AtuartigukIni A/S aamma Illuut A/S kattunneqarnissaat sulissutigineqarpoq
Nassiussisuuvoq: Naalakkersuisut Siulittaasuata Naalakkersuisoqarfia
Namminersorlutik Oqartussat ingerlatseqatigiiffiit pigisaat INI A/S aamma Illuut A/S ataatsimeersuaqqammerput.
- Ingerlatseqatigiiffiutitta marluusut kattunnissaannut atatillugu suliaq aallartinneqarsimasoq malinnaavigissallugu qilanaaraarput, Naalakkersuisut siulittaasuat Mùte Bourup Egede oqarpoq nangillunilu:
- Namminersorlutik oqartussat Kalaallit Nunaanni inissiaataannik, illuutaannillu aqutsinissamik ineriartortitsinissamillu suliassamik annertuumik, pingaaruteqartumillu kivitsisinnaalluni aaqqissuussinermik qulakkeerinnittumik kattussinissaq sulissutigineqassaaq, Mùte Bourup Egede oqarpoq.
Ataatsimeersuarnermi nalunaartigineqarpoq INI A/S 2023-mi akileraaruseereerluni 818.000 koruuninik sinneqartooruteqartoq, tamannalu 2022-mut sanilliullugu 421.000 koruuninik qaffariaataalluni. Illuut A/S 2023-mi akileraareernermi 23,4 mio. koruuninik sinneqartooruteqarpoq.
Naalakkersuisut Siulittaasuata INI A/S-ip Illuut A/S-iullu siulersuisui, pisortaqarfii sulisuilu tamarmik ukiuni tulliuttuni sulilluarnissaannik kissaappai.