AtuartigukQinngarsuisumik oqalunneq killiligaanani oqaaseqarsinnaanerup avataaniippoq
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naligiissitaanermut Naalakkersuisumit, Naaja H. Nathanielsen-imit oqaaseqaat:
”Ullumikkut pasissutissanik, isummanik, assinik videonillu tamat tikinneqarsinnaasaanni avitseqatigiissuteqarnissaq annertunerujussuarmik ajornanngitsuarakasinngorsimavoq aamma avatangiisigisanut oqaloqatiginninnissamut annertuumik periarfissiilluni. Kisianni taamaattoqarnera tamatsinnut aamma annertuumik akisussaaffiliivoq. Nammineerluni isummat aamma nammineerluni isornartorsiuutigisat periaatsit assigiinngitsorpassuit atorlugit anninneqarsinnaapput, tamattalu allagarsiussani imaluunniit internettikkut oqaaseqaatigisani sakkortuumik oqaaseqaateqartoqartarnera sungiusimalersimavarput. Sakkortuumik oqalunneq, taanna allanik mittatiginninnerusoq imaluunniit nikassaanerusoq, ajortumik pissusilersorneruvoq, kisianni taamaaliorneq inatsisinik unioqqutitsinerunngilaq. Sakkortuumik oqallorissaarneq annersitsisinnaavoq avissaartuunnermillu pilersitsilluni, kisianni innuttaasut ataasiakkat tamarmik killiligaanatik oqaaseqarsinnaaneq aqqutigalugu oqaatigerusutaminnik oqaaseqarsinnaatitaapput.
Killiligaanani oqaaseqarsinnaatitaanerup killilerneqarnissaa Naalakkersuisut kissaatiginngilaat, kisianni killiligaanani oqaaseqarsinnaatitaanerup isumatusaartumik tamatsinnit atorneqarnissaa, eqimattakkuutaallu aalajangersimasut nikanarsarneqannginnissaat imaluunniit navianartorsiortinneqannginnissaat Naalakkersuisut kajumissaarutigiumavaat. Oqaaseqaatigiumasat imaluunniit allagarsiussat tamarmik takutinneqarnissaat pisariaqanngilaq!
Kisianni qinngarsuinernik imalinnik toqqaannartumik nakuusernissamut kajumissaarisunik imaluunniit inunnik ataatsimoortukkuutaanik qinngarsuissutaasunik oqaluttarnerit sakkortuumik pineqarnissaat Naalakkersuisunit ilungersuutigineqassaaq. Taamaammat uagut, aamma nunat uatsinnut naleqqiuttakkatta amerlanersaasa, qinngarsuinermik oqalunneq, nikanartitsineq aamma nikanarsaarpasilluni oqalunneq pinerluutinngortissimavarput.
Qinngarsuisumik oqalunneq annersitsiinnartanngilaq. Qinngarsuisumik oqalunneq tassaavoq pissaaneqarusunnermut sakkut, aamma eqqorneqartunut annertuumik kinguneqartitsisinnaasoq. Tamanna ilungersuullugu tigusariaqarparput. Qinngarsuisumik oqalunneq aamma tassaavoq oqaaseqaatit, aamma digitaliusumik silarsuarmi pisuni, nakuusernissamut kajumissaarutaasut aamma eqimattakkuutaanut aalajangersimasunut nakuusernermik innarliinernillu kinguneqarsinnaasut.
Nunatsinni maani LGBT+-usut kinguaassiuutitigut pissusilersornerat pissutigalugu suaartaanneqartartut aamma saassunneqartartut, nalunaarusiami qanittukkut saqqummersinneqartumi erseqqissaatigineqarpoq. Inuit, immikkut inuiaassusertik tunngavigalugu suaartaanneqartartut imaluunniit saassunneqartartut pillugit aamma oqaluttuaqarpoq. Tamanna akuerineqarsinnaanngilluinnarpoq. Kinaaneq pissutigalugu taamaaliorfigineqarnerup qanoq annernartiginera aamma assuarineqarnerup ajoqusiisinnaatiginera nunatsinnerpiaq tamatta ilisimasariaqaraluarparput.
Innuttaasut tamarmik inuiaqatigiinnitsinni kiffaanngissuseqarlutik, toqqissisimallutik aamma ataqqineqarlutik inuunissaat, Naalakkersuinit ilungersuutigineqassaaq. Tamanna politikkikkut taamaallaat akisussaaffiunngilaq kisiannili inuiaqatigiinni akisussaaffiulluni. Tamatta, tunuliaquttagut, suiassutsigut, kinguaassiuutitigut eqqarsartariaatsigut, piginnaasagut imaluunniit isummat aalajangiussimasagut apeqqutaatinnagit immikkut tapersiinissatsinnut pisussaaffeqarpugut, taamaalilluni tamatta toqqissisimaneq misiginiassagatsigu. Tamanna aamma digitaliusumik silarsuarmi atuuppoq, taamaammallu qanigisariinni nakuusertarnerup akiorniarneqarneranik suliaqarnermi, digitaliusumik nakuuserneq, ilaatigut internettikkut attaveqarnermi pimmatiginninnerup aamma qinngarsuisumik oqalunnerup ukkatarineqarnissaa ilaatinneqarpoq.
Politikkikkut naligiissitaaneq assigiinngisitsinnginnissarlu pillugit inatsit nutaaq Inatsisartut akuersissutigeqqammerpaat, taannalu ulloq 1. juli 2024 atuutilissaaq. Ullormit tassannga Naligiimmik Pinninnissaq Pillugu Aalajangiisartunik, innuttaasut immikkoortinneqarsimagunik saaffigisinnaasaat, pilersinneqassaaq.”
Paasissutissanik annertunerusunik pisoqarusuppat, naalakkersuisup allattaa Jeanette L. Petersen saaffigineqassaaq. jalp@nanoq.gl oqarasuaat: 34 52 06.
Piviusut pillugit boksi
Qinngarsuisumik oqalunnerit tassaasinnaapput tamanut oqaaseqaatit, assersuutigalugu taakku kinguaassiuutitigut pissusilersornerat, upperisaat imaluunniit immikkut inuiaassusaat pissutigalugit inummik ataatsimik imaluunniit inunnik eqimattakkuutaanik nikanarsaassutaasut, ataavartumik ajortumillu tusaamaneqalersitsissutaasut, innarliisut, uumisaarutaasullu.
Ulloq 18. juni tassaavoq Qinngarsuisumik Oqalunneq Akiorniarlugu Iliuuseqarnissamut Naalagaaffiit Peqatigiit Nunat Tamat Akornanni Ullorititaat. Ulloq siullerpaamik 18. juni 2019 ulloritinneqarpoq. Nunarsuarmi tamarmi qinngarsuinermik oqalunnerup siaruaakkiartornera pillugu ernumassutit, aamma nunat tamat akornanni inuit pisinnaatitaaffii pillugit inatsisiliornerni naapertuuttumik, pisup malunnaatillip taassuma iliuuseqarfigineqarnissaanik pisariaqartitsinerup erseqqissaavigineqarnissaat ullorititami siunertarineqarpoq.
”Ullumikkut pasissutissanik, isummanik, assinik videonillu tamat tikinneqarsinnaasaanni avitseqatigiissuteqarnissaq annertunerujussuarmik ajornanngitsuarakasinngorsimavoq aamma avatangiisigisanut oqaloqatiginninnissamut annertuumik periarfissiilluni. Kisianni taamaattoqarnera tamatsinnut aamma annertuumik akisussaaffiliivoq. Nammineerluni isummat aamma nammineerluni isornartorsiuutigisat periaatsit assigiinngitsorpassuit atorlugit anninneqarsinnaapput, tamattalu allagarsiussani imaluunniit internettikkut oqaaseqaatigisani sakkortuumik oqaaseqaateqartoqartarnera sungiusimalersimavarput. Sakkortuumik oqalunneq, taanna allanik mittatiginninnerusoq imaluunniit nikassaanerusoq, ajortumik pissusilersorneruvoq, kisianni taamaaliorneq inatsisinik unioqqutitsinerunngilaq. Sakkortuumik oqallorissaarneq annersitsisinnaavoq avissaartuunnermillu pilersitsilluni, kisianni innuttaasut ataasiakkat tamarmik killiligaanatik oqaaseqarsinnaaneq aqqutigalugu oqaatigerusutaminnik oqaaseqarsinnaatitaapput.
Killiligaanani oqaaseqarsinnaatitaanerup killilerneqarnissaa Naalakkersuisut kissaatiginngilaat, kisianni killiligaanani oqaaseqarsinnaatitaanerup isumatusaartumik tamatsinnit atorneqarnissaa, eqimattakkuutaallu aalajangersimasut nikanarsarneqannginnissaat imaluunniit navianartorsiortinneqannginnissaat Naalakkersuisut kajumissaarutigiumavaat. Oqaaseqaatigiumasat imaluunniit allagarsiussat tamarmik takutinneqarnissaat pisariaqanngilaq!
Kisianni qinngarsuinernik imalinnik toqqaannartumik nakuusernissamut kajumissaarisunik imaluunniit inunnik ataatsimoortukkuutaanik qinngarsuissutaasunik oqaluttarnerit sakkortuumik pineqarnissaat Naalakkersuisunit ilungersuutigineqassaaq. Taamaammat uagut, aamma nunat uatsinnut naleqqiuttakkatta amerlanersaasa, qinngarsuinermik oqalunneq, nikanartitsineq aamma nikanarsaarpasilluni oqalunneq pinerluutinngortissimavarput.
Qinngarsuisumik oqalunneq annersitsiinnartanngilaq. Qinngarsuisumik oqalunneq tassaavoq pissaaneqarusunnermut sakkut, aamma eqqorneqartunut annertuumik kinguneqartitsisinnaasoq. Tamanna ilungersuullugu tigusariaqarparput. Qinngarsuisumik oqalunneq aamma tassaavoq oqaaseqaatit, aamma digitaliusumik silarsuarmi pisuni, nakuusernissamut kajumissaarutaasut aamma eqimattakkuutaanut aalajangersimasunut nakuusernermik innarliinernillu kinguneqarsinnaasut.
Nunatsinni maani LGBT+-usut kinguaassiuutitigut pissusilersornerat pissutigalugu suaartaanneqartartut aamma saassunneqartartut, nalunaarusiami qanittukkut saqqummersinneqartumi erseqqissaatigineqarpoq. Inuit, immikkut inuiaassusertik tunngavigalugu suaartaanneqartartut imaluunniit saassunneqartartut pillugit aamma oqaluttuaqarpoq. Tamanna akuerineqarsinnaanngilluinnarpoq. Kinaaneq pissutigalugu taamaaliorfigineqarnerup qanoq annernartiginera aamma assuarineqarnerup ajoqusiisinnaatiginera nunatsinnerpiaq tamatta ilisimasariaqaraluarparput.
Innuttaasut tamarmik inuiaqatigiinnitsinni kiffaanngissuseqarlutik, toqqissisimallutik aamma ataqqineqarlutik inuunissaat, Naalakkersuinit ilungersuutigineqassaaq. Tamanna politikkikkut taamaallaat akisussaaffiunngilaq kisiannili inuiaqatigiinni akisussaaffiulluni. Tamatta, tunuliaquttagut, suiassutsigut, kinguaassiuutitigut eqqarsartariaatsigut, piginnaasagut imaluunniit isummat aalajangiussimasagut apeqqutaatinnagit immikkut tapersiinissatsinnut pisussaaffeqarpugut, taamaalilluni tamatta toqqissisimaneq misiginiassagatsigu. Tamanna aamma digitaliusumik silarsuarmi atuuppoq, taamaammallu qanigisariinni nakuusertarnerup akiorniarneqarneranik suliaqarnermi, digitaliusumik nakuuserneq, ilaatigut internettikkut attaveqarnermi pimmatiginninnerup aamma qinngarsuisumik oqalunnerup ukkatarineqarnissaa ilaatinneqarpoq.
Politikkikkut naligiissitaaneq assigiinngisitsinnginnissarlu pillugit inatsit nutaaq Inatsisartut akuersissutigeqqammerpaat, taannalu ulloq 1. juli 2024 atuutilissaaq. Ullormit tassannga Naligiimmik Pinninnissaq Pillugu Aalajangiisartunik, innuttaasut immikkoortinneqarsimagunik saaffigisinnaasaat, pilersinneqassaaq.”
Paasissutissanik annertunerusunik pisoqarusuppat, naalakkersuisup allattaa Jeanette L. Petersen saaffigineqassaaq. jalp@nanoq.gl oqarasuaat: 34 52 06.
Piviusut pillugit boksi
Qinngarsuisumik oqalunnerit tassaasinnaapput tamanut oqaaseqaatit, assersuutigalugu taakku kinguaassiuutitigut pissusilersornerat, upperisaat imaluunniit immikkut inuiaassusaat pissutigalugit inummik ataatsimik imaluunniit inunnik eqimattakkuutaanik nikanarsaassutaasut, ataavartumik ajortumillu tusaamaneqalersitsissutaasut, innarliisut, uumisaarutaasullu.
Ulloq 18. juni tassaavoq Qinngarsuisumik Oqalunneq Akiorniarlugu Iliuuseqarnissamut Naalagaaffiit Peqatigiit Nunat Tamat Akornanni Ullorititaat. Ulloq siullerpaamik 18. juni 2019 ulloritinneqarpoq. Nunarsuarmi tamarmi qinngarsuinermik oqalunnerup siaruaakkiartornera pillugu ernumassutit, aamma nunat tamat akornanni inuit pisinnaatitaaffii pillugit inatsisiliornerni naapertuuttumik, pisup malunnaatillip taassuma iliuuseqarfigineqarnissaanik pisariaqartitsinerup erseqqissaavigineqarnissaat ullorititami siunertarineqarpoq.