AtuartigukIllersornissaq pillugu isumaqatigiissuteqarnissaq pillugu innuttaasunik ataatsimiititsineq
Nassiussisuuvoq: Naalagaaffinngornissamut Nunanullu allanut Naalakkersuisoqarfik
Naalagaaffinngornissamut Nunanullu Allanut Naalakkersuisoq Vivian Motzfeldt illersornissamut isumaqatigiissutissaq pillugu, taassumalu nunatsinnut issittumullu sunniutissai pillugit innuttaasunik ataatsimiititsinissaminnut aggersaavoq. Illersornissamut ministeri Troels Lund Poulsenittaaq innuttaasunik ataatsimiisitsinermi peqataassaaq.
Naalakkersuisup ministerillu Nuummi innuttaasut Issittumi illersornissaq pillugu politikimik ineriartornerup ingerlanga pillugu nunatsinnut periarfissaasinnaasut eqqarsaatigalugit isumaat tusarusuppaat.
Pisussat:
- Naalagaaffinngornissamut Nunanullu Allanut Naalakkersuisup Vivian Motzfeldtip tikilluaqqusinera
- Illersornissamut ministerip Troels Lund Poulsenip saqqummiinera
- Inimi najuuttunut oqaaseqarsinnaaneq apeqquteqarsinnaanerlu
- Naggassiilluni oqaaseqarneq
Kikkut tamarmik tikilluaqqusaapput – nutserisoqarumaarpoq.
Kaffeqarlunilu teeqarumaarpoq.
Ulloq: 6. marts 2024
Piffissaq: nal. 16.30-18.00
Sumiiffik: Nuummi Katersortarfik