AtuartigukInuusuttunut inissiat Nuussuarmi sananeqalerput
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Inatsisartut Aningaasaqarnermut Akileraartarnermullu Ataatsimiititaliaata Naalakkersuisut Nuussuarmi inuusuttunut inissianik sananissamut aningaasanik atugassanngortitsinissamik qinnuteqaataat akueraa.
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Maanna aamma Nuussuarmi inuusuttunut inissianik sanasoqarsinnaalernera nutaarsiassaavoq nuannersoq. Inuusuttunut inissialiassat inuusuttut najugaqarfinni minnerusuni najukkamini inuiaqatigiit akornanni najugaqaannarnissamut periarfissinneqarnissaannik qulakkeeriniarluni suliniutaavoq pingaarutilik. Inuusuttunut inissiat nutaat inuusuttut inersimasunngornissamut patajaatsumik ikaarsaartitsisinnaassasut Naalakkersuisunit neriuutigineqarpoq. Inuusuttut malinnaaffiginissaannut siunissaasalu qanoq iluseqarnissaannut qilanaarpunga.”
Akuersissuteqartoqarnerani isumaqatigiissusiassat inaarutaasumik suliarineqarsinnaalerput, taamaalillunilu atortunik ukiassalernerani tikittussanngorlugit inniminniinissaq aallartinneqarsinnaalerpoq. Tamatuma kingorna sanaartorneq aallartinneqarsinnaavoq. Tunniunneqarnissaat atorneqalernissaallu 2025-mi oktobarimi pisinnaalernissaa naatsorsuutigineqarpoq.
Inuusuttunut inissiat katillugit marluk, ataatsimut 106 m2-nik annertussusillit sananeqassapput. Inuusuttunut inissiat nunaminertami, najukkami entreprenøri najukkamilu nunaminertanik atugassiisarnermi oqartussaasut suleqatigiillutik nassaarisaanni sananeqassapput. Nuussuaq kuuffeqarfilersugaanngimmat, WC-nik nusullugit kuutsittakkanik pilersuisoqarsinnaanngilaq. Taamaattumik inissiat imaartakkanik anartarfilerneqassapput, aammalu ataatsimoorussamik imermut tankilerneqassallutik.
Inuusuttunut inissianik sanaartornermi nunatsinni sumiiffinni minnerusuni inuusuttunut inissianik pisariaqartitsinermik naammassinninnissaq siunertaavoq. Inuusuttut amerlanerusut najukkaminni inuiaqatigiit akornanni najugaqaannarnissamik kissaateqarlutik saqqummiussisarput, kisiannili inissianik, imminerminnut immikkut naleqqussakkanik amigaateqarneq unammillerfigisarlugu.
Inuussuttunut inissialioriaaseq pillugu
Inuusuttunut inissiat malitassamut nalinginnaasumut ilagitillugu ineriartortitaapput, tassanilu inissiat najugaqarfinni minnerusuni ajornanngitsumik sananeqartarnissaat, aammalu piujuartitsinissamik pitsaasuutitsinissamillu takorluugaqarnermut pingaarnermut naleqqunnissaat aallaavigineqarpoq, tassanilu aningaasaqarnerup, avatangiisit, silap pissusiata inooqatigiinnerullu oqimaaqatigiinnissaat eqqarsaatigineqarpoq.
Suliassaq inuusuttut inersimasunngornissamut alloriarfissaattut, taamaalillutillu inuusuttut namminiilernissamut ikiorneqarfissaattut eqqarsaatigineqarpoq. Inuusuttut ikaarsaarnissaat ajornannginnerulersinniarlugu inissiat tamarmik aamma nalinginnaasunik peqqusersugaassapput, taamaalillunilu iserternissaq pisariunnginnerulersinneqassaaq, attartortullu aallartinnissamut aningaasartuutissaat minnerpaaffissaminniitsinneqarsinnaassapput.
