AtuartigukNunavimmiut aalisarneq pillugu iluatsilluartumik aalisarneq pillugu ataatsimeeqatigineqarput
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfiup Nunavummi Naalakkersuisut Aalisarnermut Puisinniarnermullu pisortaqarfianneersut aalisarneq pillugu suleqatigiilernissaq pillugu maajip 17-ianni 2024-mi ataatsimeeqatigivai.
Ataatsimiinnermi oqaluuserineqartuni qitiuvoq Naalakkersuisut siulittaasuata Múte B. Egedep aamma Nunavimmi Naalakkersuisut siulittaasuata P.J. Akeeagokip suleqatigiinnissamik aggustimi 2022-mi isumaqatigiillutik atsiugaat.
Isumaqatigiissutigineqarpoq Kalaallit Nunaat aamma Nunavut aalisarneq pillugu oqartussat inuussutissarsiortullu suleqatigiillutik ineriartortissagaat.
Assigiinngissutigineqartut allaassutigineqartullu ilisimasaqarfiginerunissaat siullertut ataatsimiinnermi siullermi maajip 17-ianni oqaluuserineqarput, aamma sumiiffiit aalajangersimasut suleqatigiissutigineqarsinnaasut ilisimasanillu ilisimatitseqatigiittarnissaq aamma oqaluuserineqarput.
Ataatsimiinneq iluatsilluarpoq, nunatsinni Nunavimmilu aalisarneq pillugu ineriartornerit tamatumanilu ilungersunarsinnaasut paaseqatigiissutigilluarneqarput. Oqaloqatigiinneq ingerlateqqissasoq isumaqatigiissutigineqarpoq aamma aalisarneq pillugu aaqqiissussamik suleqatigiinneq siunissami periarfissarsiuunniarneqassasoq.
Kalaallit Nunaata aalisarneq pillugu ineriartornernini allaffissornikkullu aqutsinini pillugu ilisimasarpassuani Nunavummut ilisimatitsissutigisinnaavai. Taamaammat Nunavup Naalakkersuisuisa aalisarneq pillugu novembarimi 2024-mi ataatsimiissutigilerpassuk Aalisarnermut Piniarnermullu Naalakkersuisoqarfik saqqummiussisussatut aggersarneqarpoq.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Ataatsimiinnermi oqaluuserineqartuni qitiuvoq Naalakkersuisut siulittaasuata Múte B. Egedep aamma Nunavimmi Naalakkersuisut siulittaasuata P.J. Akeeagokip suleqatigiinnissamik aggustimi 2022-mi isumaqatigiillutik atsiugaat.
Isumaqatigiissutigineqarpoq Kalaallit Nunaat aamma Nunavut aalisarneq pillugu oqartussat inuussutissarsiortullu suleqatigiillutik ineriartortissagaat.
Assigiinngissutigineqartut allaassutigineqartullu ilisimasaqarfiginerunissaat siullertut ataatsimiinnermi siullermi maajip 17-ianni oqaluuserineqarput, aamma sumiiffiit aalajangersimasut suleqatigiissutigineqarsinnaasut ilisimasanillu ilisimatitseqatigiittarnissaq aamma oqaluuserineqarput.
Ataatsimiinneq iluatsilluarpoq, nunatsinni Nunavimmilu aalisarneq pillugu ineriartornerit tamatumanilu ilungersunarsinnaasut paaseqatigiissutigilluarneqarput. Oqaloqatigiinneq ingerlateqqissasoq isumaqatigiissutigineqarpoq aamma aalisarneq pillugu aaqqiissussamik suleqatigiinneq siunissami periarfissarsiuunniarneqassasoq.
Kalaallit Nunaata aalisarneq pillugu ineriartornernini allaffissornikkullu aqutsinini pillugu ilisimasarpassuani Nunavummut ilisimatitsissutigisinnaavai. Taamaammat Nunavup Naalakkersuisuisa aalisarneq pillugu novembarimi 2024-mi ataatsimiissutigilerpassuk Aalisarnermut Piniarnermullu Naalakkersuisoqarfik saqqummiussisussatut aggersarneqarpoq.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl