Sunngiffimmi saarullinniartarneq pillugu nassuiaat saqqummiunneqarpoq

Naalakkersuisut kissaatigaat aalisarneq pillugu isertuannginnerusumik saqqummiussisoqartassasoq, aalisakkat inuiaqatigiinnit isumalluutitut pigineqarmata. Taamaattumik ataavartumik nassuiaatinik saqqummiussisoqartarpoq. Sunngiffimmi saarullinniartarneq pillugu nassuiaat Naalakkersuisunit akuerineqarpoq.

Nassuiaat inerniliivoq, sunngiffimmi saarullinniartarneq aningaasarsiutaalluartutut aalisarnertut ineriartortorujussuusoq, sunngiffimmi saarullinniartut ilaat inuussutissarsiutigalugu aalisartut ilaannit aningaasarsiaqarnerusarlutik.

Sunngiffimmi saarullinniartut ilaat bundgarnersorlutik aalisalersimapput, tamanna inuussutissarsiutitut aalisarnermut atortunik peqarnertut isigineqassaaq, bundgarnit 50.000 koruunit missaannik akeqarlutik.

Takuuk nassuiaat: 2023-mi akuersissutit 778-it tunniunneqarput, taakku 2022-mi tunniunneqartunut sanilliullugit 296-inik amerlanerupput. Akuersissutinit 778-iusunit tunniunneqartunit 482-it atorneqarput, tamatuma takutippaa tunniunneqartunit 62 procentit akuersissut atorlugu aalisartut.

Akuersissutit 2023-mi tunniunneqartut amerlassusii tunngavigalugit rekordiliisoqarpoq, sunngiffimmi saarullinniartut aatsaat taama amerlatigisut akuersissummik tunineqarmata, akuersissummillu atuisut aamma taama amerlatigimmata.

‘Nuummi amerlanerpaat tunitsivinnut tunisipput, pisassiissutinit 40 procentit tunitsivinnut tunineqarlutik. Maniitsumi tunitsivimmut tunisat amerlassusii tulliupput, pisassiissutinit 7 procentit tunineqarlutik.

Suliffissaaleqineq pissutigalugu sunngiffimmi saarullinniarsinnaaneq aallartinneqarpoq. 2016-imit 2021-mut suliffissaaleqisut ikileriarput, affangajaannik ikilillutik. 2026-imi 6,3 procentiusut 2021-mi 3,7 procentiullutik.

Nassuiaat Naalakkersuisoqarfiup nittartagaani Naalakkersuisut.gl-imi atuarneqarsinnaavoq.

Aamma sinerissap qanittuani saarullinniarneq pillugu nassuiaammi paasissutissat amerlanerusut atuarneqarsinnaapput, aqutsiveqarfimmi 47-mi sinerissap qanittuani qaleralinniarneq pillugu, saattuarniarneq aamma uiluinniarneq nittartakkami atuarneqarsinnaallutik.


Sukumiinerusumik paasisaqarusukkuit Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl