AtuartigukQaanaami mittarfimmut aqqusernup iluarseqqinneqarnissaanik suliaqarneq aasamut aallartissaaq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Qaanaami mittarfimmut aqqusernup iluarseqqinneqarnissaanut aningaasassanik Naalakkersuisut qinnuteqarnerat, Inatsisartut Aningaasaqarnermut Akileraartarnermullu Ataatsimiititaliaata akueraa. Aningaasassat pisariaqartut immikkoortinneqarmata, suliaqarneq maannakkut aallartissinnaalerpoq aammalu mittarfimmut aqqusernup aasap naalernerani atorneqalernissamut piareernissaa naatsorsuutigineqarpoq.
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Qaanaami mittarfimmut aqqusineq pillugu ilungersunartorsiornerup aaqqiissutissarsinera maannakkut iluatsimmat nuannaarutigaara. Illoqarfimmi najukkami entreprenørit pitsaasumik pilersitsiviulluartumillu suleqatigiinnermut qutsavigerusuppakka. Najukkami isumalluutit qanoq annertutiginersut aammalu taakkua atorluarnissaa qanoq pingaaruteqartiginersoq, suliassami matumani takutinneqarpoq.”
Qaanaami mittarfimmut aqqusineq 2023-mi aggustimi mittarfimmut aqqusernup ilaa Qaanaap illoqarfiata eqqaani kuukkoortoq, kuugunneqarmat, annertoorujussuarnik ajoqusiinernik eqqorneqarpoq. Tamatuma kingunerisaanik Qaanaap illoqarfiata mittarfiullu akornanni aqqusineq aqqutigineqarsinnaajunnaarpoq.
Illoqarfimmi najukkami entreprenøri suleqatigalugu marlunnik immikkoortoqartumik utaqqiisaasumik aaqqiissutissarsisoqarpoq. Immikkoortumi siullermi mittarfiup illoqarfiullu akornanni aqqutaagallartussaq pilersinneqarpoq, taamaalillutik illoqarfimmut illoqarfimmiillu timmisartuussinissat pilersaarutaasut ingerlanneqarsinnaalerlutik.
Immikkoortup aappaani mittarfiup illoqarfiullu akornanni utaqqiisaasumik aqqusiniliisoqarpoq, 2024-mi aasap tungaanut atorneqartussamik, tassani aqqusineq ataavartussamik iluarsaanneqartussaalluni. Utaqqiisaasumik aqqusiniliinermi mittarfiup ukiuunerani atorneqarsinnaanissaa qulakkeerneqarpoq.
Illoqarfimmi najukkami entreprenøri peqatigalugu maannakkut aqquserngup iluarseqqinnissaanut ataavartussamik aaqqiissutissarsisoqarpoq, najukkami pisinnaasaqartut atortussallu aallaavigineqarlutik. Suliassami ilaatinneqarput kuup tungaanut betonngimik suluusalimmik betonngimik ikaartarfiliorneq, taamaalilluni kuummiit imeq ikaartarfiup ataatigut immamut kuutsinneqarsinnaalerluni. Taassuma qaavani kuuffissaliisoqarpoq, imeq ikaartarfiup tungaanut eqqortumik kuussinnaalerlugu.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Ineqarnermut Attaveqaasersuutinullu Naalakkersuisoq Hans Peter Poulsen oqarpoq:
”Qaanaami mittarfimmut aqqusineq pillugu ilungersunartorsiornerup aaqqiissutissarsinera maannakkut iluatsimmat nuannaarutigaara. Illoqarfimmi najukkami entreprenørit pitsaasumik pilersitsiviulluartumillu suleqatigiinnermut qutsavigerusuppakka. Najukkami isumalluutit qanoq annertutiginersut aammalu taakkua atorluarnissaa qanoq pingaaruteqartiginersoq, suliassami matumani takutinneqarpoq.”
Qaanaami mittarfimmut aqqusineq 2023-mi aggustimi mittarfimmut aqqusernup ilaa Qaanaap illoqarfiata eqqaani kuukkoortoq, kuugunneqarmat, annertoorujussuarnik ajoqusiinernik eqqorneqarpoq. Tamatuma kingunerisaanik Qaanaap illoqarfiata mittarfiullu akornanni aqqusineq aqqutigineqarsinnaajunnaarpoq.
Illoqarfimmi najukkami entreprenøri suleqatigalugu marlunnik immikkoortoqartumik utaqqiisaasumik aaqqiissutissarsisoqarpoq. Immikkoortumi siullermi mittarfiup illoqarfiullu akornanni aqqutaagallartussaq pilersinneqarpoq, taamaalillutik illoqarfimmut illoqarfimmiillu timmisartuussinissat pilersaarutaasut ingerlanneqarsinnaalerlutik.
Immikkoortup aappaani mittarfiup illoqarfiullu akornanni utaqqiisaasumik aqqusiniliisoqarpoq, 2024-mi aasap tungaanut atorneqartussamik, tassani aqqusineq ataavartussamik iluarsaanneqartussaalluni. Utaqqiisaasumik aqqusiniliinermi mittarfiup ukiuunerani atorneqarsinnaanissaa qulakkeerneqarpoq.
Illoqarfimmi najukkami entreprenøri peqatigalugu maannakkut aqquserngup iluarseqqinnissaanut ataavartussamik aaqqiissutissarsisoqarpoq, najukkami pisinnaasaqartut atortussallu aallaavigineqarlutik. Suliassami ilaatinneqarput kuup tungaanut betonngimik suluusalimmik betonngimik ikaartarfiliorneq, taamaalilluni kuummiit imeq ikaartarfiup ataatigut immamut kuutsinneqarsinnaalerluni. Taassuma qaavani kuuffissaliisoqarpoq, imeq ikaartarfiup tungaanut eqqortumik kuussinnaalerlugu.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl