AtuartigukInuussutissarsiutiginagu kapisilinniartut kapisilinniarunnaassapput
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfimmi kitaata kujataani inuussutissasiutiginagu aalisartut kapisilinniarnerat septembarip 20.-ani 2024-mi unissaaq.
Kalaallit Nunaanni Aalisarsinnaanermut Akuersissutinik Nakkutilliisoqarfik nalunaaruteqarpoq aqutsiveqarfimmi kitaata kujataani inuussutissarsiutiginagu aalisartunut kapisilinniarneq septembarip 20.-ani 2024-mi unitsinneqassasoq, pisassiissutit nungunneqalermata.
Kapisilinnut qassutit tamarmik aqutsiveqarfimmi pineqartumi kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.
KANUAANA aammaarluni kaammattuivoq aalisartut aalisariareertillutik pisatik piaarnerpaamik nalunaarutigisassammatigit. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat.
Kingusinnerpaamik oktobarip 5.-maani 2024-mi nalunaaruteqartoqassaaq. Kingusinnerpaamik oktobarip 5.-maani 2024-mi nalunaaruteqartoqanngippat, 2025-mi kapisilinniarsinnaanermut akuersissummik tunisisoqarsinnaanngilaq.
Kapisilittat pillugit paasissutissat amerlanerusut nittartakkami Sullissivik.gl-imi “Kapisilittatit nalunaarutigikkit” atuarneqarsinnaapput.
Annerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl
Inussiarnersumik inuulluaqqusilluta
Kalaallit Nunaanni Aalisarsinnaanermut Akuersissutinik Nakkutiliisoqarik
gflk@nanoq.gl
Toqq +299 34 50 00