AtuartigukGreenland Ruby-p akiliisarnerminik unitsitsineranut aaqqissuunneqaqqinneranullu oqaaseqaat
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Greenland Ruby A/S-imi siulersuisut akiliisarnerit unitsinneqarnerisa nalaanni ingerlatseqatigiiffiup aaqqissuunneqaqqinnissaanut inatsisitigut alloriarnissamik isumaqatigiissuteqarsimasut, Naalakkersuisut ilisimatinneqarput.
Greenland Ruby A/S-imi aqutsisut aammalu aaqqissuusseqqittussatut suliakkerneqartut, ingerlatseqatigiiffiup akiliisinnaajunnaarnissaanit annaassiniarsarisussat, Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfiup qanimut oqaloqatigai. Akuersissutini attuumassuteqartuni maleruagassat atugassarititaasullu tamarmik malinneqarnissaat, aammalu, isumatusaartumik aaqqiissutissarsisoqarsinnaasoq akiligassaqarfigineqartut tamarmik, ilanngullugit Namminersorlutik Oqartussat aamma Kommune Sermersooq takusinnaasaannik aaqqiissutissarsiniartoqarnissaa, Naalakkersuisut pingaartippaat.
Naalakkersuisut ineriartorneq malinnaaffigaat aammalu suliami nutaarsiassaqalerpat oqaaseqaateqassallutik.
Paasissutissanik annertunerusunik piniarnermi attaveqarfigineqassaaq Naalakkersuisoqarfimmut pisortaaneq Jørgen Hammeken-Holm uani joeh@nanoq.gl imaluunniit oqarasuaammi 346846