EU-kommissionip siulittaasua tikeraapallalerpoq

EU-kommissionip siulittaasua Ursula von der Leyen sisamanngorneq ulloq 14. marts ministeriuneq Mette Frederiksen peqatigalugu Nuummut tikissaaq.

Tallimanngorneq ulloq 15. marts isumaqatigiissutit marluk atsiorneqassapput. Siulleq ilinniartitaanermut suleqatigiinnermut tunngavoq aappaalu mingutitsinngisumik periutsit siuarsarnerannut suleqatigiinnermik taallugit isumaqatigiissutaavoq. Atsioqatigiinneq ingerlanneqareerpat EU-p allaffissaa pisortatigoortumik ammarneqassaaq.

Ataatsimiinnermi pisussanut pilersaarut matuma kinguliani takuneqarsinnaavoq:

14. marts: Nuummut tikinneq

15. marts: Tallimanngorneq ullup qeqqata siorna EU-kommissionip siulittaasuata Naalakkersuisunut ilaasortat, Múte Bourup Egede (siulittaasoq), Vivian Motzfeldt (Naalagaaffinngornissamut Nunanullu Allanut susassaqarfiit), Naaja Nathanielsen (Inuussutissarsiornermut, Niuernermut, Aatsitassanut, Inatsisit Attutsinneqarnerannut Naligiissitaanermut) kiisalu Kalistat Lund (Nunalerineq, Imminut Pilersorneq, Nukissiuutit Avatangiisillu) ataatsimeeqatigissavai.

Ataatsimiinnermi ilaatigut silap pissusaata allanngoriartornera, nukissiuutit ataavartut, ilinniartitaaneq ilaalu ilanngullugit suleqatigiit oqallisigissavaat.

10:30 Atsioqatigiinnerup nalliuttorsiutigineqarnera

11:15 EU-p allaffiata pisortatigoortumik ammarneqarnera

Paasissutissanik annertunerusunik piniarnermi attaveqarfigineqassaaq Naalakkersuisup allattaa Niels Dorph, allatsit@nanoq.gl, 345000.