AtuartigukNaatsorsuutinut piumasaqaatit nutartikkat kiisalu kukkunersiuinermut, kukkunersiuisunullu piumasaqaatit nutaat
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Naatsorsuutinut, kukkunersiuisarnermullu piumasaqaatit nutarterneqarnerat pillugit nalunaarutit qulingiluat nutaat, 2024-mi apriilip 15-iani atuutilersumik atuutsilersinneqarnissaat Naalakkersuisut akuersissutigaat.
Kukkunersiuisut aamma kukkunersiuinermik suliffeqarfiit akuerisaasut pillugit inatsimmik Kalaallit Nunaannut atuutilersitsineq pillugu peqqussut nr. 219, 7. marts 2023-meersoq aamma Ukiumoortumik naatsorsuutit pillugit inatsimmik allannguineq pillugu inatsisini assigiinngitsuni aalajangersakkat ilaannik Kalaallit Nunaannut atuutilersitsineq pillugu peqqussut nr. 220, 7. marts 2023-meersoq tunngavigalugit nalunaarutit atuutsilersinneqarput.
Nalunaarutit kalaallisut, qallunaatullu allassimasut uaniipput www.nalunaarutit.gl.
Inussiarnersumik inuulluaqqusilluta
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik