AtuartigukArfanniarnermut ataatsimiititaliarsuup ukiunut arlalinnut arfattassat inissiniarpai
Nassiussisuuvoq: Aalisarnermut Piniarnermullu Naalakkersuisoqarfik
Nunat Tamalaat Akornanni Arfanniarnermut Ataatsimiititaliarsuaq 23.-27. september ataatsimiissaaq, tassanilu Kunngeqarfik Danmarkip Nunat Inoqqaavisa Arfanniartartui allat (ASW-nunat) suleqatigalugit arfattassiissutaasartut ingerlaannartumik nutarsarneqarnissaat sulissutigissavaat.
Kalaallit Nunaata arfattassai 2025 ilanngullugu atuupput aammalu 2026-miit 2031 ilanngullugu nutarsarneqartussaallutik.
Arfattassat makku 2018-imi Nunatsinnut akuerineqarput, assinginillu qinnuteqalersaarluni:
| • Tikaagulliit (Kitaata tikaagulliiniit): | 164 |
| • Tikaagulliit (Qitiusumi tikaagulliit, Tunu): | 20 |
| • Tikaagulliusaat (Kitaata tikaagulliusaaviniit): | 19 |
| • Arfiviit (Nunatta Kitaani): | 2 |
| • Qipoqqaat (Nunatta Kitaani): | 10 |
Pisassiissutissatut siunnersuutit ajornartorsiutaassangatinneqanngillat, 2018-imi piumasaqaataasut tamaasa Nunatta naammassimmagit, ilaatigut ukuusut:
1) Arferup neqaanik pisariaqartitat annertusineqassanngitsut aammalu pisassiissutit allanngortinnissaanut siunnersuuteqannginnissaq,
2) IWC-p Ilisimatuussutsikkut Ataatsimiititaliaata uumasorsiuut inassuteqaataat akuersissutigippassuk.
Sukumiinerusumik paasisaqarusukkaanni immikkoortortaqarfimmi pisortaq Amalie A. Jessen Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail amalie@nanoq.gl