriap piginnaanngorsaanermik neqeroorutaaniittunik qitornalinnut aqqutissiuussineqalerpoq.
Naalakkersuisut Majoriap sullissivii suleqatigalugit nutaarluinnarmik suleriaasiliorsimapput, pisaaseq aqqutissiuussinermut atatillugu angajoqqaat qitornaasa inuusuttut Majoriap piginnaanngorsaanermut neqeroorutaanni peqataatinneqarnissaannik nassataqartoq. Majoriap ilinniartuutaasa angajoqqaavinut aqqutissiuinermik maanna neqerooruteqalerpoq.
”Aqqutissiuussinermi angajoqqaat peqataatinneqarnissaat, kiisalu angajoqqaat qitornamik ilinniagaqalernissaannik suliffeqalernissaannilluunniit kajumissaarinissaat pingaaruteqartut Naalakkersuisut isumaqarput.
Inuusuttut inuunermi pitsaanerpaamik aallartitsinissaat isumagissavarput, taamaammat angajoqqaat aamma peqataatinneqassapput qitornamminnik inuunerminni eqqortumik aqqutissiorlugit tapersersorsinnaaniassammatigit, kisianni angajoqqaat aamma tapersersussavavut qitornamillu qanoq tapersersorsinnaaneraat takutillugu” Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq Jess Svane oqarpoq.
Aqqutissiuussineq sooq angajoqqaanut sammitinneqarpa?
Angajoqqaat qitornamik piginnaanngorsarneqarneranni ilinniagaqarnissamillu pilersaarusiorneranni qanoq pitsaanerusumik tapersersuisinnaanerannik aqqutissiuussinermi angajoqqaat peqataatinneqarnissaat najoqqutassiami siunertarineqarpoq. Angajoqqaat ilinniarnermut aaqqissuussineq pillugu ilisimatinneqarlutillu paasitinneqassapput, tamatumani ilinniagaqarnissamut ingerlaqqissinnaanissamut qitornap periarfissaanut piumasaqaatit suunerat ilanngullugit.
Angajoqqaat qitornat ilinniagaqarnissamut kissaatai piginnaasaalu tunngavigalugit qitornamik eqqarsaatigilluarlugu toqqaasinnaanissaannut qanoq pitsaanerpaamik tapersersuisinnaanerannik ilisimatinneqassapput. Angajoqqaat najoqqutassiat neqeroorutillu pioreersut namminneerlutik qanoq ujarlugillu atorsinnaaneraat pillugit ilisimatinneqassapput, tamatumani IT-tunngavigalugu neqeroorutit ilanngullugit.
Piginnaanngorsaanermut ilaatillugit angajoqqaat peqataatinneqassapput. Angajoqqaat qitornamik suliatigut tunngavigisaannut atatillugu ilinniagaqarnissamik kissaataat, kiisalu suliniutit suut pisariaqassappallu ikiorneqarnissamut pisariaqartitsinerat (tarnip pissusaanik ilisimasalimmik, atornerluinermik ajornartorsiornermut il.il.) pillugit paasitinneqassapput.
Majoriami piginnaanngorsarluni ilinniartoq inoqarfimmit mikinerusumeersuuppat ornigunnissarlu ajornarpat angajoqqaat aqqutissiuunneqarnerat Majoriap ukiumoortumik inoqarfinnut mikinernut tikeraarnerani ingerlanneqassaaq. Majoriaq tikeraareersimappat imaluunniit inoqarfimmut tikissinnaasimanngippat angajoqqaap aqqutissiuunneqarnera internet oqarasuaalluunniit atorlugu ingerlanneqassaaq.
Quppersagaq Majoriap piginnaanngorsaanermik neqeroorutaanut angajoqqaanik ilitsersuinermik nassuiaasoq www.iserasuaat.gl-imi aaneqarsinnaavoq.
Paasisaqarnerunissamut attavigineqassaaq Naalakkersuisup allattaa Helene S. Pedersen e-mailimut: hspd@nanoq.gl imaluunniit oq. + 299 34 56 11
Naalakkersuisut Majoriap sullissivii suleqatigalugit nutaarluinnarmik suleriaasiliorsimapput, pisaaseq aqqutissiuussinermut atatillugu angajoqqaat qitornaasa inuusuttut Majoriap piginnaanngorsaanermut neqeroorutaanni peqataatinneqarnissaannik nassataqartoq. Majoriap ilinniartuutaasa angajoqqaavinut aqqutissiuinermik maanna neqerooruteqalerpoq.
”Aqqutissiuussinermi angajoqqaat peqataatinneqarnissaat, kiisalu angajoqqaat qitornamik ilinniagaqalernissaannik suliffeqalernissaannilluunniit kajumissaarinissaat pingaaruteqartut Naalakkersuisut isumaqarput.
Inuusuttut inuunermi pitsaanerpaamik aallartitsinissaat isumagissavarput, taamaammat angajoqqaat aamma peqataatinneqassapput qitornamminnik inuunerminni eqqortumik aqqutissiorlugit tapersersorsinnaaniassammatigit, kisianni angajoqqaat aamma tapersersussavavut qitornamillu qanoq tapersersorsinnaaneraat takutillugu” Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq Jess Svane oqarpoq.
Aqqutissiuussineq sooq angajoqqaanut sammitinneqarpa?
Angajoqqaat qitornamik piginnaanngorsarneqarneranni ilinniagaqarnissamillu pilersaarusiorneranni qanoq pitsaanerusumik tapersersuisinnaanerannik aqqutissiuussinermi angajoqqaat peqataatinneqarnissaat najoqqutassiami siunertarineqarpoq. Angajoqqaat ilinniarnermut aaqqissuussineq pillugu ilisimatinneqarlutillu paasitinneqassapput, tamatumani ilinniagaqarnissamut ingerlaqqissinnaanissamut qitornap periarfissaanut piumasaqaatit suunerat ilanngullugit.
Angajoqqaat qitornat ilinniagaqarnissamut kissaatai piginnaasaalu tunngavigalugit qitornamik eqqarsaatigilluarlugu toqqaasinnaanissaannut qanoq pitsaanerpaamik tapersersuisinnaanerannik ilisimatinneqassapput. Angajoqqaat najoqqutassiat neqeroorutillu pioreersut namminneerlutik qanoq ujarlugillu atorsinnaaneraat pillugit ilisimatinneqassapput, tamatumani IT-tunngavigalugu neqeroorutit ilanngullugit.
Piginnaanngorsaanermut ilaatillugit angajoqqaat peqataatinneqassapput. Angajoqqaat qitornamik suliatigut tunngavigisaannut atatillugu ilinniagaqarnissamik kissaataat, kiisalu suliniutit suut pisariaqassappallu ikiorneqarnissamut pisariaqartitsinerat (tarnip pissusaanik ilisimasalimmik, atornerluinermik ajornartorsiornermut il.il.) pillugit paasitinneqassapput.
Majoriami piginnaanngorsarluni ilinniartoq inoqarfimmit mikinerusumeersuuppat ornigunnissarlu ajornarpat angajoqqaat aqqutissiuunneqarnerat Majoriap ukiumoortumik inoqarfinnut mikinernut tikeraarnerani ingerlanneqassaaq. Majoriaq tikeraareersimappat imaluunniit inoqarfimmut tikissinnaasimanngippat angajoqqaap aqqutissiuunneqarnera internet oqarasuaalluunniit atorlugu ingerlanneqassaaq.
Quppersagaq Majoriap piginnaanngorsaanermik neqeroorutaanut angajoqqaanik ilitsersuinermik nassuiaasoq www.iserasuaat.gl-imi aaneqarsinnaavoq.
Paasisaqarnerunissamut attavigineqassaaq Naalakkersuisup allattaa Helene S. Pedersen e-mailimut: hspd@nanoq.gl imaluunniit oq. + 299 34 56 11