AtuartigukAktiaateqarluni ingerlatseqatigiiffiit namminersorlutik oqartussanit pigineqartut 2024-mi ileqquusumik ataatsimeersuarnissaat
Nassiussisuuvoq: Naalakkersuisut Siulittaasuata Naalakkersuisoqarfia
Aktiaateqarluni ingerlatseqatigiiffiit namminersorlutik oqartussanit pigineqartut ukioq manna ileqquusumik ataatsimeersuarnissaat imatut ingerlanneqassapput.
| Ingerlatseqatigiiffik | Ulloq | Saqqummiussineq | Ileqquusumik ataatsimeersuarneq |
| NUNA GREEN | Tallimanngorneq 10. maj | nal. 10.00 | nal. 10.30 |
| ROYAL ARCTIC LINE | Ataasinngorneq 13. maj | nal. 10.00 | nal. 10.30 |
| AIR GREENLAND | Ataasinngorneq 13. maj | nal. 14.00 | nal.14.30 |
| ROYAL GREENLAND | Tallimanngorneq 17. maj | nal. 9.00 | nal. 9.30 |
| TUSASS | Tallimanngorneq 17. maj | nal. 14.00 | nal.14.30 |
| INI | Tallimanngorneq 24. maj | Naamik | nal. 9.00 |
| ILLUUT | Tallimanngorneq 24. maj | Naamik | nal.11.00 |
| KALAALLIT AIRPORT | Tallimanngorneq 24. maj | nal. 14.00 | nal. 14.30 |
| VISIT GREENLAND | Ataasinngorneq 27. maj | nal. 10.00 | nal. 10.30 |
| SIKUKI | Ataasinngorneq27. maj | nal. 15.00 | nal. 15.30 |
| NALIK VENTURES | Tallimanngorneq 31. maj | nal. 10.00 | nal. 10.30 |
| GREAT GREELAND | Tallimanngorneq 31. maj | nal. 14.00 | 14:30 |
Saqqummiinertut aaqqissuussinerit
Aktiaateqarluni ingerlatseqatigiiffiit namminersorlutik oqartussanit pigineqartut ilaat toqqarneqarsimasut ukioq manna ileqquusumik ataatsimeersuarnissat ingerlanneqartinnagit tamanut saqqummiinertut ingerlanneqartussamik aaqqissuusseqqissapput.
Saqqummiussivigineqartussat tusagassiortut innuttaasullu aaqqissuussaq aqqutigalugu ingerlatseqatigiiffiup massakkut aallutaanik, ineriartortitsinissamut pilersaarutaanik, periusissiaanik kiisalu siunissaq eqqarsaatigalugu piviusunngortitassatut takorluugaanik saqqummiivigineqassapput.
Peqataarusuttut peqataasinnaanissaat qulakkeerniarlugu saqqummiinertut aaqqissuussineq tamatumalu kingorna ileqquusumik ataatsimeersuarneq livestream-merneqassapput (qarasaasiakkut toqqaannartumik aallakaatinneqassapput) piffissallu ilaanni online-ikkut peqataaffigineqarsinnaassalluni.
Saqqummiinertut aaqqissuussinerup ileqquusumik ataatsimeersuarnissap aallartiffissaa akunnermik affarmik sioqqullugu ingerlanneqarnissaa naatsorsuutigineqarpoq, innuttaasunillu peqataaffigineqarsinnaassalluni. Tassa imaappoq ileqquusumik ataatsimeersuarnerup saqqummiinertut aaqqissuussinerit naammassiniartullu ingerlanneqartarnissaat naatsorsuutigineqarpoq, taamaasilluni toqqaanartumik aallakaatitsinerup ingerlaannarnissaa naatsorsuutigineqarluni.
Toqqaannartumik aallaakaatitsinissani linkit tamakkerlugit uani takukkit.
Annertunerusumik paasisaqarusuttut ingerlatseqatigiiffinnut pineqartunut imaluunniit Siulittaasup Naalakkersuisoqarfianut una aqqutigalugu saaffiginnissinnaapput govsec@nanoq.gl.