AtuartigukNipisanniarnerup qaqugu aallartinnissaa
Nassiussisuuvoq: Aalisarnermut Piniarnermullu Naalakkersuisoqarfik
Nipisanniarneq pillugu Namminersorlutik Oqartussat nalunaarutaat nr. 8, 9. februar 2024 § 8 imm. 1 malillugu Aalisarnermut Piniarnermullu Naalakkersuisoqarfik nipisanniarnermi piffissat aalisarfissat qaqugu aallartinneqassanermut aalajangiissaaq.
Aalisarnermut Piniarnermullu Naalakkersuisoqarfiup najukkani tunitsiveqarfiit aalisartullu peqatigiiffiisa sinniisai aalajangiinissaq siunertaralugu 6. marts-imiit 22. marts ilanngullugu tusarniaaffigeqqammerpai.
Tusarniaaneq tunuliaqutaralugu Aalisarnermut Piniarnermullu Naalakkersuisoqarfik aalajangerpoq arnarlunnik nipisanniarneq aallartissasoq aqutsiveqarfinni ukunani ullunilu ukunani:
| Aqutsiveqarfik 1F | 1. april 2024 | Pisassat 152,1 tons |
| Aqutsiveqarfik 1E | 10. april 2024 | Pisassat 210,0 tons |
| Aqutsiveqarfik 1D | 1. april 2024 | Pisassat 324,6 tons |
| Aqutsiveqarfik 1C | 17. april 2024 | Pisassat 354,7 tons |
| Aqutsiveqarfik 1Bb | 17. april 2024 | Pisassat 93,0 tons |
| Aqutsiveqarfik 1Ba | 17. april 2024 | Pisassat 178,8 tons |
| Aqutsiveqarfik 1A | 17. april 2024 | Pisassat 182,0 tons |
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl
