AtuartigukKullorsuup umiarsualiviani atugassarititaasut allilerneqalerput
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Kullorsuup umiarsualiviani atugassarititaasunik alliliinissamut aningaasanik atugassiisoqarnissaanik Naalakkersuisut qinnutigisaat, Inatsisartut Aningaasaqarnermut Akileraartarnermullu Ataatsimiititaliaata 2024-mi marlunngornermi martsip 19-iani akuersissutigaa.
Pilersaarutitigut umiarsualivik piusoq allilerneqassaaq, talittarfillu piusoq 0,5 meterinik portulineqassalluni. Pilersaarutitigut umiarsualivimmi sulinermi atugassarititaasut pitsaanerulissapput, najugaqartullu umiatsiaaraat ulerujussuarnernut ilaalu ilanngullugit illersorneqalissallutik.
Ineqarnermut Attaveqaasersuutinullu Naalakkersuisoq Hans Peter Poulsen ima oqaaseqarpoq:
”Kullorsuup umiarsualiviani nassiussalerineq piffissami sivitsortumi unammillernarsimavoq. Umiarsualivimmi massakkut atugassarititaasut, pingaartumik taartillugu silarlutsillugulu umiarsualivimmi atuisut isumannaassusaannut aarlerinarput. Tassunga tunngatillugu innuttaasut misigisimapput, anorersuartillugu talittarfiup oqquunissaa amigaataasoq. Taassumap saniatigut umiarsualivimmi nassiussalerinermi qangaaniilli ilisimaneqarlutik unammillernartut pitsaanerulissapput. Taamaattumik Kullorsuup umiarsualivianik pilersaarut maanna aallartinneqarsinnaanngormat nuannerpoq.
Ataatsimoorussamik attaveqaasersuutitta aserfallatsaalineqartarnerat inoqarfinni minnerni inuunermut kiisalu nunap ataneranut, ineriartortinneqarnissaanullu aalajangiisuupput. Taamaattumik pilersaarutit mannatuulli ittut Naalakkersuisut pingaartitarilluinnarpaat.”
Kullorsuarmi umiarsualivimmik atuisut, innuttaasullu qanimut oqaloqatigalugit pilersaarut suliarineqarpoq.
Pituffiup, sissiukkallu nuuata sanaartornikkut atalersinneqarnerisigut talittarfik piusoq allilerneqassaaq. Taamaalilluni assiaqut metererpaalunngorlunilu talittarfik anginerulissaaq. Talittarfiup allilerneqarneranut atatillugu qullilersuisoqassaaq, kranimut toqqaviliortoqassaaq, pituffiillu ilaneqarlutik.
Talittarfimmut atatillugu ujaqqanik oqquiffissaliortoqarsinnaanersoq, pilersaarusiornermut atatillugu misissorneqarnikuuvoq. Anorersuartillugu oqquiffiup umiatsiaaqqat sissamiittut illersussallugit siunertarissagaluarpaa. Immap itissusaanik misissuineq tunuliaqutaralugu uppernarsarneqarsinnaavoq, ujaqqanik oqquiffissaliorfissatut sumiiffik kissaatigineqartoq itivallaartoq. Nunaqarfimmi aqutsisut oqaloqatiginerisigut aaqqiissutissamik allamik nassaartoqarluni, talittarfik piusoq 0,5 meterinik portulineqassaaq. Najugaqartut umiatsiaaraat anorersuarnernut il.il. taassumap illersorsinnaassagai naatsorsuutigineqarpoq.
Talittarfik nutaaq 2024-p ukiaani atulersinnaassasoq naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Pilersaarutitigut umiarsualivik piusoq allilerneqassaaq, talittarfillu piusoq 0,5 meterinik portulineqassalluni. Pilersaarutitigut umiarsualivimmi sulinermi atugassarititaasut pitsaanerulissapput, najugaqartullu umiatsiaaraat ulerujussuarnernut ilaalu ilanngullugit illersorneqalissallutik.
Ineqarnermut Attaveqaasersuutinullu Naalakkersuisoq Hans Peter Poulsen ima oqaaseqarpoq:
”Kullorsuup umiarsualiviani nassiussalerineq piffissami sivitsortumi unammillernarsimavoq. Umiarsualivimmi massakkut atugassarititaasut, pingaartumik taartillugu silarlutsillugulu umiarsualivimmi atuisut isumannaassusaannut aarlerinarput. Tassunga tunngatillugu innuttaasut misigisimapput, anorersuartillugu talittarfiup oqquunissaa amigaataasoq. Taassumap saniatigut umiarsualivimmi nassiussalerinermi qangaaniilli ilisimaneqarlutik unammillernartut pitsaanerulissapput. Taamaattumik Kullorsuup umiarsualivianik pilersaarut maanna aallartinneqarsinnaanngormat nuannerpoq.
Ataatsimoorussamik attaveqaasersuutitta aserfallatsaalineqartarnerat inoqarfinni minnerni inuunermut kiisalu nunap ataneranut, ineriartortinneqarnissaanullu aalajangiisuupput. Taamaattumik pilersaarutit mannatuulli ittut Naalakkersuisut pingaartitarilluinnarpaat.”
Kullorsuarmi umiarsualivimmik atuisut, innuttaasullu qanimut oqaloqatigalugit pilersaarut suliarineqarpoq.
Pituffiup, sissiukkallu nuuata sanaartornikkut atalersinneqarnerisigut talittarfik piusoq allilerneqassaaq. Taamaalilluni assiaqut metererpaalunngorlunilu talittarfik anginerulissaaq. Talittarfiup allilerneqarneranut atatillugu qullilersuisoqassaaq, kranimut toqqaviliortoqassaaq, pituffiillu ilaneqarlutik.
Talittarfimmut atatillugu ujaqqanik oqquiffissaliortoqarsinnaanersoq, pilersaarusiornermut atatillugu misissorneqarnikuuvoq. Anorersuartillugu oqquiffiup umiatsiaaqqat sissamiittut illersussallugit siunertarissagaluarpaa. Immap itissusaanik misissuineq tunuliaqutaralugu uppernarsarneqarsinnaavoq, ujaqqanik oqquiffissaliorfissatut sumiiffik kissaatigineqartoq itivallaartoq. Nunaqarfimmi aqutsisut oqaloqatiginerisigut aaqqiissutissamik allamik nassaartoqarluni, talittarfik piusoq 0,5 meterinik portulineqassaaq. Najugaqartut umiatsiaaraat anorersuarnernut il.il. taassumap illersorsinnaassagai naatsorsuutigineqarpoq.
Talittarfik nutaaq 2024-p ukiaani atulersinnaassasoq naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl