AtuartigukPeqqinnissaqarfimmi naartusunik isumaginninnermut ernisussanillu kiffartuussinermut iliuusissanut pilersaarusiassatut siunnersuut Naalakkersuisut
Nassiussisuuvoq: Peqqissutsimut Naalakkersuisoqarfik
Peqqinnissaqarfimmi naartusunik isumaginninnermut ernisussanillu kiffartuussinermut iliuusissanut pilersaarusiassatut siunnersuut Naalakkersuisut saqqummiuppaat. Iliuusissanut pilersaarusiami suliassaqarfiit arlallit aamma suliniutit aalajangersimasut ukiuni tulliuttuni naartusunik isumaginninnerup ernisussanillu kiffartuussinerup nukittorsarneqarnissaanut tunngasut saqqummiunneqarput.
”Naartusunik isumaginninneq, ernisussanik kiffartuussineq aamma anaanaasup meeqqallu isumannaatsuunissaat pillugit suliassaqarfiit Naalakkersuisunut pingaaruteqarluinnarput. Ernisussat pillugit suliassaqarfik tamatuma peqatigisaanik Peqqinnissaq pillugu isumaqatigiissummi 2023-mi pingaartinneqarpoq. Taamaammat maanna suliassaqarfimmut iliuusissanut pilersaarutinut siunnersuummik saqqummiussinerput nuannaarutigaara, tassani ilaatigut nunap immikkoortuini peqqissaavinni aamma Dronning Ingridip Napparsimmavissuani sulisut amerlineqarnissaat ukkatarineqarpoq. Ataatsimoorluta iliuusissanut pilersaarut tunngavigalugu nuna tamakkerlugu innuttaasunut iluaqutaasumik naartusunik isumaginninnerup aamma ernisussanik kiffartuussinerup ineriartortinneqarnerinik suliaqarnerup ingerlateqqinneqarnissaanut qilanaarpunga”, Peqqissutsimut Naalakkersuisoq Agathe Fontain oqarpoq.
Naartusunik isumaginninnermut ernisussanullu kiffartuussinermut iliusissanut pilersaarut Naalakkersuisut.gl-imi nassaarineqarsinnaavoq.