AtuartigukPNNP pillugu Saattuni aalisartut ataatsimiisinneqassapput
Nassiussisuuvoq: Aalisarnermut Piniarnermullu Naalakkersuisoqarfik
Upernavimmi, taassumalu Uummannallu nunaqarfittaani maannakkut paasititsiniaasoqarpoq.
Aalisarnermut Piniarnermullu Naalakkersuisoqarfimmit Upernaviup nunaqarfiisa aamma Uummannap nunaqarfiisa ilaanni aalisartunut sapaatip akunnerini 39-mi aamma 40-mi PNNP pillugu paasititsiniaallutik maannakkut angalapput.
Umiatsiaararsortut aqutsiveqarfimmi 47-mi Uummannami, Upernavimmi aamma Qeqertarsuup Tunuani PNNP tunngavigalu aalisalernermi periarfissat aamma tamatumunnga qinnuteqarnissaq pillugit paasititsiniaasoqarpoq. PNNP tunngavigalugu januaarip aallaqqaataanit 2025-mi aalisalernissamut qinnuteqarfissaq ulloq kingulleq tassaavoq oktobarip 15-iat 2024.
PNNP pillugu aalisartunik ataatsimiititsinerit sumiiffinni ukunani pissapput:
Nuussuaq, septembarip 25-at, nalunaaqutaq 18.00
Kullorsuaq, septembarip 26-at, nalunaaqutaq 19.00
Upernavik, septembarip 28-at, nalunaaqutaq 16.00
Upernavik Kujalleq, septembarip 29-at, nalunaaqutaq 14.00
Saattut, oktobarip aallaqqaataani, nalunaaqutaq 17.00
Ukkusissat aamma Ikerasak, oktobarip aappaat, nalunaaqutaq 13.00 aamma 17.00
Sumiiffiit tikinneqartussanngoraangata nalunaaqutaq qassinut ataatsimiinnissaq pissanersoq KNR radiukkut nalunaarutigineqartarumaarput.
Paasissutissanik amerlanerusunik Aalisarnermut Piniarnermullu Naalakkersuisoqarfimmi pisoqarsinnaavoq: apn@nanoq.gl