AtuartigukManiitsumi Imarpik ikaarlugu umiarsuarnut talittarfiup iluarsaanneqarnera aallartilerpoq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Inatsisartut Aningaasaqarnermut Akileraartarnermullu Ataatsimiititaliaata Naalakkersuisut Maniitsumi Imarpik ikaarlugu umiarsuarnut talittarfiup iluarsaanneqarnissaata aallartinnissaanut aningaasanik atugassanngortitsinissamut qinnuteqaataat akueraa. Akuersissuteqartoqarnerani suliarinnittussanut inaarutaasumik isumaqatigiissusiassat atsiorneqarsinnaalerput, suliassallu siulliit ukiassalernerani aallartinneqarsinnaalissallutik.
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Maniitsumi Imarpik ikaarlugu umiarsuarnut talittarfiup iluarsaanneqarnissaa sivisuumik sulissutigineqarpoq. Suliassaq attaveqaatinik aammalu najukkami aningaasaqarnermut tapersiinissami suliniutaavoq pingaarutilik. Taamaattumik maanna suliassaq aallartinneqarsinnaalermat nalunaarutigisinnaagakku nuannaarutigaara. Suliassaq pisariuvoq, taamaattumillu ajoraluartumik ukiup tulliani piffissap ilaani Imarpik ikaarlugu umiarsuarnut talittarfik matusariaqalertussaavarput. Oqaloqatiginninneq annertooq talittarfimmik atuisunut ingerlattariaqarsimavarput, ataatsimoorlutalu aaqqiissutaagallartumik, Maniitsup pilersorneqarneranik qulakkeeriffiusumik nassaarpugut.”
Maniitsumi Imarpik ikaarlugu umiarsuarnut talittarfik pitsaanngilaq annertuumillu iluarsaanneqartariaqarluni. Talittarfiup piffissaq atorneqarfigisinnaasani angusimavaa, aammalu 2022-mi augustimi aporneqarnermini ajoqusersimalluni. Qanoq issutsimik naliliinermi talittarfik ataatsimut isigalugu pitsaanngitsoq, siunissamilu qaninnermi talittarfik nakkaassinnaasoq paasineqarpoq. Taamaattumik iluarsaassinermi talittarfik tamarmiusoq taarserneqassaaq.
Matumani suliassaq pisariusoq, ukiuni marlunni ingerlanneqartussatut naatsorsuutigineqartoq pineqarpoq. Iluarsaassinermi sisunaveeqqutinik nutaanik ikkussuinissaq pisariunerpaassaaq, sisunaveeqqusersuinermi talittarfiup matuneqarnissaa pisariaqartussaammat. Sisunaveeqqusersuinerup sivikinnerpaamik qaammatinik arfinilinnik sivisussuseqarnissaa, tamatumalu aasaanerani pinissaa naatsorsuutigineqarpoq.
Maniitsup pilersorneqarnera, aammalu najukkami inuussutissarsiortut tapersersorneqarnerat ingerlatiinnarniarlugit aallaqqaammut pilersaarutaasimasoq arlalitsigut naleqqussaavigineqarpoq. Ilaatigut suliassami piffissanut pilersaarut allanngortinneqarpoq, taamaalillunilu talittarfiup iluarsaanneqarnerani suliassat aatsaat 2025-mi apriilimi aallartissallutik.
Tamatuma pinissaanut Kilisaatinut talittarfiup iluarsaateqqinnissaa qajannaallisarneqarnissaalu, kiisalu Imarpik ikaarlugu umiarsuarnut talittarfimmi ajoqusernernik iluarsaassinissaq aallunneqassapput.
Royal Arctic Line A/S (RAL) piffissami umiarsualiviup matoqqaffiani kilisaatinut talittarfimmut minnerusumut, Imarpik ikaarlugu talittarfiup sanianiittumut talittassaaq. Piffissami tassani RAL umiarsuarnik minnerusunik atuissaaq. Kilisaatinut talittarfik pitsaasutut nalilerneqarpoq, kisiannili containerinik nioqqaasarnissamut nutaamut qallerneqassalluni. Tamatuma saniatigut Maniitsoq Tourboats-ip ikaartarfia nuunneqassaaq, talittarfimmut talinnissamut ajoqutaasussaagami. Kilisaatinut talittarfiup nutaamik qallerneqarnissaa iluarsaassinissamut tamarmiusumut ilaavoq, aammalu sisunaveeqqusersuinerup aallartinnissaa sioqqullugu suliarineqassalluni.
Suliassat immikkoortukkaarlugit suliarineqarnerini suliassami pisariunerpaat siulliunneqarnissaat, tamatumalu peqatigisaanik ullormoortumik suliaqarnerit akornusersorneqaratik ingerlaannartarnissaat qulakkeerneqassaaq.
RAL-imit ilisimatitsissutigineqarpoq, piffissami iluarsaassiffiusumi maanna akigititaasut allanngortinneqannginnissaat naatsorsuutigineqartoq.
Iluarsaassinissamut piareersagassat, taakkununngalu kilisaatinut talittarfimmi ajoqusikkanik iluarsaassinerit pisariaqarnerpaat iluarsaanneqarnissaat qalliinissarlu ilanngullugit, suliarinnittussamut isumaqatigiissusiornerup kingunitsianngua aallartinneqarsinnaassapput. 2025-mi apriilimiit Imarpik ikaarlugu umiarsuarnut talittarfiup iluarsaanneqarnissaa aallartinneqarsinnaassaaq. Piffissami tassani talittarfik sullissisunut allanut matoqqassaaq. Suliap 2025-mi novembarip tungaanut ingerlanissaa, tassanilu talittarfiup ilaata tunniunneqarsinnaanissaa naatsorsuutigineqarpoq. Tamatuma kingorna talittarfik sullissisunut allanut ammaqqinneqarsinnaassaaq. Suliat sinnerisa kingusinnerpaamik 2025-p naanerani tunniunneqarnissaat naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Maniitsumi Imarpik ikaarlugu umiarsuarnut talittarfiup iluarsaanneqarnissaa sivisuumik sulissutigineqarpoq. Suliassaq attaveqaatinik aammalu najukkami aningaasaqarnermut tapersiinissami suliniutaavoq pingaarutilik. Taamaattumik maanna suliassaq aallartinneqarsinnaalermat nalunaarutigisinnaagakku nuannaarutigaara. Suliassaq pisariuvoq, taamaattumillu ajoraluartumik ukiup tulliani piffissap ilaani Imarpik ikaarlugu umiarsuarnut talittarfik matusariaqalertussaavarput. Oqaloqatiginninneq annertooq talittarfimmik atuisunut ingerlattariaqarsimavarput, ataatsimoorlutalu aaqqiissutaagallartumik, Maniitsup pilersorneqarneranik qulakkeeriffiusumik nassaarpugut.”
Maniitsumi Imarpik ikaarlugu umiarsuarnut talittarfik pitsaanngilaq annertuumillu iluarsaanneqartariaqarluni. Talittarfiup piffissaq atorneqarfigisinnaasani angusimavaa, aammalu 2022-mi augustimi aporneqarnermini ajoqusersimalluni. Qanoq issutsimik naliliinermi talittarfik ataatsimut isigalugu pitsaanngitsoq, siunissamilu qaninnermi talittarfik nakkaassinnaasoq paasineqarpoq. Taamaattumik iluarsaassinermi talittarfik tamarmiusoq taarserneqassaaq.
Matumani suliassaq pisariusoq, ukiuni marlunni ingerlanneqartussatut naatsorsuutigineqartoq pineqarpoq. Iluarsaassinermi sisunaveeqqutinik nutaanik ikkussuinissaq pisariunerpaassaaq, sisunaveeqqusersuinermi talittarfiup matuneqarnissaa pisariaqartussaammat. Sisunaveeqqusersuinerup sivikinnerpaamik qaammatinik arfinilinnik sivisussuseqarnissaa, tamatumalu aasaanerani pinissaa naatsorsuutigineqarpoq.
Maniitsup pilersorneqarnera, aammalu najukkami inuussutissarsiortut tapersersorneqarnerat ingerlatiinnarniarlugit aallaqqaammut pilersaarutaasimasoq arlalitsigut naleqqussaavigineqarpoq. Ilaatigut suliassami piffissanut pilersaarut allanngortinneqarpoq, taamaalillunilu talittarfiup iluarsaanneqarnerani suliassat aatsaat 2025-mi apriilimi aallartissallutik.
Tamatuma pinissaanut Kilisaatinut talittarfiup iluarsaateqqinnissaa qajannaallisarneqarnissaalu, kiisalu Imarpik ikaarlugu umiarsuarnut talittarfimmi ajoqusernernik iluarsaassinissaq aallunneqassapput.
Royal Arctic Line A/S (RAL) piffissami umiarsualiviup matoqqaffiani kilisaatinut talittarfimmut minnerusumut, Imarpik ikaarlugu talittarfiup sanianiittumut talittassaaq. Piffissami tassani RAL umiarsuarnik minnerusunik atuissaaq. Kilisaatinut talittarfik pitsaasutut nalilerneqarpoq, kisiannili containerinik nioqqaasarnissamut nutaamut qallerneqassalluni. Tamatuma saniatigut Maniitsoq Tourboats-ip ikaartarfia nuunneqassaaq, talittarfimmut talinnissamut ajoqutaasussaagami. Kilisaatinut talittarfiup nutaamik qallerneqarnissaa iluarsaassinissamut tamarmiusumut ilaavoq, aammalu sisunaveeqqusersuinerup aallartinnissaa sioqqullugu suliarineqassalluni.
Suliassat immikkoortukkaarlugit suliarineqarnerini suliassami pisariunerpaat siulliunneqarnissaat, tamatumalu peqatigisaanik ullormoortumik suliaqarnerit akornusersorneqaratik ingerlaannartarnissaat qulakkeerneqassaaq.
RAL-imit ilisimatitsissutigineqarpoq, piffissami iluarsaassiffiusumi maanna akigititaasut allanngortinneqannginnissaat naatsorsuutigineqartoq.
Iluarsaassinissamut piareersagassat, taakkununngalu kilisaatinut talittarfimmi ajoqusikkanik iluarsaassinerit pisariaqarnerpaat iluarsaanneqarnissaat qalliinissarlu ilanngullugit, suliarinnittussamut isumaqatigiissusiornerup kingunitsianngua aallartinneqarsinnaassapput. 2025-mi apriilimiit Imarpik ikaarlugu umiarsuarnut talittarfiup iluarsaanneqarnissaa aallartinneqarsinnaassaaq. Piffissami tassani talittarfik sullissisunut allanut matoqqassaaq. Suliap 2025-mi novembarip tungaanut ingerlanissaa, tassanilu talittarfiup ilaata tunniunneqarsinnaanissaa naatsorsuutigineqarpoq. Tamatuma kingorna talittarfik sullissisunut allanut ammaqqinneqarsinnaassaaq. Suliat sinnerisa kingusinnerpaamik 2025-p naanerani tunniunneqarnissaat naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl