Inuuteq Storchip Venedig-mi Biennalenimi kisimiilluni saqqummersitsinerani pilluaqqussut

Asseq/Foto: Arny Koor Mogensen, Bolt Lamar

Ukiuni 129-ni La Biennale di Venezia eqqumiitsulianik saqqummersitsisarnermini piunerani aatsaavissuaq kalaallimik eqqumiitsuliortumik assiliisartumillu peqataasoqarpoq. Aatsaavissuarlu kisimiilluni saqqummersitsisoqarpoq, aammalu aatsaat taama inuusutsigisumik Kunngeqarfiup Danmarkip innuttai sinnerlugit pisumi pingaaruteqarluinnartumi peqataasoqarluni.. Tamannalu ukioq manna pisoq immikkuullarissuuvoq maluginiagassaallunilu. Minnerunngitsumillu eqqumiitsuliortumut Inuuteq Storchip suliaanut annertuumik nersorinninneruvoq.

Inuuteq Storchip suliai assut soqutiginaateqaqaat, takutippaami Kalaallit Nunaata innuttai inooriaasiilu kalaallip isaaniit. Tamanna assut amigaatigineqarnikuuvoq, taamaammallu assut nuannaarutigineqarluni.

”Naalakkersuisut sinnerlugit oqaatigerusuppara nuannaarutigalugulu tulluusimaarutigigatsigu assiliillaqqissumik saqqummersitsivimmi taama angitigisumi nuimatigisumilu pernaammik Kunngeqarfiup Danmarkip innutai sinnerlugit Den Danske Pavillonimi Venedig-imi Italiami saqqummersitseqataalermat.

Taamatut naatsunnguamik oqaaseqarlunga, Inuuteq Storch saqqummersitsineranik pilluaqqungaarpara. Naalakkersuisut siunissami ajunnginnerpaamik kissaappaatsit”, Aqqaluaq B. Egede oqarpoq.


Annertunerusumik paasisaqarusukkuit una attavigiuk Naalakkersuisup allattaa Rosa Thorsen, tlf. 34 57 02, e-mail rose@nanoq.gl