AtuartigukGreenland Minerals A/S-ip Namminersorlutik Oqartussat allallu Kalaallit Nunaanni Eqqartuussivinni eqqartuussivilersuuppai
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Greenland Minerals A/S-ip eqqartuussissuserisut suliffeqarfiat Plesner aqqutigalugu Naalakkersuisut ingerlatseqatigiiffiup Kuannersuarni piiaanissamut akuersissummik qinnuteqaataanut itigartitsisimanerat pillugu Namminersorlutik Oqartussat eqqartuussivilersuuppaa.
Eqqartuussisulersuussineq naatsorsuutigineqarsimavoq, tassami aatsitassanut inatsimmi aamma akuersissummi atugassarititaasuni allassimammat, Naalakkersuisut aalajangiinerisa isumaqatigiinngissutigineqarnerat eqqartuussivinni misilinneqarsinnaasoq. Greenland Minerals A/S-ip Kuannersuarni piiaanissamut akuersissummik qinnuteqaataa itigartinniarlugu, Naalakkersuisut ulloq 1. juni 2023 aalajangerput, tassami qinnuteqaat uranimut inatsimmut unioqqutitsimmat.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen oqarpoq:
“Eqqartuussisulersuussinissaq naatsorsuutigineqaraluartoq, Greenland Minerals A/S-ip uranimut inatsit taassumalu atuuffissai ataqqinngimmagit soorunami uggornartorujussuuvoq. Naalakkersuisut naatsorsuutigineqartutut, aammalu pisussaaffigisatsitut, inatsit malippaat. Naalakkersuisut suliassatta eqqartuussivimmi saqqummiussinnaanissaa qilanaaraat”.
Greenland Minerals A/S-ip Namminersorlutik Oqartussat eqqartuussisulersuutiinnanngilai, kisianni aalajangersimasumik Naalakkersuisut, Naalakkersuisut Siulittaasuata Naalakkersuisoqarfia, Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik, Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik eqqartuussisulersuullugit. Tamatuma saniatigut aamma Inatsisartut kiisalu Silap Pissusaanut, Nukissiuuteqarnermut Pilersuinermullu ministereqarfik eqqartuussisulersuunneqarput. Tamanna pillugu Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen, oqarpoq:
“Greenland Minerals A/S-ip inatsisini nunamilu assortukkamini paasisimasaqannginnini aammaloorluni takutippaa. Aalajangiinermut suliassaqarfimmi akisussaaffigilerlugu tiguneqarsimasumi Kalaallit Nunaanni Naalakkersuisunit aalajangiiffigineqartumut danskit ministereqarfiannik eqqartuussisulersuussineq isumaqanngilaq sianiilliornerullunilu, aammalu Inatsisartut ilanngunneqarnerat pissaanerup pingasunngorlugu avitaaneranik tunngaviusunik paasisimasaqannginnermik uppernarsaataavoq. Tamatumani siunertatuaasoq tassaavoq eqqissiviilliortitsinissaq aammalu sullissiviit suliamut attuumassuteqanngitsut aningaasaqarnikkut allaffissornikkullu nammakkersornissaat. Tamanna peqqusersuneruvoq aammalu ingerlatseqatigiiffik suunersoq aamma nunamut aatsitassarsiorfimmut akuersissummik kissaateqarfigisaminnut qanoq ataqqinninngitsiginersoq takussutissaalluni”.
Pissusiviusunut paasissutissat:
Eqqartuussisulersuussinermi Greenland Minerals A/S-ip oqariartuutigai Kalaallit Nunaata kujataani piiaanissamut akuersissummik tunineqarnissamut inatsisitigut pisinnaatitaalluni; uranimut inatsit Kalaallit Nunaata kujataani aatsitassarsiorluni misissuinissamut akuersissummut tunngatillugu atuuttussaanngitsoq; Naalakkersuisut piiaanissamut akuersissummik qinnuteqaatinut siusinnerusukkut itigartitsinerat atuuttussaanngitsoq, naggataatigullu taarsiivigineqarnissamut pisinnaatitaalluni. Eqqartuussisulersuussinerup Namminersorlutik Oqartussat tungaanniit tamanut saqqummiunneqarnissaa ullut 14-it iluanni pisinnaassasoq naatsorsuutigineqarpoq.
Namminersorlutik Oqartussat tungaanniit suliassaq Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfimmit, Eqqartuussissuserisut suliffeqarfiat Poul Schmith inatsisilerinikkut ikiortigalugu, ataqatigiissaarneqassaaq.
Isumaqatigiissitsiniarnermut suliassaq Greenland Minerals A/S-imit Namminersorlutik Oqartussat aamma danskit naalagaaffiat suliakkiullugu suliakkiissutigisaa, suli ingerlavoq, tassani ingerlatseqatigiiffik Kuannersuarni piiaanissamut akuersissummik tunineqarnissamut pisinnaatitaanersoq isummeqqullugu Greenland Minerals A/S-ip isumaqatigiissitsiniarnermut eqqartuussivik qinnuigaa. Suliassaq taanna maannakkut ukiut marluk sinnerlugit ingerlareersimavoq aammalu alloriarnerit tullissaa tassaavoq, isumaqatigiissitsiniarnermut eqqartuussivik suliami aalajangiinissamut ilumut piginnaatitaanersoq, apeqqutip isumaqatigiissitsiniarnermut eqqartuussivimmi suliarineqarnissaa. Namminersorlutik Oqartussat aamma naalagaaffik naliliipput, suliassaq suliariumaneqarani itigartinneqassasoq.
Paasissutissanik annertunerusunik piniarnermi attaveqarfigineqassaaq Naalakkersuisoqarfimmut pisortaaneq Jørgen Hammeken-Holm uani joeh@nanoq.gl imaluunniit oqarasuaammi 346846.
Eqqartuussisulersuussineq naatsorsuutigineqarsimavoq, tassami aatsitassanut inatsimmi aamma akuersissummi atugassarititaasuni allassimammat, Naalakkersuisut aalajangiinerisa isumaqatigiinngissutigineqarnerat eqqartuussivinni misilinneqarsinnaasoq. Greenland Minerals A/S-ip Kuannersuarni piiaanissamut akuersissummik qinnuteqaataa itigartinniarlugu, Naalakkersuisut ulloq 1. juni 2023 aalajangerput, tassami qinnuteqaat uranimut inatsimmut unioqqutitsimmat.
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen oqarpoq:
“Eqqartuussisulersuussinissaq naatsorsuutigineqaraluartoq, Greenland Minerals A/S-ip uranimut inatsit taassumalu atuuffissai ataqqinngimmagit soorunami uggornartorujussuuvoq. Naalakkersuisut naatsorsuutigineqartutut, aammalu pisussaaffigisatsitut, inatsit malippaat. Naalakkersuisut suliassatta eqqartuussivimmi saqqummiussinnaanissaa qilanaaraat”.
Greenland Minerals A/S-ip Namminersorlutik Oqartussat eqqartuussisulersuutiinnanngilai, kisianni aalajangersimasumik Naalakkersuisut, Naalakkersuisut Siulittaasuata Naalakkersuisoqarfia, Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik, Aatsitassanut Ikummatissanullu Aqutsisoqarfik aamma Aatsitassanik Suliassaqarfinnut Avatangiisinut Aqutsisoqarfik eqqartuussisulersuullugit. Tamatuma saniatigut aamma Inatsisartut kiisalu Silap Pissusaanut, Nukissiuuteqarnermut Pilersuinermullu ministereqarfik eqqartuussisulersuunneqarput. Tamanna pillugu Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen, oqarpoq:
“Greenland Minerals A/S-ip inatsisini nunamilu assortukkamini paasisimasaqannginnini aammaloorluni takutippaa. Aalajangiinermut suliassaqarfimmi akisussaaffigilerlugu tiguneqarsimasumi Kalaallit Nunaanni Naalakkersuisunit aalajangiiffigineqartumut danskit ministereqarfiannik eqqartuussisulersuussineq isumaqanngilaq sianiilliornerullunilu, aammalu Inatsisartut ilanngunneqarnerat pissaanerup pingasunngorlugu avitaaneranik tunngaviusunik paasisimasaqannginnermik uppernarsaataavoq. Tamatumani siunertatuaasoq tassaavoq eqqissiviilliortitsinissaq aammalu sullissiviit suliamut attuumassuteqanngitsut aningaasaqarnikkut allaffissornikkullu nammakkersornissaat. Tamanna peqqusersuneruvoq aammalu ingerlatseqatigiiffik suunersoq aamma nunamut aatsitassarsiorfimmut akuersissummik kissaateqarfigisaminnut qanoq ataqqinninngitsiginersoq takussutissaalluni”.
Pissusiviusunut paasissutissat:
Eqqartuussisulersuussinermi Greenland Minerals A/S-ip oqariartuutigai Kalaallit Nunaata kujataani piiaanissamut akuersissummik tunineqarnissamut inatsisitigut pisinnaatitaalluni; uranimut inatsit Kalaallit Nunaata kujataani aatsitassarsiorluni misissuinissamut akuersissummut tunngatillugu atuuttussaanngitsoq; Naalakkersuisut piiaanissamut akuersissummik qinnuteqaatinut siusinnerusukkut itigartitsinerat atuuttussaanngitsoq, naggataatigullu taarsiivigineqarnissamut pisinnaatitaalluni. Eqqartuussisulersuussinerup Namminersorlutik Oqartussat tungaanniit tamanut saqqummiunneqarnissaa ullut 14-it iluanni pisinnaassasoq naatsorsuutigineqarpoq.
Namminersorlutik Oqartussat tungaanniit suliassaq Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfimmit, Eqqartuussissuserisut suliffeqarfiat Poul Schmith inatsisilerinikkut ikiortigalugu, ataqatigiissaarneqassaaq.
Isumaqatigiissitsiniarnermut suliassaq Greenland Minerals A/S-imit Namminersorlutik Oqartussat aamma danskit naalagaaffiat suliakkiullugu suliakkiissutigisaa, suli ingerlavoq, tassani ingerlatseqatigiiffik Kuannersuarni piiaanissamut akuersissummik tunineqarnissamut pisinnaatitaanersoq isummeqqullugu Greenland Minerals A/S-ip isumaqatigiissitsiniarnermut eqqartuussivik qinnuigaa. Suliassaq taanna maannakkut ukiut marluk sinnerlugit ingerlareersimavoq aammalu alloriarnerit tullissaa tassaavoq, isumaqatigiissitsiniarnermut eqqartuussivik suliami aalajangiinissamut ilumut piginnaatitaanersoq, apeqqutip isumaqatigiissitsiniarnermut eqqartuussivimmi suliarineqarnissaa. Namminersorlutik Oqartussat aamma naalagaaffik naliliipput, suliassaq suliariumaneqarani itigartinneqassasoq.
Paasissutissanik annertunerusunik piniarnermi attaveqarfigineqassaaq Naalakkersuisoqarfimmut pisortaaneq Jørgen Hammeken-Holm uani joeh@nanoq.gl imaluunniit oqarasuaammi 346846.