Eqqaaniut: Kalaallit Nunaanni tusagassiortut pikkorinnersaasa ilaat eqqissivoq
Nassiussisuuvoq: Naalakkersuisut Siulittaasuata NaalakkersuisoqarfiaElna Egede 70-inik ukioqarluni, sivikitsumik napparsimareerluni, toqukkut qimagussimasoq paasigakku aliasuutigisorujussuuara.
Elna Egede Narsameersuusoq, Aarhus-imi Danmarks Medie og Journalisthøjskole-mi tusagassiortutut ilinniarsimavoq.
Elna Egede arnaasimavoq nalinginnaasuunngitsoq, tamatigut naapertuilluarnissamik ujartuisartoq. Poqersuusimavoq, alapernaatsuulluni uteriitsuullunilu. Sarfap assumukaarfiginissaa sapiiserfigisarpaa aammalu asseqanngitsumik nukittuujulluni.
Inuiaqatigiinni kalaallini sunniuteqarsimavoq. Nunatsinni tusagassiortut peqatigiiffianniit TP-imiit tusagassiortutut sulinerminut, nersornaaserneqarsimavoq. Aamma Carsten Nielsen-ip aningaasaateqarfianiit, tusagassiortunut nersorinnilluni nersornaatit, Kunngeqarfik Danmarkimi tunniunneqartartut, kusanarnerpaartaaanik tunineqarsimavoq.
Naalakkersuisut sinnerlugit uianut Søren-imut aammalu Elnap ilaqutaanut tamaginnut, atugaannut alianartunut qamannga pisumik misiginneqatiginninnera oqaatigaara.
Eqqaaneqarnera ataqqinartuuli.
Múte Bourup Egede, Naalakkersuisut Siulittaasuat