Inissiat ataasiinnarmik initalittut, tamakkerlutik 45 m2-t missaannik annertussusilittut sananeqassapput, aammalu angisuumik paarleqarnermik saniatigut igalik errorfittaqassaaq errorsivimmullu inissaqartitsiffiussalluni. Igalermiit uffarfimmut/perusuersartarfimmut aamma inimut isaariaqassaaq. Ini igaffittaqassaaq nerisarfilimmik, isersimaartarfeqassaaq nalaasaarfilimmik aammalu iikkami qarajarluusanngorlugu siniffiliamik peqassalluni. Aamma qerititsivimmik pisariaqartitsineq piniarnermullu atortunut quimut inissiamut atasumut inissiisinnaaneq eqqarsaatigineqartunut ilaapput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Maanna aamma Nuussuarmi inuusuttunut inissianik sanasoqarsinnaalernera nutaarsiassaavoq nuannersoq. Inuusuttunut inissialiassat inuusuttut najugaqarfinni minnerusuni najukkamini inuiaqatigiit akornanni najugaqaannarnissamut periarfissinneqarnissaannik qulakkeeriniarluni suliniutaavoq pingaarutilik. Inuusuttunut inissiat nutaat inuusuttut inersimasunngornissamut patajaatsumik ikaarsaartitsisinnaassasut Naalakkersuisunit neriuutigineqarpoq. Inuusuttut malinnaaffiginissaannut siunissaasalu qanoq iluseqarnissaannut qilanaarpunga.”
Akuersissuteqartoqarnerani isumaqatigiissusiassat inaarutaasumik suliarineqarsinnaalerput, taamaalillunilu atortunik ukiassalernerani tikittussanngorlugit inniminniinissaq aallartinneqarsinnaalerpoq. Tamatuma kingorna sanaartorneq aallartinneqarsinnaavoq. Tunniunneqarnissaat atorneqalernissaallu 2025-mi oktobarimi pisinnaalernissaa naatsorsuutigineqarpoq.
Inuusuttunut inissiat katillugit marluk, ataatsimut 106 m2-nik annertussusillit sananeqassapput. Inuusuttunut inissiat nunaminertami, najukkami entreprenøri najukkamilu nunaminertanik atugassiisarnermi oqartussaasut suleqatigiillutik nassaarisaanni sananeqassapput. Nuussuaq kuuffeqarfilersugaanngimmat, WC-nik nusullugit kuutsittakkanik pilersuisoqarsinnaanngilaq. Taamaattumik inissiat imaartakkanik anartarfilerneqassapput, aammalu ataatsimoorussamik imermut tankilerneqassallutik.
Inuusuttunut inissianik sanaartornermi nunatsinni sumiiffinni minnerusuni inuusuttunut inissianik pisariaqartitsinermik naammassinninnissaq siunertaavoq. Inuusuttut amerlanerusut najukkaminni inuiaqatigiit akornanni najugaqaannarnissamik kissaateqarlutik saqqummiussisarput, kisiannili inissianik, imminerminnut immikkut naleqqussakkanik amigaateqarneq unammillerfigisarlugu.
Inuussuttunut inissialioriaaseq pillugu
Inuusuttunut inissiat malitassamut nalinginnaasumut ilagitillugu ineriartortitaapput, tassanilu inissiat najugaqarfinni minnerusuni ajornanngitsumik sananeqartarnissaat, aammalu piujuartitsinissamik pitsaasuutitsinissamillu takorluugaqarnermut pingaarnermut naleqqunnissaat aallaavigineqarpoq, tassanilu aningaasaqarnerup, avatangiisit, silap pissusiata inooqatigiinnerullu oqimaaqatigiinnissaat eqqarsaatigineqarpoq.
Suliassaq inuusuttut inersimasunngornissamut alloriarfissaattut, taamaalillutillu inuusuttut namminiilernissamut ikiorneqarfissaattut eqqarsaatigineqarpoq. Inuusuttut ikaarsaarnissaat ajornannginnerulersinniarlugu inissiat tamarmik aamma nalinginnaasunik peqqusersugaassapput, taamaalillunilu iserternissaq pisariunnginnerulersinneqassaaq, attartortullu aallartinnissamut aningaasartuutissaat minnerpaaffissaminniitsinneqarsinnaassapput.
Inissiat ataasiinnarmik initalittut, tamakkerlutik 45 m2-t missaannik annertussusilittut sananeqassapput, aammalu angisuumik paarleqarnermik saniatigut igalik errorfittaqassaaq errorsivimmullu inissaqartitsiffiussalluni. Igalermiit uffarfimmut/perusuersartarfimmut aamma inimut isaariaqassaaq. Ini igaffittaqassaaq nerisarfilimmik, isersimaartarfeqassaaq nalaasaarfilimmik aammalu iikkami qarajarluusanngorlugu siniffiliamik peqassalluni. Aamma qerititsivimmik pisariaqartitsineq piniarnermullu atortunut quimut inissiamut atasumut inissiisinnaaneq eqqarsaatigineqartunut ilaapput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl