AtuartigukSiunissaq qaamavoq â inuusuttut akornanni pimoorussineq annertuujusoq neriulluartoqartorlu Naalakkersuisup Hans Peter Poulsenip misigaa
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Ineqarnermut Attaveqaasersuutinullu Naalakkersuisoq Hans Peter Poulsen piffissami februaarip 6-iat aallarnerfigalugu februaarip 13-iata tungaanut Qeqqata Kommuniani illoqarfittaannilu angalavoq. Hans Peter Poulsenip angalanermini kommunimi innuttaasut aammalu najukkani entreprenørit ataatsimeeqatigai kiisalu sanaartorfigineqartut takusarlugit. Inuusuttut naapinnissaat angalanermi immikkut ukkatarineqarpoq.
Hans Peter Poulsenimut, tikeraarnermi nalaani nukissaqarluartunik, nutaaliorluni piujuartitsiviusumillu aaqqiissutissarsisartunik siunissamillu upperinnittunik misigisaqartumut, angalaneq nuannersumik paasisaqarfiuvoq.
Maniitsumi Namminersorlutik Oqartussat inissiaqarfiisa marluk isaterneqarnerannik suliaqarnermut sanaartorfiusoq, ilaatigut Hans Peter Poulsenip takusarpaa. Tassani betonngi illuutinit isaterneqartuneersoq sequtserneqarluni aammalu kommunimi aqqusinniassanut atoqqinneqartarluni kommunip suliniutaanik nassuiaanneqarluni. Kommunip nutaanik pilersitsinermik piujuartitsinermillu eqqarsarluni aammalu atortussat pigineqareersut suliniutini nutaani atoqqillugit qanoq naleqalersitseqqittarneranut suliniut assersuutissaavoq.
Naalakkersuisoq Hans Peter Poulsen oqarpoq:
”Nunatut anigorniagassaqalertarnerput akuttunngitsumik oqaluuserisarparput, tamannalu siunissamut tunngatillugu nikallornarsinnaasarpoq. Kisianni angalaninni nalaatara taamaanngilaq. Tassani sanaartorfinni takusakkanni suliaqarneq annertuujusoq nukissaqarluartoqartorlu misigaara aammalu innuttaasut neriulluarnerartut aammalu siunissami anigorniagassat anigorniarnissaannik piumassusillit naapillugit.”
Illuliortiternermik sanaartornermillu inuussutissarsiorneq, inuussutissarsiutit allarpassuit assigalugit, piukkunnartunik sulisussaaleqiffiuvoq. Siunissami suliassarpassuarni suliniuteqarnernilu annertuuni kikkut tamarmik pisinnaasaminnik tunniusseqataanissaat pinngitsoorneqarsinnaanngilaq. Taamaalilluni siunissami pingaartumik inuusuttut annertuumik neriulluarfigineqarput.
Hans Peter Poulsenip inuusuttunik naapitsinermini ullumikkut periarfissat pisariaqartitsinerillu aammalu siunissami takkuttussat pillugit inuusuttut oqaloqatiginissaannut periarfissaqarsimavoq.
Naalakkersuisoq Hans Peter Poulsen oqarpoq:
”Inuusuttut taakkuupput siunissatta sanarfinissaanut toqqammavigisassagut. Inuusuttut peqataatinngikkutsigit siunissamut anguniagaqarnigut piviusunngortissinnaanngilagut. Inuusuttut angalaninni naapitakka annertuumik pimoorussinerminnik aammalu periarfissanut ullumikkut periarfissaareersunut aammalu siunissami periarfissaalertussanut soqutiginninnerminnik takutitsipput. Taakkua nunatsinnut aammalu anigorniagassat ullumikkut takusakkatta aaqqiiviginissaannut piginnaaneqartugut upperinninnera uppernarsarpaat.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Hans Peter Poulsenimut, tikeraarnermi nalaani nukissaqarluartunik, nutaaliorluni piujuartitsiviusumillu aaqqiissutissarsisartunik siunissamillu upperinnittunik misigisaqartumut, angalaneq nuannersumik paasisaqarfiuvoq.
Maniitsumi Namminersorlutik Oqartussat inissiaqarfiisa marluk isaterneqarnerannik suliaqarnermut sanaartorfiusoq, ilaatigut Hans Peter Poulsenip takusarpaa. Tassani betonngi illuutinit isaterneqartuneersoq sequtserneqarluni aammalu kommunimi aqqusinniassanut atoqqinneqartarluni kommunip suliniutaanik nassuiaanneqarluni. Kommunip nutaanik pilersitsinermik piujuartitsinermillu eqqarsarluni aammalu atortussat pigineqareersut suliniutini nutaani atoqqillugit qanoq naleqalersitseqqittarneranut suliniut assersuutissaavoq.
Naalakkersuisoq Hans Peter Poulsen oqarpoq:
”Nunatut anigorniagassaqalertarnerput akuttunngitsumik oqaluuserisarparput, tamannalu siunissamut tunngatillugu nikallornarsinnaasarpoq. Kisianni angalaninni nalaatara taamaanngilaq. Tassani sanaartorfinni takusakkanni suliaqarneq annertuujusoq nukissaqarluartoqartorlu misigaara aammalu innuttaasut neriulluarnerartut aammalu siunissami anigorniagassat anigorniarnissaannik piumassusillit naapillugit.”
Illuliortiternermik sanaartornermillu inuussutissarsiorneq, inuussutissarsiutit allarpassuit assigalugit, piukkunnartunik sulisussaaleqiffiuvoq. Siunissami suliassarpassuarni suliniuteqarnernilu annertuuni kikkut tamarmik pisinnaasaminnik tunniusseqataanissaat pinngitsoorneqarsinnaanngilaq. Taamaalilluni siunissami pingaartumik inuusuttut annertuumik neriulluarfigineqarput.
Hans Peter Poulsenip inuusuttunik naapitsinermini ullumikkut periarfissat pisariaqartitsinerillu aammalu siunissami takkuttussat pillugit inuusuttut oqaloqatiginissaannut periarfissaqarsimavoq.
Naalakkersuisoq Hans Peter Poulsen oqarpoq:
”Inuusuttut taakkuupput siunissatta sanarfinissaanut toqqammavigisassagut. Inuusuttut peqataatinngikkutsigit siunissamut anguniagaqarnigut piviusunngortissinnaanngilagut. Inuusuttut angalaninni naapitakka annertuumik pimoorussinerminnik aammalu periarfissanut ullumikkut periarfissaareersunut aammalu siunissami periarfissaalertussanut soqutiginninnerminnik takutitsipput. Taakkua nunatsinnut aammalu anigorniagassat ullumikkut takusakkatta aaqqiiviginissaannut piginnaaneqartugut upperinninnera uppernarsarpaat.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl