AtuartigukNaalakkersuisoqarfimmi pisortaagallartoq atorfinippoq
Nassiussisuuvoq: Naalakkersuisut Siulittaasuata Naalakkersuisoqarfia
Emanuel Rosing Aalisarnermut Piniarnermullu Naalakkersuisoqarfimmi pisortaagallartoq pisortatut atorfinitsinneqassasoq Naalakkersuisut aalajangerpaat.
Emanuel Rosing 1996-imi Namminersornerullutik Oqartussat Aalisarnermut Pisortaqarfiani fuldmægtig-itut siullermik atorfinippoq.
2023-miilli Aalisarnermut Piniarnermullu Naalakkersuisoqarfimmi pisortaagallarsimavoq. Århusip Universitetianiit inatsisilerinermi bacheloriuvoq.
Aalisarnermut Piniarnermullu Naalakkersuisup, Kim Kielsenip, Emanuel Rosingip naalakkersuisoqarfimmi pisortatut atorfininnera nuannaarutigaa.
“Ukiorpassuarni aalisarnermut piniarnermullu tunngasut qanimut suleqataaffiginikuuai, taamaattumillu suleriaatsit ilisimasaqarfigilluarlugit. Pisarnermisut sulianik annertuunik naammassinnittarnini ingerlatiinnassavaa. Suleqatigiinnitta ingerlaannarnissaa nuannaarutigaara”, Kim Kielsen oqarpoq.
Sukumiinerusumik paasisaqarusukkuit Naalakkersuisup allattaa attavigisinnaavat: Naja Lynge Petersen, mail: njlp@nanoq.gl