AtuartigukNuummi ilinniartunut inissianik nalinginnaasunik sanaartorneq imm. 2 aallartippoq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Inatsisartut Aningaasaqarnermut Akileraartarnermullu Ataatsimiititaliaata Naalakkersuisut Nuummi ilinniartunut inissianik sanaartornissamut aningaasanik atugassanngortitsinissamut qinnuteqaataat akuerisimalerpaa. Akuersisoqarnerani sanaartornerup 2024-mi aggustimi aallartinnissaa siunertaralugu isumaqatigiissutissat inaarutaasut isumaqatigiissutigineqarsinnaalerput. Ilinniartunut inissiat 2027 tikillugu ingerlaavartumik tunniunneqartarnissaat atulertarnissaallu naatsorsuutigineqarpoq.
Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Aqqaluaq B. Egede oqarpoq:
”Nuummi ilinniartunut inissaqartitsinerup annertusineqarnissaanut pilersaarutit maanna piviusunngortissinnaaleratsigit nunatsinni inuusuttunut nutaarsiassaavoq nuannersoq. Inuusuttut ilinniarnerminni ineqarnertik pillugu annilaangannginnissaat toqqissisimanartumillu aallaaveqarnissaat toqqissisimanissaannut isumalerujussuusoq ilisimavarput. Ilinniartunut inissiat naammassinissaannut inuusuttullu isertersinnaalernissaannut qilanaarpunga.”
Tamatuma kingorna Ineqarnermut Attaveqaasersuutinullu Naalakkersuisoq Hans Peter Poulsen imatut oqarpoq:
”Nuummi ilinniartunut inissiat nalinginnaasut sanaartorneqarnerini imm. 2-p angusaqarfiulluarluni anguneqarnera iluatsikkatsigu nuannaarpugut. Isumaqatiginninniarnerit inernerini takutinneqarpoq, 2023-mi neqerooruteqartitsinerup siulliup taamaatinneqarnera eqqortumik aalajangiinerusoq. Nuummi ilinniartunut inissiat amerlinerisigut nunatsinni ilinniartut atugaasa pitsaanerulernissaat, nunattalu namminiilernissaanut ataatsimoorluta anguniakkatsinnut iluaqutaanissaa neriuutigaarput.”
Ilinniartunut inissiat suliassamut ‘Ilinniartunut inissiat nalinginnaasut’ imm. 2-mut, illoqarfinni ilinniartoqarfiusuni pingaarnerni tallimani: Ilulissat, Aasiaat, Sisimiut, Qaqortoq aamma Nuuk, ilinniartunut inissiat naammannissaannik qulakkeerinissamut siunertaqarfiusumut ilagitillugu sanaartorneqassapput. Ilulissani, Aasianni, Sisimiuni aamma Qaqortumi imm. 2-mi sanaartugassat sanaartorneqarput, taakkulu 2025 tikillugu ingerlaavartumik atulersinneqartarnissaat naatsorsuutigineqarpoq.
Nunatsinni ilinniartunut inissianik amerlisaaneq Naalakkersuisut nunap imminut nammassinnaalernissaanik anguniagaqarneranut ilagitillugu suliarineqarpoq, ineriartortitsinermilu tassani isumalluutit eqqortut, tassungalu ilisimasat ilinniartitaanerlu ilanngullugit toqqammavissatut pingaartinneqarput. Inuiaqatigiinni ilinniartitaanerup annertusarneqarnissaanik anguniagaqarneq tapersersorneqassappat, ilinniartut ilinniarnerminni avatangiisaasa pitsaanerulernissaat pisariaqarpoq, tassungalu ilinniarnerminni ilinniartunut inissianik pissarsinissamut periarfissaasa pitsaanerulernissaat ilaatinneqarpoq.
Suliassaq Ilinniartunut inissiat imm. 2, Nuuk aallaqqaammut 2023-mi juunimi neqerooruteqartitsiffigineqarluni misilinneqarpoq. Neqerooruteqartitsineq ajoraluartumik taamaatiinnarneqarpoq, sanaartugassanik suliaqartunit neqerooruteqartut isumaqatiginninniarfigineqarnerini aki naammaginartoq anguneqanngitsoormat. Taamani niuernikkut pissusiusut tunngavigalugit neqerooruteqartitseqqinnissaq aallaqqaammut ukiunik marlunnik - pingasunik kinguartinneqarpoq.
Neqerooruteqartitsinerup taamaatinneqarnerata kingorna Ineqarnermut Attaveqaasersuutinullu Naalakkersuisoqarfik sanaartugassanik suliaqartunit, taamatullu siunnersuisarnermik inuussutissarsiuteqartunit arlalinnit saaffiginnissutinik arlalinnik tigusaqarpoq, 2024-mi pisinnaasanik atunngisaqarnissamik aammalu namminersorluni suliassat ikilinissaannik nalunaaruteqarfiusunik. Ineqarnermut Attaveqaasersuutinullu Naalakkersuisoqarfik ilaatigut sanaartugassanik suliaqartunit arlalinnit, aallaqqaammut Nuummi ilinniartunut inissiat nalinginnaasut neqerooruteqarfigitinneqarnerini peqataasimanngitsunit saaffiginnissutinit tigusaqarput, 2024-mi suliassamut neqerooruteqarsinnaalereernissamut soqutiginnillutik saqqummiussisunit. Taamaalilluni 2024-p aallartinnerani niuerfiup allanngorneranut, aammalu niuerfiup ilaata kinguariarneranut takussutissanik arlalinnik ersertoqarpoq. Niuerfimmi pissutsit allanngornerinut qisuariaatitut, Naalakkersuisut 2024-mi februaarimi Nuummi ilinniartunut inissiat nalinginnaasut imm. 2-p neqerooruteqarfigitinneqaqqinnissaata siuartinneqarnissaa akueraat.
Neqeroorutit tiguneqartut amerlassusiini, kiisalu isumaqatiginninniarnerit inernerini takuneqarpoq, aallaqqaammut neqerooruteqartitsinerup taamaatinneqarnissaa pillugu aalajangerneq eqqortuusimasoq.
Tamatumunnga atatillugu neqerooruteqartitseqqinnissamut atatillugu naliliisoqarpoq, suliassamut tassunga neqerooruteqartitseqqinneq akimik akuersaarnarnerusumik inerneqarnissaa piviusorsiunngitsoq. Taamaattumik neqerooruteqarnermi akigititamik appasinnerusumik angusaqarniarluni suliassami arlalinnik naleqqussaasoqarpoq. Naleqqussaanerup kingunerisaanik Nuummi ilinniartunut inissiat imm. 2-mut atatillugu taamaallaat Nuummi Kongevej-imi sanasoqassaaq. Tassalu ilinniartunut inissiat illutaasa amerlassusii tallimaniit sisamanut ikilineqarput, inillu quleriit amerlassusii amerlanerpaaffissaannut allanngortinneqarlutik.
Ilinniartunut inissiat illutaat sisamat ”Inissiaq +/++”-tut nalinginnaasutut sananeqassapput, minnerusunik inissiartaqassallutik, aammalu ilinniartunut aappalinnut ilaqutalinnulluunniit atorneqartussatut eqqarsaatigineqassallutik. Illut sisamaasut ilinniartunut inissianik katillugit 52-inik, ataatsimut 224-nik siniffittalinnik inissiartaqassapput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Aqqaluaq B. Egede oqarpoq:
”Nuummi ilinniartunut inissaqartitsinerup annertusineqarnissaanut pilersaarutit maanna piviusunngortissinnaaleratsigit nunatsinni inuusuttunut nutaarsiassaavoq nuannersoq. Inuusuttut ilinniarnerminni ineqarnertik pillugu annilaangannginnissaat toqqissisimanartumillu aallaaveqarnissaat toqqissisimanissaannut isumalerujussuusoq ilisimavarput. Ilinniartunut inissiat naammassinissaannut inuusuttullu isertersinnaalernissaannut qilanaarpunga.”
Tamatuma kingorna Ineqarnermut Attaveqaasersuutinullu Naalakkersuisoq Hans Peter Poulsen imatut oqarpoq:
”Nuummi ilinniartunut inissiat nalinginnaasut sanaartorneqarnerini imm. 2-p angusaqarfiulluarluni anguneqarnera iluatsikkatsigu nuannaarpugut. Isumaqatiginninniarnerit inernerini takutinneqarpoq, 2023-mi neqerooruteqartitsinerup siulliup taamaatinneqarnera eqqortumik aalajangiinerusoq. Nuummi ilinniartunut inissiat amerlinerisigut nunatsinni ilinniartut atugaasa pitsaanerulernissaat, nunattalu namminiilernissaanut ataatsimoorluta anguniakkatsinnut iluaqutaanissaa neriuutigaarput.”
Ilinniartunut inissiat suliassamut ‘Ilinniartunut inissiat nalinginnaasut’ imm. 2-mut, illoqarfinni ilinniartoqarfiusuni pingaarnerni tallimani: Ilulissat, Aasiaat, Sisimiut, Qaqortoq aamma Nuuk, ilinniartunut inissiat naammannissaannik qulakkeerinissamut siunertaqarfiusumut ilagitillugu sanaartorneqassapput. Ilulissani, Aasianni, Sisimiuni aamma Qaqortumi imm. 2-mi sanaartugassat sanaartorneqarput, taakkulu 2025 tikillugu ingerlaavartumik atulersinneqartarnissaat naatsorsuutigineqarpoq.
