Atuartiguk§ 21-Isumalioqatigiissitap pilersinneqarnissaannut nassuiaat saqqummersinneqarpoq
Nassiussisuuvoq: Naalagaaffinngornissamut Nunanullu allanut Naalakkersuisoqarfik
§ 21 pillugu isumalioqatigiissitamik pilersitsinissamut nassuiaat inatsisartunut agguaanneqarsimalereerpoq aammalu Naalakkersuisut nittartagaanni atuarneqarsinnaalereerluni.
Namminersorneq pillugu inatsimmi § 21-mi allassimasut qanoq paasineqassappat, namminiilivinnissamut aamma naalagaaffinngornissamut isumasiuilluni innuttaasunik taasititsinissami inatsisitigut qanoq tunngaviliisoqassava aamma Inatsit Tunngaviusussaq inatsisitigut qanoq nalilersorneqarneqassava.
Taakkartorneqartut pingasut taakkuupput § 21 pillugu isumalioqatigiissitaalerumaartussat inatsisitigut nassuiaateqarfigiumaagassaat.
- § 21 pillugu isumalioqatigiissitamik namminiilivinnissamut naalagaaffinngornissamullu piorsaanermut ersarinnerulersitsiumaartussamik pilersitsinissamut alloriarnerput nuannaarutigaara, Vivian Motzfeldt, Naalagaaffinngornissamut Nunanullu allanut Naalakkersuisoq oqarpoq.
Inatsisartut taakkuupput 2024-mi upernaakkut ataatsimiittoqarnerani isumalioqatigiissitamik pilersitsisoqarnissaanik Naalakkersuisunut peqqusisuusut, isumalioqatigiissitaniillu ilaatigut Namminersorneq pillugu inatsimmi § 21-mi inatsisitigut immikkoortitaartut qanoq paasineqarnissaat nassuiaasiorneqassapput.
Naalaagaaffinngornissamut Nunanullu allanut Naalakkersuisup Vivian Motzfeldtip nassuiaat Inatsisartunut agguaassimalereerpaa.
Nassuiaat Naalakkersuisut nittartagaanni ugguuna aaneqarsinnaavoq: https://naalakkersuisut.gl/Publikationer?sc_lang=kl-GL