AtuartigukNaalakkersuisut Kommune Qeqertalimmi utoqqarnut sammisassaqartitsineq tapiissuteqarfigaat
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Naalakkersuisut Utoqqarnut periusissiaat piviusunngortinnerannut ilaatillugu, Kommune Qeqertalimmi Qasigiannguani utoqqaat illuanni Qeersaat Illuanni sammisassaqartitsineq nukittorsarniarlugu Naalakkersuisut aningaasaliissuteqarput. Sammisassaqartitsinermi ilaatigut najugaqartut piniarnermi peqataasarnissaat aamma kalaaliminernik suliaqartarnissaat sammineqarpoq.
Kommune Qeqertalik Qasigiannguani Qeersaat Illuanni najugaqartut aasaanerani ukiuuneranilu sammisassaqartinniarlugit aningaasaliissutinik Naalakkersuisunut qinnuteqarpoq. Tapiissutit utoqqaat illuanni najugaqartut kalaaliminernik suliaqarnissaannut, piniariarnermiit iganissaanut, periarfissiipput. Tamanna najugaqartut inuunermi tunngaviannut, pinngortitamut, piniariarnermut iganermullu qanillisinniarlugit, najugaqartut nererusunnerannut inuulluataarnerannullu pingaaruteqartoq.
”Nuannaaqaanga, Kommune Qeqertalik Qasigiannguani Qeersaat Illuanni najugaqartut inuunerannik atugassarititat pitsanngorsarniarlugit aningaasaliissutinik qinnuteqarmat. Naalakkersuisut utoqqarnut periusissiaminni allapput, kommunit tapersersorusukkigut, taamaalillutik najugaqartut piorsarsimassusitta ilagilluinnagaanik sammisassaqartinneqarsinnaasut nerisaqartinneqarsinnaallutillu. Naalakkersuisut neriuutigaat, Kommune Qeqertaliup qinnuteqaataata kommunit allat siunertanut assingusunut qinnuteqarnissaminnut isumassarsiorfigissagaat” Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq, Jess Svane, oqaaseqarpoq.
Tigussaasumik Naalakkersuisut tapiissuteqarput, najugaqartut sikumi aalisarsinnaalerlutik ilaatigullu Akullernut, najugaqartut amerlasuut attuumassuteqarfigisaannut, angallaqarsinnaalerlutik.
Borgmester Ane Hansen oqaaseqarpoq: ”Tapiissuteqarneq nuannaarutigaarput kommunillu sinneranut siammarternissaanut qilanaarluta”.
Naalakkersuisut utoqqarnut periusissiaannut ilaavoq innuttaasunut utoqqaanerusunut inuunermi atugassarititanik pitsanngorsaataasutut siunertanut tapiissuteqarnissamut periarfissaq. Naalakkersuisut utoqqarnut periusissiamut siunertat attuumassuteqartut tapiissuteqarfigissallugit pingaartippaat. Utoqqarnut periusissiami suliniut nr. 10-mi siunertarineqarpoq, utoqqaat illuanni annertunerusumik kalaaliminernik sassaalliisarnerup qulakkeerneqarnissaa. Kommunit aningaasaliissutit pillugit Naalakkersuisunut nalunaarusiortarnerat tapiissuteqarnermut apeqqutaatinneqarpoq.
Attaveqarfissaq
Annertunerusumik paasisaqarniaruit attaveqarfigiuk e-mail: hspd@nanoq.gl oqarasuaatikkulluunniit + 299 34 56 11
Kommune Qeqertalik Qasigiannguani Qeersaat Illuanni najugaqartut aasaanerani ukiuuneranilu sammisassaqartinniarlugit aningaasaliissutinik Naalakkersuisunut qinnuteqarpoq. Tapiissutit utoqqaat illuanni najugaqartut kalaaliminernik suliaqarnissaannut, piniariarnermiit iganissaanut, periarfissiipput. Tamanna najugaqartut inuunermi tunngaviannut, pinngortitamut, piniariarnermut iganermullu qanillisinniarlugit, najugaqartut nererusunnerannut inuulluataarnerannullu pingaaruteqartoq.
”Nuannaaqaanga, Kommune Qeqertalik Qasigiannguani Qeersaat Illuanni najugaqartut inuunerannik atugassarititat pitsanngorsarniarlugit aningaasaliissutinik qinnuteqarmat. Naalakkersuisut utoqqarnut periusissiaminni allapput, kommunit tapersersorusukkigut, taamaalillutik najugaqartut piorsarsimassusitta ilagilluinnagaanik sammisassaqartinneqarsinnaasut nerisaqartinneqarsinnaallutillu. Naalakkersuisut neriuutigaat, Kommune Qeqertaliup qinnuteqaataata kommunit allat siunertanut assingusunut qinnuteqarnissaminnut isumassarsiorfigissagaat” Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoq, Jess Svane, oqaaseqarpoq.
Tigussaasumik Naalakkersuisut tapiissuteqarput, najugaqartut sikumi aalisarsinnaalerlutik ilaatigullu Akullernut, najugaqartut amerlasuut attuumassuteqarfigisaannut, angallaqarsinnaalerlutik.
Borgmester Ane Hansen oqaaseqarpoq: ”Tapiissuteqarneq nuannaarutigaarput kommunillu sinneranut siammarternissaanut qilanaarluta”.
Naalakkersuisut utoqqarnut periusissiaannut ilaavoq innuttaasunut utoqqaanerusunut inuunermi atugassarititanik pitsanngorsaataasutut siunertanut tapiissuteqarnissamut periarfissaq. Naalakkersuisut utoqqarnut periusissiamut siunertat attuumassuteqartut tapiissuteqarfigissallugit pingaartippaat. Utoqqarnut periusissiami suliniut nr. 10-mi siunertarineqarpoq, utoqqaat illuanni annertunerusumik kalaaliminernik sassaalliisarnerup qulakkeerneqarnissaa. Kommunit aningaasaliissutit pillugit Naalakkersuisunut nalunaarusiortarnerat tapiissuteqarnermut apeqqutaatinneqarpoq.
Attaveqarfissaq
Annertunerusumik paasisaqarniaruit attaveqarfigiuk e-mail: hspd@nanoq.gl oqarasuaatikkulluunniit + 299 34 56 11