Arfanniarnermut ataatsimiititaliarsuup ataatsimiinnermini 23. september 2024 akuersissutigaa arfattassat 2026-miit 2031-mut atuuttussat

Nunat Tamalaat Akornanni Arfanniarnermut Ataatsimiititaliarsuuq ulloq 23. september 2024 ataatsimiinnermini akuersissutigaa arfattassiissutaasartut ingerlaannartumik nutarsarneqarnissaat 2026-2031-mut atuuttussatut akerlilerneqarani.

Kalaallit Nunaata arfattassai 2026-miit 2031 ilanngullugu ukuupput ukiumut:

Tikaagulliit (Kitaata tikaagulliiniit):	164
Tikaagulliit (Qitiusumi tikaagulliit, Tunu):	20
Tikaagulliit (Qitiusumi tikaagulliit, Tunu):	19
Arfiviit (Nunatta Kitaani):	2
Qipoqqaat (Nunatta Kitaani):	10

Pisassanik nunguutsinnginnermi ukiup tullianut nuussinissamut malittarisassat allanngunngillat, tassa ukiumut pisassat 50%-iisa tungaanut nungunngitsuukkat ukiup tullianut nuunneqarsinnaammata.

Pisassiissutit allanngortinnagit ingerlaannarnissaat pillugu 2018-imi piumasaqaataasut tamaasa Nunatta naammassivai, ilaatigut ukuusut:

Arferup neqaanik pisariaqartitat annertusineqassanngitsut aammalu pisassiissutit allanngortinnissaanut siunnersuuteqannginnissaq,
IWC-p Ilisimatuussutsikkut Ataatsimiititaliaata uumasorsiuut inassuteqaataat akuersissutigippassuk.
Nunap Inoqqaavisa sulinissamut pilersaarutaat naammassineqarnera.

Nunat inoqqaavisa arfattassaasa nutarsarneqarneri annertuumik isumaqatigiissutigineqarput. IWC-mi pissuserineqartaraluarpoq aalajangiussassat kinguarsarneqartarneri, imaluunniit akerlilerneqanngitsumik isumaqatigiittoqarnissaa anguneqanngitsoorluni.

Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail amalie@nanoq.gl