AtuartigukPNNP pillugu Upernavimmi, taassumalu Uummannallu nunaqarfittaani paasititsiniaasoqassaaq
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfimmit Upernaviup nunaqarfiisa aamma Uummannap nunaqarfiisa ilaanni aalisartunut sapaatip akunnerini 39-mi aamma 40-mi PNNP pillugu paasititsiniaallutik angalassapput.
Umiatsiaararsortut aqutsiveqarfimmi 47-mi Uummannami, Upernavimmi aamma Qeqertarsuup Tunuani PNNP tunngavigalu aalisalernermi periarfissat aamma tamatumunnga qinnuteqarnissaq pillugit paasititsiniaasoqassaaq. PNNP tunngavigalugu januaarip aallaqqaataanit 2025-mi aalisalernissamut qinnuteqarfissaq ulloq kingulleq tassaavoq oktobarip 15-iat 2024.
PNNP pillugu aalisartunik ataatsimiititsinerit sumiiffinni ukunani pissapput:
Nuussuaq, septembarip 25-at, nalunaaqutaq 18.00
Kullorsuaq, septembarip 26-at, nalunaaqutaq 19.00
Upernavik, septembarip 28-at, nalunaaqutaq 16.00
Upernavik Kujalleq, septembarip 29-at, nalunaaqutaq 14.00
Ukkussissat aamma Ikerasak, oktobarip aappaat, nalunaaqutaq 13.00 aamma 17.00
Sumiiffiit tikinneqartussanngoraangata nalunaaqutaq qassinut ataatsimiinnissaq pissanersoq KNR radiukkut nalunaarutigineqartarumaarput.
Paasissutissanik amerlanerusunik Aalisarnermut Piniarnermullu Naalakkersuisoqarfimmi pisoqarsinnaavoq: apn@nanoq.gl