AtuartigukIsiginnaartitsisarfimmi pisortamut Reidar Nilssonimut eqqaaniut
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Alianaraluaqisumik maajip qulingani 2024 Reidar Nilsson sivisuumik napparsimareerluni angerlarsimaffimmini Fjaltringimi toqusoq kalerriutigineqarpoq. Juunip qulingiluaani 1945-imi Norgemi inunngorpoq, 1970-ikkullu ingerlaneranni Danmarkimut nuulluni.
Reidar Nilssonip Tuukkaq teatret 1975-imi pilersippaa takusinnaagamiuk annertuumik pisariaqartinneqartoq kalaallit isiginnaartitsisartut isiginnaartitsisarfimmik kalaallit takutitassiaannik, naggueqatigiit inuit oqaluttuarisaanerannik tunngaveqartunik takutinneqarsinnaasunik peqarnissaa.
Tuukkaq teatret, Fjaltringimi Danmarkimiittumi tunngaveqartoq, tassaavoq kalaallit isiginnaartitsisartut isiginnaartitsisarfiat siulleq. Ukiorlu taanna pisortatigoortumik Grønlandsministeriaqarfiup Tuukkaq kalaallinut isiginnaartitsinermik ilinniarfittut akuerivaa.
Isiginnaartitsinermik ilinniarfik 1993-ip tungaanut ingerlanneqarpoq, tassani Odin Teatretip suleriaasia atorlugu kalaallit erinarsuutitoqaat oqaluttuarisaanermilu ileqqut atorlugit oqaatsit aalariaatsillu sunneeqatigiissinnaanerat ineriartortinneqarput.
1980-imi Tuukkaq Lemvigip kommuniani immikkoortortami isiginnaartitsisarfinngorpoq, aammalu nunat inoqqaavi allat peqataasinnaanngortinneqarlutik. 1985-imi nunanut tamalaanut isiginnaartitsisartunngorput, taakku isiginnaartitsisarfimminni Fjaltningimiittumi aamma isiginnaagassiat angallanneratigut takutitsisarlutik.
Tuukkaq kalaallit isiginnaartitsisarfiata ineriartortinneqarneranut annertuumik sunniuteqarnikuuvoq, Silamiut 1984-mi pilersinneqarpoq, 2011-milu Nunatta Isiginnaartitsisarfia pilersinneqarluni.
Kalaallit isiginnaartitsisarfiata ineriartortinneqarneranut Reidar Nilssonip sunneeqataaffigisaani alla pingaarutilittut oqaatigineqarsinnaasoq tassaavoq uaajeerneq. Tuukkap ilisimaneqaatigivaa uaajeernermik qilaatersornermillu annertuumik ilinniartitsisarnini. Uaajeerneq atorneerutingajassimagaluarpoq, maannakkulli kinaassutsitsinnut pingaarutilittut inissisimalersimalluni.Tamanna ingerlateqqinneqarpoq aamma Nunatta Isiginnaartitsisarfiani Isiginnaartitsinermik ilinniarfimmi pinngitsoorani fagitut atuartitsissutigineqartarluni.
Tuukkaq kalaallinik ilisimaneqartunik isiginnaartitsisartunngortitsinikuuvoq, ilaalu nunani tamalaani aamma maluginiarneqarnikuullutik.
Naalakkersuisut Reidar Nilssonip inunnut nunatsinnullu tunniussaanut qujarusupput.
Erneranut Baard Nilssonimut, uianullu Erninguaq Poulsenimut misiginneqatiginninnerput ingerlateqqippara.
Reidar Nilssonip eqqaaneqarnera ataqqinartuuli.
Naalakkersuisut sinnerlugit
Aqqaluaq B. Egede
Reidar Nilssonip Tuukkaq teatret 1975-imi pilersippaa takusinnaagamiuk annertuumik pisariaqartinneqartoq kalaallit isiginnaartitsisartut isiginnaartitsisarfimmik kalaallit takutitassiaannik, naggueqatigiit inuit oqaluttuarisaanerannik tunngaveqartunik takutinneqarsinnaasunik peqarnissaa.
Tuukkaq teatret, Fjaltringimi Danmarkimiittumi tunngaveqartoq, tassaavoq kalaallit isiginnaartitsisartut isiginnaartitsisarfiat siulleq. Ukiorlu taanna pisortatigoortumik Grønlandsministeriaqarfiup Tuukkaq kalaallinut isiginnaartitsinermik ilinniarfittut akuerivaa.
Isiginnaartitsinermik ilinniarfik 1993-ip tungaanut ingerlanneqarpoq, tassani Odin Teatretip suleriaasia atorlugu kalaallit erinarsuutitoqaat oqaluttuarisaanermilu ileqqut atorlugit oqaatsit aalariaatsillu sunneeqatigiissinnaanerat ineriartortinneqarput.
1980-imi Tuukkaq Lemvigip kommuniani immikkoortortami isiginnaartitsisarfinngorpoq, aammalu nunat inoqqaavi allat peqataasinnaanngortinneqarlutik. 1985-imi nunanut tamalaanut isiginnaartitsisartunngorput, taakku isiginnaartitsisarfimminni Fjaltningimiittumi aamma isiginnaagassiat angallanneratigut takutitsisarlutik.
Tuukkaq kalaallit isiginnaartitsisarfiata ineriartortinneqarneranut annertuumik sunniuteqarnikuuvoq, Silamiut 1984-mi pilersinneqarpoq, 2011-milu Nunatta Isiginnaartitsisarfia pilersinneqarluni.
Kalaallit isiginnaartitsisarfiata ineriartortinneqarneranut Reidar Nilssonip sunneeqataaffigisaani alla pingaarutilittut oqaatigineqarsinnaasoq tassaavoq uaajeerneq. Tuukkap ilisimaneqaatigivaa uaajeernermik qilaatersornermillu annertuumik ilinniartitsisarnini. Uaajeerneq atorneerutingajassimagaluarpoq, maannakkulli kinaassutsitsinnut pingaarutilittut inissisimalersimalluni.Tamanna ingerlateqqinneqarpoq aamma Nunatta Isiginnaartitsisarfiani Isiginnaartitsinermik ilinniarfimmi pinngitsoorani fagitut atuartitsissutigineqartarluni.
Tuukkaq kalaallinik ilisimaneqartunik isiginnaartitsisartunngortitsinikuuvoq, ilaalu nunani tamalaani aamma maluginiarneqarnikuullutik.
Naalakkersuisut Reidar Nilssonip inunnut nunatsinnullu tunniussaanut qujarusupput.
Erneranut Baard Nilssonimut, uianullu Erninguaq Poulsenimut misiginneqatiginninnerput ingerlateqqippara.
Reidar Nilssonip eqqaaneqarnera ataqqinartuuli.
Naalakkersuisut sinnerlugit
Aqqaluaq B. Egede