Aqutsiveqarfimmi Sisimiut avataanni saattuarniarneq unitsinneqassaaq
Naqqiissut
Nassiussisuuvoq: Aalisarnermut Piniarnermullu NaalakkersuisoqarfikAqutsiveqarfimmi Sisimiut avataanni saattuarniarneq juulip 19-anni 2024-mi, nalunaaqutaq 23.59 unitsinneqassaaq, tamaani saattuartassiissutigineqartut nungulermata.
Taamaattumik ulloq tunitsiviusoq kingulleq tassaassaaq tallimanngorneq juulip 19-at 2024, nalunaaqutaq 23.59. Ullormilu pineqartumi pullatit tamarmik aamma qaqinneqareersimassapput.
Annerusumik paasisaqarusukkuit Kalaallit Nunaanni Aalisarsinnaanermut Akuersissutinik Nakkutilliisoqarfik attavigineqarsinnaavoq, oqara. 34 50 00 imaluunniit e-mail gflk@nanoq.gl