AtuartigukQalerallit nuutatut pineqartartut aalisariutinik pisarineqanngitsut umiatsiaaqqanik aalisarneqassapput
Nassiussisuuvoq: Aalisarnermut Piniarnermullu Naalakkersuisoqarfik
Qalerallit nuutatut pineqartartut aalisariutinik meterinik arfinilinnik anginernik aqutsiveqarfimmi 47-mi Qeqertarsuup Tunuani, Uummannami aamma Upernavimmi 2023-mi aalisarneqanngitsut juulip aallaqqaataanit 2024-mi aalisarneqarsinnaasunngorlugit siornatigutut pineqassapput.
Aalisariutit qalerallit nuutatut pineqartartut katillugit 4.300 tonsit aalisarsimanngilaat. Taakkunanit 500 tonsit Qeqertarsuup Tunuani aalisarneqartussanngorlugit pineqareerput.
Aalisarnermut Piniarnermullu Naalakkersuisup aalajangerpaa qalerallit aalisarneqarsimanngitsut 2.400 tonsit Qeqertarsuup Tunuani kvartalit pingajuanni sisamaannilu aalisarneq qularnaatsumik pisinnaaqqullugu umiatsiaaqqanik aalisarneqarsinnaasunngorlugit aallaqqaammut nuunneqassasut. Sinneruttut 1.400 tonsit sillimmatitut pineqassapput kingorna agguaanneqarumaarlutik.
Paasissutissanik amerlanerusunik Aalisarnermut Piniarnermullu Naalakkersuisoqarfimmi pisoqarsinnaavoq: apn@nanoq.gl