Nunatsinni ilinniartunut inissianik amerlisaaneq Naalakkersuisut nunap imminut nammassinnaalernissaanik anguniagaqarneranut ilagitillugu suliarineqarpoq, ineriartortitsinermilu tassani isumalluutit eqqortut, tassungalu ilisimasat ilinniartitaanerlu ilanngullugit toqqammavissatut pingaartinneqarput. Inuiaqatigiinni ilinniartitaanerup annertusarneqarnissaanik anguniagaqarneq tapersersorneqassappat, ilinniartut ilinniarnerminni avatangiisaasa pitsaanerulernissaat pisariaqarpoq, tassungalu ilinniarnerminni ilinniartunut inissianik pissarsinissamut periarfissaasa pitsaanerulernissaat ilaatinneqarpoq.
Suliassaq Ilinniartunut inissiat imm. 2, Nuuk aallaqqaammut 2023-mi juunimi neqerooruteqartitsiffigineqarluni misilinneqarpoq. Neqerooruteqartitsineq ajoraluartumik taamaatiinnarneqarpoq, sanaartugassanik suliaqartunit neqerooruteqartut isumaqatiginninniarfigineqarnerini aki naammaginartoq anguneqanngitsoormat. Taamani niuernikkut pissusiusut tunngavigalugit neqerooruteqartitseqqinnissaq aallaqqaammut ukiunik marlunnik - pingasunik kinguartinneqarpoq.
Neqerooruteqartitsinerup taamaatinneqarnerata kingorna Ineqarnermut Attaveqaasersuutinullu Naalakkersuisoqarfik sanaartugassanik suliaqartunit, taamatullu siunnersuisarnermik inuussutissarsiuteqartunit arlalinnit saaffiginnissutinik arlalinnik tigusaqarpoq, 2024-mi pisinnaasanik atunngisaqarnissamik aammalu namminersorluni suliassat ikilinissaannik nalunaaruteqarfiusunik. Ineqarnermut Attaveqaasersuutinullu Naalakkersuisoqarfik ilaatigut sanaartugassanik suliaqartunit arlalinnit, aallaqqaammut Nuummi ilinniartunut inissiat nalinginnaasut neqerooruteqarfigitinneqarnerini peqataasimanngitsunit saaffiginnissutinit tigusaqarput, 2024-mi suliassamut neqerooruteqarsinnaalereernissamut soqutiginnillutik saqqummiussisunit. Taamaalilluni 2024-p aallartinnerani niuerfiup allanngorneranut, aammalu niuerfiup ilaata kinguariarneranut takussutissanik arlalinnik ersertoqarpoq. Niuerfimmi pissutsit allanngornerinut qisuariaatitut, Naalakkersuisut 2024-mi februaarimi Nuummi ilinniartunut inissiat nalinginnaasut imm. 2-p neqerooruteqarfigitinneqaqqinnissaata siuartinneqarnissaa akueraat.
Neqeroorutit tiguneqartut amerlassusiini, kiisalu isumaqatiginninniarnerit inernerini takuneqarpoq, aallaqqaammut neqerooruteqartitsinerup taamaatinneqarnissaa pillugu aalajangerneq eqqortuusimasoq.
Tamatumunnga atatillugu neqerooruteqartitseqqinnissamut atatillugu naliliisoqarpoq, suliassamut tassunga neqerooruteqartitseqqinneq akimik akuersaarnarnerusumik inerneqarnissaa piviusorsiunngitsoq. Taamaattumik neqerooruteqarnermi akigititamik appasinnerusumik angusaqarniarluni suliassami arlalinnik naleqqussaasoqarpoq. Naleqqussaanerup kingunerisaanik Nuummi ilinniartunut inissiat imm. 2-mut atatillugu taamaallaat Nuummi Kongevej-imi sanasoqassaaq. Tassalu ilinniartunut inissiat illutaasa amerlassusii tallimaniit sisamanut ikilineqarput, inillu quleriit amerlassusii amerlanerpaaffissaannut allanngortinneqarlutik.
Ilinniartunut inissiat illutaat sisamat ”Inissiaq +/++”-tut nalinginnaasutut sananeqassapput, minnerusunik inissiartaqassallutik, aammalu ilinniartunut aappalinnut ilaqutalinnulluunniit atorneqartussatut eqqarsaatigineqassallutik. Illut sisamaasut ilinniartunut inissianik katillugit 52-inik, ataatsimut 224-nik siniffittalinnik inissiartaqassapput.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl