AtuartigukInuunerissaavik Steno Kalaallit Nunaat nappaanersiorneqarpoq
Nassiussisuuvoq: Peqqissutsimut Naalakkersuisoqarfik
Peqqissutsimut Naalakkersuisoq Agathe Fontain illup nutaap Inuunerissaavik Steno Kalaallit Nunaata ullumi nappaanersiorneqarneranut peqataavoq.
Sanaartugassamut 2500 m2-mut angissuseqartumut suliniutitut siunnersuut Friis og Moltke arkitekterimit, Rambøllimit aamma Permagreenimit suliarineqarpoq. Inuunerissaavik Nuummi Dronning Ingridip Napparsimmavissuata qanittuani qatserisarfitoqqap toqqaviani sanaartorneqarpoq. Inissisimaffiata inuunerissaaviup napparsimmaviullu qanimut suleqatigiinnissaannik qulakkeerinnippoq, inuunerissaavimmik atuisunut iluaqutaasussamik.
Agathe Fontain oqaaseqarpoq:
”Inuunerissaavik Steno Kalaallit Nunaata sanaartorneqarnerani ullumikkut nuannaarutigeqisatsinnik pingaarutilimmik angusaqarpugut. Inuunerissaavik Steno Kalaallit Nunaata pilersinneqarnera Novo Nordisk Fondenip aamma Naalakkersuisut annertuumik anguniagaqarluni suleqatigiinnerisigut pivoq. Suleqatigiinneq 2017-imi taamanikkut aamma Peqqissutsimut Naalakkersuisuuninni aallartippoq. Taamaattumillu ullumikkut naammagisimaarinningaarlunga ukiorpassuarni suliarineqartup inerneri takullugit peqataavunga.”
Oqalugiaat tamarmiusoq uani atuarneqarsinnaavoq.
Paasisaqarnerorusukkuit naalakkersuisup allattaa Birgithe Heinrich attaveqarfigiuk e-mail: bihe@nanoq.gl imaluunniit tlf: +299 34 66 17
