AtuartigukKapisilinniartoqarsinnaalissaaq
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfiup matumuuna nalunaarutigissavaa aqutsiveqarfinni ukunani piffissami taaneqartuni kapisilinniartoqarsinnaalissammat:
- Aqutsiveqarfimmi kitaata kujataani (64°14’N-p kujataani) aggustip qulingannit
- Aqutsiveqarfik Kapisillit aggustip qulingannit
- Aqutsiveqarfik kitaata avannaani (64°14’N-p avannaani) septembarip aallaqqaataanit
- Aqutsiveqarfik Tunu (44°00'V-p kangiani) septembarip aallaqqaataanit
Kapisilinnik aalisarnissamut akuersissummik kommunerisanni imaluunniit sullissivik.gl-ikkut qinnuteqarsinnaavutit. Kapisillit kuuanni kapisilinniarniaruit aqutsiveqarfik Kapisillit akuersissuteqarfigisariaqassavat.
2024-mi kapisilittassat 30 tonsiupput, taakkulu aqutsiveqarfinni ukunani ima amerlatigisut aalisarneqarsinnaapput:
| Aqutsiveqarfiit | Pisassiissutit (tonsinngorlugit) |
| Kitaata avannaa | 10,8 |
| Agguaassinermut najoqqutassaq: | |
| - Sunngiffimmi aalisartut | 3,24 |
| - Inuussutissarsiutigalugu aalisartut | 7,56 |
| Kitaata kujataa | 16,2 |
| Agguaassinermut najoqqutassaq: | |
| - Sunngiffimmi aalisartut | 4,86 |
| - Inuussutissarsiutigalugu aalisartut | 11,34 |
| Tunu | 3 |
| Agguaassinermut najoqqutassaq: |
|
| - Sunngiffimmi aalisartut | 1,5 |
| - Inuussutissarsiutigalugu aalisartut | 1,5 |
Kapisillit kuuat qarsorsamik qissattaammillu aalisarnissamut pisassinneqanngilaq.
Sukumiinerusumik paasisaqarusukkuit Aalisarnermut Piniarnermullu Naalakkersuisoqarfik apn@nanoq.gl atorlugu attavigisinnaavat.