AtuartigukInternetikkut PNNP pillugu paasititsiniaasoqassaaq
Nassiussisuuvoq: Aalisarnermut Piniarnermullu Naalakkersuisoqarfik
Upernaviup nunaqarfiini pingasuni umiatsiaararsortut PNNP pillugu internettikkut ullumi pingasunngornermi oktobarip aappaanni paasitsitsiniaavigineqassapput.
Nunaqarfiit pingasut ataatsikkut paasititsiniavigineqartussat tassaapput Innarsuit, Tasiusaq aamma Aappilattoq.
Pisassiissutit niuerutigineqarsinnaasut nammineq pigisat pillugit paasititsiniaaneq innuttaasut illuini ingerlanneqassaaq. Aalisarnermut Piniarnermullu Naalakkersuisoqarfimmit PNNP pillugu internettikkut, teamsikkut Avannaata kommuniata Upernavimmi immikkoortortaanit saqqummiussisoqassaaq.
Internettikkut paasitsiniaaneq nalunaaqutaq 14.30 aallartissaaq.
Kinaluunniit umiatsiaaqqamik aalisartoq qaleralinniarnissamut aqutsiveqarfimmi 47-mi, Upernavimmi, Uummannami aamma Qeqertarsuup Tunuani aalisarnissamut akuersissuteqartoq PNNP tunngavigalugu januaarip aallaqqaataani 2025-mi aalisalersinnaavoq. PNNP-mik aalisalernissaq nammineerluni qinigassaavoq, taannalu ukiut tamaasa januaarip aallaqqaataanit aalisalernissamut qinnutigineqarsinnaalluni. PNNP tunngavigalugu januaarip aallaqqaataanit 2025-mi aalisalernissamut qinnuteqarfissaq ulloq kingulleq tassaavoq oktobarip 15-iat 2024. Paasissutissanik amerlanerusunik perusukkuit uunga allassinnaavutit: apn@nanoq.gl
Paasissutissanik amerlanerusunik paasisaqarusukkuit unnga allassaatit: apn@nanoq.gl